ꓔꓲꓺ ꓒ ꓪ ꓔꓲ ꓡꓰ Montecassino ꓔꓲꓺ ꓒ ꓦꓲꓻ ꓗꓪ ꓢꓲ ꓡꓲ, ꓠ, ꓟ ꓐꓱ ꓶ ꓪꓽ ꓘꓴ ꓖꓶ ꓗꓷ ꓟ꓾
7 ꓦ ꓟ 20 ꓠꓬꓲ ꓠꓽ ꓕꓲꓽ ꓠꓬꓲ ꓠꓯꓼ ꓙꓵ, ꓕꓯ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ Montecassino ꓔꓲꓺ ꓒ ꓐꓴ ꓦꓲꓻ (Abbey of Montecassino) ꓐꓰ ꓖꓳ ꓗꓪ ꓔꓬ ꓟ ꓔꓲꓺ ꓒ ꓐꓴ ꓠꓯꓼ ꓗꓪ ꓙꓰ ꓚꓳ ꓗꓷ ꓟ ꓥꓳ꓿ ꓦꓮꓔꓲꓚꓮꓠ ꓗꓪ ꓐꓰ ꓐꓯ ꓑꓶ ꓔ ꓟ ꓗꓪ ꓔꓲꓺ ꓒ ꓪ ꓔꓲ ꓠꓬ St. Benedict ꓡꓱꓼ ꓜꓴ ꓗꓪ ꓠꓽ ꓢꓲ ꓗꓴꓷꓼ ꓫꓵ ꓪꓴ ꓐꓰ ꓫ. ꓙꓵ ꓟꓷꓼ ꓙꓵ ꓔꓳ, ꓜꓳ ꓔꓬ ꓟ꓾ ꓟꓲ ꓠꓯ ꓢꓲ ꓡꓲ, ꓠ, ꓟ ꓐꓱ ꓶ ꓪꓽ ꓘꓴ ꓗꓷ ꓟ ꓥꓳ꓿
ꓖꓳ ꓗ. ꓠꓯ. ꓖꓳ ꓗꓪ ꓔꓬ ꓟ ꓔꓲꓺ ꓒ ꓜꓴ ꓐꓰ ꓕꓲ ꓪ ꓟꓳꓼ ꓡꓳ ꓜ ꓜ ꓢꓲ ꓠꓬꓲ 7 ꓦ 27 ꓠꓬꓲ ꓗꓪ ꓛꓲ ꓔꓬ ꓓꓴ ꓥ ꓟ Castel Gandolfo ꓗꓪ ꓬꓲꓼ ꓙꓰ ꓟ ꓥꓳ꓿ Montecassino ꓔꓲꓺ ꓒ ꓦꓲꓻ ꓠꓬ ꓣꓳ ꓟ ꓗꓪ ꓐꓰ 2 ꓙꓵ, ꓛꓲ ꓟꓳ‐ꓓꓳ ꓐꓰ ꓙꓰ ꓠ, ꓟ ꓗꓪ ꓔꓬ ꓟ ꓥ ꓡꓳ꓾ 529 ꓘꓳꓼ ꓕꓯ ꓢꓲ ꓫꓬ ꓢꓴ ꓐꓰꓠꓰꓓꓲꓚꓔ ꓗꓪ ꓫꓬ, ꓔꓶꓻ ꓔ ꓟ Benedictine ꓔꓲꓺ ꓒ ꓜꓴꓻ ꓬꓲ. ꓪꓴ. ꓫꓬ, ꓔ ꓟ ꓔꓬ ꓦꓲꓻ ꓟꓲ ꓥ ꓡꓳ꓿
