ꓠꓲ., ꓫ. ꓟꓬ ꓫ. ꓕꓳꓽ ꓜꓳꓼ ꓔꓬ ꓟ Iraqi ꓞꓳ ꓡꓱ ꓐꓴ ꓔꓯ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓢꓯꓼ ꓖꓶˍꓟ꓾
ꓔꓲ.. ꓒ ꓪ ꓔꓲ ꓡꓰꓳ (14) ꓠꓬ Ankawa ꓡꓳ ꓒꓱ ꓗꓪ ꓙꓰ ꓡ ꓔꓬ ꓟ Iraqi ꓞꓳ ꓡꓱ ꓤ ꓐꓴ ꓔꓯ꓾ ꓦ ꓡꓱ ꓟ꓾ ꓠꓵ., ꓠꓲ,꓾ ꓡꓳ. ꓔꓬ ꓟ ꓐꓰ ꓕꓱ ꓡꓱ ꓠꓲ., ꓫ. ꓓꓴ ꓮꓽ ꓘꓶꓽ ꓔꓯ ꓪꓴ‐ꓢ ꓠꓵ., ꓠꓲ,ꓗꓪ ꓐꓰ ꓢꓲ ꓡꓲ ꓗꓷ ꓡ ꓠ, ꓟ ꓐꓱ ꓶ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓢꓯꓼ ꓖꓶ ꓗꓷ ꓟ ꓥ ꓡꓳ꓿
Iraqi ꓕꓲ ꓗꓴꓷꓼ ꓡꓱ ꓗꓪ ꓔꓬ ꓟ ꓞꓳ ꓡꓱ ꓐꓴ ꓠꓬ Ankawa ꓡꓳ ꓒꓱ ꓗꓪ ꓜꓲꓼ ꓛꓲ ꓡ ꓟ ꓠꓬ 7 ꓦ ꓟ 8 ꓠꓬꓲ ꓗꓪ ꓐꓰ 11 ꓠꓬ ꓗꓪ ꓛꓲ ꓜꓲꓼ ꓓꓴ ꓥ ꓢꓲ꓾ ꓔꓲ.. ꓒ ꓪ ꓔꓲ ꓢꓯꓼ ꓖꓶ ꓘꓶꓽ ꓔꓯ ꓥˍꓟꓲ ꓠꓽ ꓡꓳ ꓗꓷ ꓟ ꓥ ꓡꓳ꓿ ꓘꓴ ꓜꓲ ꓞꓳ ꓗꓪ ꓪꓴ‐ꓢ ꓬꓲꓽ ꓐꓯ ꓖꓶ ꓐꓯ ꓟ. ꓙꓰ ꓠ, ꓟ ꓐꓰ ꓟꓬꓱꓽ ꓬꓰ ꓠ, ꓟ꓾ ꓟꓬꓱꓽ ꓮ ꓟꓬ, ꓙꓳˍꓟ ꓥ ꓡꓳ꓿ ꓡ ꓠ, ꓟ ꓗꓪ ꓞꓳ ꓡꓱ ꓐꓴ ꓘꓴꓽ ꓜꓲꓼ ꓞꓳ ꓪꓴ ꓡ ꓠ, ꓟ ꓐꓰ ꓗꓴꓷꓼ ꓢꓲ ꓡꓲ. ꓗꓷ ꓠ, ꓟ ꓢꓯꓼ ꓕꓵꓼ ꓠꓽ ꓗ. ꓡꓳ ꓐꓰ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓔꓽ ꓥ ꓡꓳ꓿
ꓟꓲ ꓠꓯ ꓐꓱ ꓶ ꓠꓬꓲ ꓟꓳ ꓓꓴ ꓗꓷ ꓠ, ꓟ ꓠꓬ ꓟꓽ ꓢ꓾ ꓖꓳ ꓡꓰ ꓐꓯ ꓥˍꓟꓲ ꓣꓳ ꓐ ꓡ ꓟ ꓕꓲ ꓒꓳ ꓗꓪ ꓐꓰ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓢꓯꓼ ꓖꓶ ꓗꓷ ꓟ ꓥ ꓡꓳ꓿
