ꓟ‐ꓕꓲ 13ꓽ31‐35

ꓪꓳꓽ ꓒꓲ ꓫꓵ. ꓐꓰ ꓙꓵꓽ ꓧꓶꓽ ꓔꓯ ꓥꓳꓽ

ꓪꓳꓽ ꓒꓲ ꓫꓵ. ꓐꓰ ꓙꓵꓽ ꓧꓶꓽ ꓠꓬ ꓣꓳꓺ ꓥ ꓟꓲ ꓮ ꓘꓶ. ꓪꓴ ꓡ ꓢꓲ ꓟꓬ ꓡ ꓟ ꓥ ꓡꓳ꓿ ꓪꓴ‐ꓢ ꓠꓬ ꓣꓳ ꓤꓶꓻ ꓠꓯꓼ ꓗꓪ ꓣꓳꓺ ꓟ ꓐꓰ ꓪꓴ. ꓔꓴ ꓥ ꓟꓲ ꓬꓲ. ꓣꓱ ꓛꓰ ꓠꓬ ꓣꓳ ꓠꓲ, ꓟ ꓔꓯ ꓒꓳ, ꓡꓶ. ꓝꓲ ꓖꓶ ꓐ ꓡ ꓡꓳ꓿

ꓫꓱ. ꓤ ꓟ ꓬꓲ. ꓚꓱ,꓾ ꓪꓽ ꓘꓴ ꓟ ꓬꓲ. ꓙꓵ, ꓐꓰ ꓖꓽ ꓖꓶ_ ꓟ ꓕꓱ ꓡꓱ ꓫꓵ ꓠꓬ ꓣꓳꓺ ꓡꓳ ꓐꓰ ꓓꓵꓽ ꓙ ꓥ ꓟꓲ ꓟꓴ ꓗꓪ ꓗꓴꓷꓼ ꓗꓪ ꓫꓵ. ꓔ ꓟ ꓬꓲ ꓫꓵ. ꓐꓰ ꓫꓱ, ꓟ ꓡꓰ ꓐꓰ ꓬꓲ. ꓚꓱ, ꓬꓲ ꓢꓯꓼ ꓪ ꓔꓯ ꓞ ꓞ ꓟꓽ ꓟꓳ ꓥ ꓟꓲ ꓙꓲ_ ꓟ ꓠꓬ ꓮ ꓞ ꓞ ꓪꓴ ꓟꓴ ꓡ ꓟ ꓥ ꓡꓳ꓿ ꓟꓬ ꓡ ꓟ ꓙꓲ_ ꓟ ꓢꓯꓼ ꓪ ꓠꓬ ꓣꓳ ꓗꓳ ꓡꓳ ꓗꓪ ꓠꓶꓽ ꓛꓳ ꓕꓲ ꓛꓳ ꓐꓴ ꓗꓪ ꓛꓲ ꓙꓲ ꓖꓴ ꓙꓳ_ ꓡꓳ꓿ ꓣꓳꓺ ꓟ ꓚꓱ, ꓔꓯ ꓫꓱ. ꓤ ꓠꓵꓻ ꓠꓲ, ꓗꓷ ꓔ ꓟ ꓗꓪ ꓐꓰ ꓪꓴ_ ꓟ ꓢꓯꓼ ꓪ ꓔꓯ ꓒꓬꓱꓼ ꓡꓰ ꓝꓲ_ ꓡꓳ꓿ ꓪꓳꓽ ꓒꓲ ꓫꓵ. ꓐꓰ ꓙꓵꓽ ꓧꓶꓽ ꓬꓲ. ꓔꓯ ꓥꓳꓽ ꓠꓬ ꓣꓳ ꓤꓶꓻ ꓗꓪ ꓪꓴ‐ꓢ ꓡꓰ ꓪꓴ. ꓔꓴ_ ꓟ ꓣꓳꓺ ꓟ ꓬꓲ. ꓚꓱ, ꓐꓴ ꓔꓯ ꓓꓵꓽ ꓙ ꓠ, ꓟ ꓥ ꓡꓳ꓿ ꓮ ꓟꓬ ꓛꓲ ꓣꓳꓺ ꓟ ꓫꓱ. ꓤ ꓟ꓾ ꓙꓽ ꓣꓳ_ ꓟ ꓖꓽ ꓖꓶ_ ꓟ ꓬꓲ. ꓫꓵ. ꓐꓴ ꓔꓯ ꓣꓳ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓗꓪ ꓫꓵ. ꓔ ꓓꓴ ꓬꓰ ꓡꓯ ꓐꓰ ꓢꓯꓼ ꓖꓶ ꓩꓴ ꓡ ꓥꓳ꓿