ꓡꓲꓽ ꓒꓰꓼ ꓐꓰ ꓫ. ꓪ ꓕꓱˍꓟ ꓘꓴꓽ ꓜꓲ ꓞꓳ ꓕꓱ ꓟ ꓮꓽ ꓫꓵꓽ ꓔꓯ ꓐꓯ ꓠꓲ., ꓫꓵˍꓡ? ꓐꓯˍꓟ ꓚꓱ, ꓔꓯ ꓠꓽ ꓠ. ꓓꓴ ꓬꓰ ꓡꓯ꓿ ꓗ‐ꓕꓳ‐ꓡꓲꓘ ꓘꓴꓽ ꓜꓲ ꓞꓳ ꓠꓬ ꓡꓲꓽ ꓒꓰꓼ ꓮꓽ ꓙꓵ ꓔꓯ ꓟꓽ ꓘꓴ ꓣꓴ꓾ ꓡꓳ. ꓥˍꓟꓲ ꓟꓽ ꓡꓳ ꓐꓲ꓾ ꓬꓲ. ꓮ ꓡꓰ ꓬꓰ ꓔꓬ ꓡ ꓐꓰ ꓐꓯ ꓠꓬ ꓬꓲꓽ ꓪꓴ. ꓕꓲ ꓟ ꓟꓽ ꓠꓬ ꓮꓽ ꓡꓰ ꓟ ꓙꓲ, ꓡ? ꓡꓲꓽ ꓒꓰꓼ ꓘꓴꓽ ꓠꓯ.ꓼ ꓘꓴꓽ ꓗꓪ ꓙꓲˍꓟ ꓮꓽ ꓫꓵ ꓙꓳ ꓡ? ꓒꓴꓽ ꓠꓲ., ꓗꓪ ꓐꓰ ꓧꓶ ꓕꓯ ꓧꓪ ꓡꓳ꓿ ꓡꓲꓽ ꓒꓰꓼ ꓘꓴ ꓗꓪ ꓙꓲˍꓟ꓾ ꓜꓳˍꓟ꓾ ꓙꓳ ꓐꓶ ꓠꓬ ꓕꓱ ꓟ ꓔꓯ ꓘꓴꓽ ꓣꓴ ꓡꓳ꓿ ꓝꓮꓲ ꓡꓲꓽ ꓒꓰꓼ ꓘꓴ ꓠꓯ,ꓼ ꓗꓪ ꓞꓳ ꓤ ꓶ ꓒꓬꓱꓼ ꓢꓲ ꓫꓬ ꓕꓳꓽ ꓶ ꓐꓰ ꓟꓽ ꓪ ꓟ ꓢꓲ ꓫꓬ ꓕꓳꓽ ꓶ ꓗꓪ ꓬꓲ. ꓞꓳ ꓙꓳ ꓟ ꓐꓰ ꓟꓽ ꓪ ꓟ ꓔꓯ ꓠꓬ ꓘꓴꓽ ꓜꓲ ꓞꓳ ꓠꓬ ꓫꓬ ꓕꓱ ꓖꓶ ꓡꓳ꓿
ꓕꓱ ꓟ ꓡꓰ ꓐꓰ ꓟꓽ ꓞꓲ ꓙꓵꓽ ꓠꓲ., ꓔꓯ ꓥˍꓟꓲ ꓡꓲꓽ ꓒꓰꓼ ꓘꓴꓽ ꓠꓯ.ꓼ ꓗꓪ ꓬꓲ. ꓪ ꓣꓱꓽ ꓔꓬ ꓟ ꓔꓯ ꓥˍꓟꓲ ꓥꓳꓽ ꓫꓵ ꓬꓲꓽ ꓪ ꓟꓵ ꓖꓪ ꓣꓱꓽ ꓫꓵꓼ ꓣꓱꓽ ꓙꓰ ꓬꓲꓽ ꓪ ꓡꓲꓽ ꓒꓰ ꓠꓯ.ꓼ ꓘꓴ ꓗꓪ ꓙꓵ., ꓠꓲ, ꓕꓱ ꓟ ꓔꓯ ꓘꓴ ꓜꓲꓼ ꓞꓳ ꓕꓲ ꓟ ꓠꓬ ꓢꓯꓼ ꓕꓵ ꓟ ꓥ ꓡꓳ꓿ ꓖꓳ ꓡꓰ ꓠꓬ ꓘꓴ ꓜꓲ ꓞꓳ ꓡꓲ ꓮꓽ ꓡꓰ ꓫꓵꓽ ꓗꓴꓷꓼ ꓗꓪ ꓔꓬ ꓢꓴ ꓔꓯ ꓥˍꓟꓲ ꓛꓲ ꓛꓬ ꓥꓳꓽ ꓗꓪ ꓐꓰ ꓪꓴ‐ꓢ ꓔꓯ ꓣꓱꓽ ꓖꓶ ꓠꓽ ꓟ ꓦ ꓟ ꓙꓵꓽ ꓟ ꓔꓯ ꓣꓴ ꓢꓲ꓾ ꓠꓬ ꓟꓽ ꓙꓲˍꓟ ꓔꓯ ꓡꓳ. ꓩꓴ ꓠꓽ ꓟ ꓐꓱ ꓶ ꓬꓰ ꓖꓶ ꓡꓳ꓿
ꓕꓯ ꓥꓳꓽ ꓕꓲ ꓟ ꓐꓯˍꓠꓬ ꓮꓽ ꓟꓶ ꓮ‐ꓬ ꓗꓴꓷꓼ ꓗꓪ ꓛꓲ ꓛꓬ ꓥꓳꓽ ꓫꓵꓼ ꓗꓪ ꓐꓰ ꓪꓴ‐ꓢ ꓔꓯ ꓣꓱꓽ ꓖꓶˍꓟ ꓮꓽ ꓟꓬ ꓙꓳ ꓟ ꓥ ꓡꓳ꓿ ꓡꓲꓽ ꓒꓰꓼ ꓔꓯ ꓟ ꓡꓳ ꓗꓷ ꓗꓷ ꓪꓴ‐ꓢ ꓔꓯ ꓣꓱꓽ ꓖꓶ ꓡꓳ꓿ ꓖꓳ ꓡꓰ ꓠꓬ ꓘꓴ ꓜꓲ ꓞꓳ ꓔꓶ. ꓙꓱ ꓠꓬ ꓮꓽ ꓫꓵꓽ ꓥ ꓡ? ꓐꓰ ꓐꓯ ꓠꓬ ꓡꓲꓽ ꓒꓰꓼ ꓔꓯ ꓐꓬ ꓗꓷ ꓢꓲ꓾ ꓠꓬ ꓶꓽ ꓓꓳꓽ ꓫꓱꓼ ꓓꓳꓽ ꓔꓯ ꓗꓷ ꓠ, ꓟ ꓟꓽ ꓥ꓾ ꓕꓱ ꓟ ꓡꓰ ꓐꓰ ꓶꓽ ꓓꓳꓽ ꓫꓱꓼ ꓓꓳꓽ ꓔꓯ ꓐꓬ ꓗꓷ ꓢꓲ꓾ ꓡꓲꓽ ꓒꓰꓼ ꓔꓯ ꓗꓷ ꓠ, ꓟ ꓟꓽ ꓥ꓾ ꓡꓲꓽ ꓒꓰꓼ ꓐꓰ ꓙꓵ., ꓠꓲ, ꓠꓬ ꓕꓲ ꓟ ꓐꓰ ꓕꓲ ꓟ ꓢꓳ ꓣꓴ ꓢꓲ꓾ ꓠꓬ ꓐꓲ ꓞꓲ꓾ꓟ ꓞꓳ ꓫꓵꓼ ꓕꓲ ꓫꓵꓼ ꓒꓬꓱꓼ ꓠ, ꓟ ꓐꓱ ꓶ ꓘꓴꓽ ꓜꓲꓼ ꓞꓳ ꓠꓬ ꓣꓳ ꓔꓯ ꓟ. ꓖꓶ ꓔꓬ ꓟ ꓥ ꓡꓳ꓿ ꓖꓳ ꓡꓰ ꓠꓬꓲ ꓙꓲ‐ꓫꓬ ꓢꓴ ꓒꓳ‐ꓡꓳ ꓡꓰ ꓕꓱ ꓡꓱ ꓐꓯ ꓔꓽ ꓡꓳ꓿ ꓙꓵ., ꓠꓲ, ꓕꓱ ꓟ ꓠꓬ ꓛꓲ ꓛꓬ ꓡꓲꓽ ꓒꓰꓼ ꓔꓯ ꓟꓽ ꓪ ꓠꓬ ꓬꓲꓽ ꓖꓳ ꓡꓰ ꓥ ꓡꓳ꓾ ꓐꓰ ꓐꓯ ꓔꓽ ꓡꓳ꓿ ꓬꓲꓽ ꓤ ꓠꓬꓲ ꓤ ꓐꓴꓳ꓾ ꓠꓬꓲ.ꓠꓬꓲ. ꓘꓴ ꓜꓲꓼ ꓞꓳ ꓗꓪ ꓐꓰ ꓡꓲꓽ ꓒꓰꓼ ꓐꓰ ꓫ. ꓪ ꓕꓱˍꓐꓯˍꓟ ꓗꓪ ꓐꓰ ꓙꓲˍꓟ ꓒꓬꓱꓼ ꓡ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿
