ꓫꓱ, ꓤ ꓓꓴ ꓟꓬꓱꓽˍ ꓐꓰ ꓔꓲ ꓖꓶ ꓟ ꓔꓯ. ꓟꓳ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓡꓲ ꓬꓰ ꓠꓯ, ꓟ
ꓧꓪ. ꓧꓪ ꓠꓬꓲ. ꓠꓬꓲ ꓗꓪ ꓵꓻ ꓠ, ꓟ ꓢꓲꓽ ꓫꓬ ꓕꓳ ꓶ ꓥ ꓟ ꓟ‐ꓕꓲ ꓕꓳ ꓶ 6ꓽ1‐6, 16‐18 ꓝꓲ. ꓗꓪ ꓢꓲꓺ ꓒ ꓬꓰ‐ꓢꓴ ꓡꓰ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓮ ꓘꓶ. ꓛꓲ ꓣꓳ ꓚꓵ ꓟ ꓢꓽ ꓝꓲ. ꓗꓪ ꓐꓰ ꓟ. ꓖꓶ ꓔ ꓟ ꓥ ꓡꓳ꓿ ꓕꓱ ꓟ ꓠꓬ ꓠꓴ ꓪ ꓖꓶ ꓠ, ꓟ ꓐꓰ ꓝꓮꓲ ꓪꓽ ꓘꓴ ꓖꓶ ꓠ, ꓟ ꓐꓰ ꓜ ꓝꓲ. ꓝꓲ ꓠ, ꓟ ꓚꓱ, ꓔꓯ ꓮ ꓡꓲ ꓐꓰ ꓬꓰ ꓠꓯ, ꓟ ꓔꓯ ꓟ. ꓖꓶ ꓔ ꓟ ꓥꓡꓳ꓿
ꓢꓲꓺ ꓒ ꓬꓰ‐ꓢꓴ ꓡꓰ ꓢꓴ ꓡꓳ. ꓟꓳ ꓠ, ꓟ ꓡꓰ ꓪꓽ ꓘꓴ ꓟ ꓟꓬꓱꓽ ꓬꓰ ꓟ ꓚꓱ, ꓔꓯ ꓤ ꓟꓳ ꓠ, ꓟ ꓔꓯ ꓟ. ꓖꓶ ꓔ ꓡꓳ꓿
ꓠꓱ. ꓐꓯꓼ ꓢꓴ ꓔꓯ ꓬꓰ ꓙ ꓔꓳ, ꓙ ꓕꓯ ꓡ ꓞꓳ ꓡꓳ. ꓟꓳ ꓡꓰ ꓠ, ꓟ ꓐꓱ ꓶ ꓟꓽ ꓥ ꓐ, ꓐ ꓪꓴ‐ꓢ ꓡꓳ. ꓟꓳ ꓡꓰ ꓠ, ꓟ ꓖꓶ ꓠ, ꓟ ꓣꓳ ꓚꓵˍ ꓟ ꓔꓯ ꓟ. ꓖꓶ ꓔ ꓟ ꓥ ꓡꓳ꓿
ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓠꓱ. ꓐꓯꓼ ꓢꓴ ꓔꓯ ꓬꓰ ꓙ ꓔꓳ, ꓙ ꓟ ꓙꓵ, ꓕꓯ ꓥꓪ. ꓮ ꓟꓬ, ꓛꓲ ꓬꓰ ꓙ ꓐ ꓡ ꓢꓴ ꓥ ꓡ? ꓚꓲ. ꓛꓬ ꓔꓯ ꓓꓳ ꓟꓳ ꓟ ꓔꓯ ꓤ ꓟꓳ ꓠ, ꓟ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓔ ꓟ ꓥ ꓡꓳ꓿
ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓮ‐ꓡꓴ ꓖꓶ ꓟ ꓢꓴ ꓔꓯ ꓬꓰ ꓙ ꓕꓯ ꓚꓲ. ꓛꓬ ꓟꓬꓱꓺ ꓓꓳꓽ ꓙꓳ ꓠ, ꓟ ꓐꓱ ꓶ ꓟꓬꓱꓽ ꓬꓰ ꓠ, ꓟ ꓟꓽ ꓥ ꓥ ꓪꓴ‐ꓢ ꓠꓵꓻ ꓠꓲ, ꓔꓯ ꓢꓴ ꓔꓯ ꓟ. ꓖꓶ ꓠ ,ꓟ ꓣꓳ ꓚꓵˍ ꓟ ꓥ ꓡꓳ꓿
ꓢꓲꓺ ꓒ ꓬꓰ‐ꓢꓴ ꓡꓰ ꓡꓯꓼ ꓘꓳꓼ ꓕꓲ ꓐ ꓟ ꓬꓰ ꓙ ꓠꓬ ꓡꓯꓼ ꓶ. ꓕꓲ ꓐ ꓟ ꓕꓽ ꓢꓷ. ꓡꓰ ꓝꓲ ꓐꓰ ꓐꓯ ꓟ. ꓖꓶ ꓔ ꓟ ꓥ ꓡꓳ꓿ ꓖꓳ ꓟ ꓠꓬ ꓠꓴ ꓥꓪ ꓢꓴ ꓔꓯ ꓬꓰ ꓙ ꓟ ꓙꓵ, ꓕꓯ ꓡ ꓞꓳ ꓢꓷ. ꓡꓲ ꓠ, ꓟ ꓟꓬꓱꓺ ꓓꓳꓽ ꓧꓪ ꓟ ꓚꓱ, ꓔꓯ ꓤ ꓟꓳ ꓠ, ꓟ ꓥ ꓡꓳ꓿
ꓝꓮꓲ ꓠꓴ ꓥꓪ ꓪꓽ ꓘꓴ ꓟ ꓙꓵ, ꓔꓯ ꓥ ꓟꓲ ꓠꓱ. ꓐꓯ ꓢꓴ ꓐ ꓙ ꓠ, ꓟ ꓬꓲ ꓢꓯꓼ ꓮ ꓘꓶ. ꓛꓲ ꓘꓴˍ ꓟ ꓝꓮꓲ ꓟꓬꓱꓺ ꓓꓳꓽ ꓧꓪ ꓚꓱ, ꓔꓯ ꓤ ꓟꓳ ꓠ, ꓟ꓿ ꓪꓽ ꓘꓴ ꓟ ꓙꓵ, ꓕꓯ ꓢꓴ ꓡꓰ ꓟꓽ ꓟꓳ꓾ ꓔꓲ. ꓗꓪ ꓝꓮꓲ ꓙ ꓣꓳ ꓟ ꓠꓲ, ꓟ ꓗꓪ ꓐꓰ ꓪꓴ‐ꓢ ꓔꓯ ꓶꓻ ꓓꓰ ꓠ, ꓟ ꓣꓳ ꓚꓵ ꓟ ꓔꓯ ꓟ. ꓖꓶ ꓔ ꓟ ꓥ ꓡꓳ꓿ ꓣꓳ ꓠꓲ, ꓟ ꓘꓴꓽ ꓗꓪ ꓢꓲ ꓡꓲ ꓐꓰ ꓪꓽ ꓘꓴ ꓕꓯ ꓢꓲ ꓠꓬꓲ ꓢꓲꓺ ꓒ ꓬꓰ‐ꓢꓴ ꓣꓳ ꓠꓲ, ꓟ ꓗꓪ ꓬꓯꓼ ꓡ ꓟ ꓥ ꓡꓳ꓿
ꓜ ꓓꓴ ꓝꓲ. ꓟ ꓙꓵ, ꓕꓯ ꓥ ꓟꓲ ꓗ, ꓛꓲ ꓛꓲ ꓡꓰ ꓝꓲ. ꓠ, ꓟ ꓣꓳ ꓚꓵˍ ꓟ ꓔꓯ ꓟ. ꓖꓶ ꓔ ꓟ ꓥ ꓡꓳ꓿ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓐꓴ (40) ꓦꓬꓼ ꓜ ꓝꓲ. ꓝꓲ. ꓟ ꓬꓲ ꓔꓶ. ꓙꓱ ꓠꓬ ꓟꓲ ꓠꓯ ꓗ, ꓛꓲ ꓓꓴ ꓗꓪ ꓟꓲ ꓠꓯ ꓤ ꓠꓬꓲ ꓓꓴ ꓔꓯ ꓡꓳ ꓗꓷ ꓢꓲ ꓠꓬꓲ ꓦꓻ ꓕꓲ ꓒꓳ, ꓗꓪ ꓢꓲꓺ ꓒ ꓠꓲ, ꓒꓴ ꓚꓱ, ꓗꓪ ꓛꓳꓽ ꓫꓱ, ꓠ, ꓟ ꓢꓯꓼ ꓕꓵꓼ ꓟ ꓬꓲ ꓙꓵ, ꓟ ꓥꓡꓳ꓿
ꓚꓲ. ꓛꓬ ꓔꓯ ꓙꓻ ꓣꓳ ꓟ ꓠꓲ, ꓟ ꓡꓰ ꓢꓲꓺ ꓒ ꓠꓲ, ꓒꓴ ꓟ ꓚꓱ, ꓗꓪ ꓞꓳ ꓫꓱ, ꓢꓲ ꓠꓬꓲ ꓗ, ꓛꓲ ꓛꓲ ꓡꓰ ꓞꓳ ꓙꓳ ꓠ, ꓟ ꓢꓲꓺ ꓒ ꓠꓲ, ꓒꓴ ꓟ ꓥ ꓡꓳ꓿ ꓣꓳ ꓜ ꓝꓲ. ꓝꓲ. ꓟ ꓔꓯ ꓢꓲꓺ ꓒ ꓕꓲ ꓣꓳ ꓡꓰ ꓢꓷ. ꓡꓰ ꓠ, ꓟ ꓣꓳ ꓚꓵˍ ꓡꓳ꓿
ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓠꓬ ꓦꓻ ꓕꓲ ꓒꓳ, ꓐꓱ ꓶ ꓡ ꓞꓳ ꓟꓬ ꓢꓷ ꓡꓰ ꓟꓳ. ꓟꓽ ꓓ ꓟ ꓡꓯꓼ ꓫꓴ ꓔꓯ ꓢꓲꓺ ꓒ ꓡꓰ ꓠꓴ ꓥꓪ ꓔꓯ ꓖꓶ ꓔꓬ ꓟ ꓥ ꓡꓳ꓿ ꓖꓳ ꓡꓱ ꓠꓬ ꓠꓴ ꓥꓪ ꓦꓻ ꓕꓲ ꓒꓳ, ꓐꓱ ꓶ ꓢꓯꓼ ꓕꓵꓼ ꓕꓯ ꓡ ꓞꓳ ꓓꓳ ꓟꓴ ꓠ, ꓟ ꓤ ꓟꓳ ꓠꓯ, ꓡꓳ꓿ ꓪꓴ‐ꓢ ꓐꓰ ꓔꓱ, ꓚꓵ ꓟ ꓙꓻ ꓡꓯ ꓘꓳ ꓢꓴ ꓒꓬꓱꓼ ꓠ, ꓟ ꓢꓯꓼ ꓕꓵꓼ ꓡꓯ꓿ ꓢꓲꓺ ꓒ ꓠꓲ, ꓒꓴ ꓟ ꓚꓱ, ꓗꓪ ꓞꓳ ꓙꓳ ꓢꓯ. ꓔꓬ ꓡꓯ꓿
