ꓔꓲꓺ ꓒ ꓪ ꓔꓲ ꓡꓰ ꓗꓳꓣꓰꓮ ꓗꓴꓷꓼ ꓙꓵꓽ ꓢꓲ ꓒꓽ ꓔꓯ ꓦꓮꓔꓲꓚꓮꓠ ꓗꓪ ꓘꓳ, ꓣꓴ_ ꓟ꓾
ꓠꓽ ꓕꓲꓽ ꓠꓬꓲ ꓠꓯꓼ ꓙꓵ, ꓕꓯ ꓦꓮꓔꓲꓚꓮꓠ ( Apostolic Palace) ꓗꓪ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓗꓳꓣꓰꓮ ꓗꓴꓷꓼ ꓙꓵꓽ ꓢꓲꓽ ꓒꓽ ꓡꓰꓰ ꓙꓮꓰ‐ꓟꓬꓴꓠꓖ ꓔꓯ ꓘꓳ, ꓣꓴ ꓗꓷ ꓟ ꓥꓳ꓿ ꓗꓴꓷꓼ ꓙꓵꓽ ꓢꓲꓽ ꓒꓽ ꓠꓬ ꓔꓲꓺ ꓒ ꓪ ꓔꓲ ꓐꓰ ꓜꓲ ꓗꓷ ꓗ. ꓠꓯ. ꓦꓮꓔꓲꓚꓮꓠ ꓠꓱ. ꓐꓯꓼ ꓗꓴꓷꓼ ꓙꓻ ꓡꓯꓼ ꓘꓳ ꓢꓲꓽ ꓒꓽ ꓚꓮꓣꓓꓲꓠꓮꓡ ꓑꓲꓰꓔꓣꓳ ꓑꓮꓣꓳꓡꓲꓠ ꓐꓰ ꓟꓬꓱꓽ ꓙꓻ ꓔꓲꓺ ꓒ ꓓꓽ ꓑꓮꓴꓡ ꓣꓲꓚꓧꓮꓣꓓ ꓖꓮꓡꓡꓮꓖꓧꓰꓣ ꓐꓴ ꓐꓰ ꓜꓲ ꓗꓷ ꓟ ꓥꓳ꓿
ꓠꓱ. ꓐꓯꓼ ꓗꓴꓷꓼ ꓟꓬꓱꓽ ꓙꓻ (Secretariat of State) ꓗꓪ ꓬꓰ_ ꓟ ꓜꓲ ꓡꓯ ꓘꓳ ꓟ ꓗꓪ ꓡꓳ, ꓬꓰ ꓟ 63 ꓘꓳꓼ (1963 ꓘꓳꓼ) ꓗꓪ ꓐꓰ ꓪꓴ. ꓔꓴ ꓡ ꓟ ꓦꓮꓔꓲꓚꓮꓠ ꓐꓰ ꓗꓳꓣꓰꓮ ꓗꓴꓷꓼ ꓠꓬꓲꓽ ꓗꓳ. ꓚ. ꓗꓪ ꓙꓲ_ ꓟ ꓙꓻ ꓡꓯꓽ ꓘꓳ ꓟ ꓚꓱ, ꓔꓯ ꓫ. ꓕꓱ ꓗꓷ ꓟ ꓥꓳ꓿ ꓖꓳ ꓗꓪ ꓐꓰ ꓠꓬꓲꓽ ꓗꓴꓷꓼ ꓡꓱꓼ ꓠꓬ ꓙꓲ_ ꓟ ꓙꓻ ꓶꓯ ꓘꓳ ꓓꓴ ꓙꓳ ꓢꓲ꓾ ꓔꓲꓺ ꓒ ꓪ ꓔꓲ ꓒꓳ‐ꓡꓳ ꓲꓲ ꓠꓬ 1984 ꓘꓳꓼ ꓐꓰ 1989 ꓘꓳꓼ ꓗꓪ ꓗꓳꓣꓰꓮ ꓗꓴꓷꓼ ꓗꓪ ꓠꓬꓲꓽ ꓧꓪ, ꓚꓳ ꓙꓰ ꓗꓷ ꓟ ꓥ ꓢꓲ ꓠꓬꓲ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓥ ꓟꓲ 2014 ꓘꓳꓼ ꓕꓯ 6 ꓧꓪ, ꓕꓲꓽ ꓧꓪ, ꓞꓳ ꓡꓱ ꓑꓮꓲ ꓦꓬꓼ ꓠꓬꓲ ꓠꓯꓼ ꓗꓪ ꓚꓳ ꓙꓰ ꓗꓷ ꓟ ꓥ ꓡꓳ꓿
ꓦꓮꓔꓲꓚꓮꓠ ꓠꓱ. ꓐꓯꓼ ꓗꓴꓷꓼ ꓢꓲꓽ ꓒꓽ ꓚꓮꓣꓓꓲꓠꓮꓡ ꓐꓰ ꓗꓳꓣꓰꓮ ꓗꓴꓷꓽ ꓙꓵꓽ ꓢꓲ ꓒꓽ ꓐꓴ ꓠꓬ “ꓗꓳꓣꓰꓮ ꓞꓳ ꓙꓳ ꓟ ꓗꓳ, ꓡꓳ, ꓗꓪ ꓢꓷ. ꓠꓲ, ꓐꓰ ꓫꓱ. ꓤ ꓠꓲ, ꓟꓬꓱꓽ ꓬꓰ ꓔꓬ ꓢꓴ ꓐꓴ ꓔꓯ ꓘ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓬꓰ ꓙ ꓔꓳ, ꓙ ꓔ ꓟ ꓬꓲ. ꓚꓱ, ꓠꓯꓼ ꓗꓪ ꓥ ꓟꓲ” ꓫꓱ. ꓖꓶ ꓗꓷ ꓟ ꓥꓳ꓿
ꓖꓳ ꓟ ꓡꓰ ꓐꓰ ꓡ ꓠ, ꓟ 2027 ꓘꓳꓼ ꓕꓯ ꓬꓰ ꓟ ꓟꓵꓽ ꓗꓳ. ꓓꓵ ꓓꓵ ꓞꓳ ꓡꓱ ꓤ ꓑꓮꓲ ꓦꓬꓼ ꓠꓬꓲ (ꓪꓳꓣꓡꓓ ꓬꓳꓴꓔꓧ ꓓꓮꓬ) ꓚꓱ, ꓐꓰ ꓗꓴꓷꓼ ꓚꓱ, ꓐꓰ ꓟꓵꓽ ꓗꓳ ꓓꓵ ꓓꓵ ꓬꓲ. ꓚꓱ, ꓕꓲ ꓐꓱ ꓔꓯ ꓥ ꓟꓲ ꓖꓪ ꓙꓱ ꓗꓷ ꓟ ꓥꓳ꓿
