Vatican ꓓꓳꓽ ꓫꓵꓼ ꓐꓯ ꓐꓶˍꓟ ꓗꓪ ꓟꓬꓱꓽ ꓬꓰ ꓙ ꓢꓴ ꓤ ꓟꓶ ꓤ ꓕꓲ ꓣꓳ ꓔꓯ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓢꓲ ꓗꓷ ꓟ꓾
ꓡ ꓠ, ꓟ 2026 ꓘꓳꓼ 11 ꓦ ꓗꓪ ꓐꓰ ꓪꓴ. ꓓꓴ ꓢꓲ꓾ Maria Montserrat Alvarado ꓠꓬ Vatican ꓓꓳꓽ ꓫꓵꓼ ꓐꓯ ꓐꓶ ꓟ ꓗꓪ ꓟꓬꓱꓽ ꓬꓰ ꓙꓰ ꓓꓴ ꓥꓳ ꓐꓰ ꓢꓷ. ꓪ ꓡꓳ꓿ ꓚ. ꓟꓲ ꓗꓪ ꓓ ꓪꓴ ꓗ‐ꓕꓳ‐ꓡꓲꓘ ꓚ. ꓟꓲ ꓬꓲꓽ ꓫꓵꓼ ꓔꓯ ꓓꓰ ꓗꓷ ꓟ ꓥ ꓡꓳ꓿ ꓤ ꓟꓶ ꓤ ꓐꓴ ꓘꓴ ꓠꓯꓼ ꓗꓪ Vatican ꓓꓳꓽ ꓫꓵꓼ ꓐꓯ ꓐꓶˍꓟ ꓗꓪ ꓓꓽ ꓪꓴ ꓢꓲ ꓗꓷ ꓢꓴ ꓕꓲ ꓣꓳ ꓟꓲ ꓥ ꓡꓳ꓿
ꓬꓲꓽ ꓟꓬꓱꓼ ꓬꓰ ꓠꓽ ꓗ. ꓟ ꓟꓬꓱꓼ ꓠꓬ ꓔꓲ..ꓒ ꓪ ꓔꓲ Francis ꓡꓰ ꓟꓬꓱꓼ ꓬꓰ ꓗꓷ ꓟ ꓔꓯ ꓝ. ꓢꓲ꓾ ꓬꓰ ꓙꓰ ꓓꓴ ꓥ ꓢꓲ꓾ Vatican News Vatican Radio ꓐꓰ Holy See Press Office ꓐꓰ ꓕꓲ ꓪ Vatican ꓓꓳꓽ ꓫꓵꓼ ꓮꓽ ꓙꓲ ꓔꓯ ꓙꓵꓽ ꓙꓰ ꓓꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿
Maria Montserrat Alvarado ꓡꓰ ꓐꓯˍꓟ ꓠꓬ ꓕꓱ ꓡꓱ ꓟꓬꓱꓼ ꓬꓰ ꓪ ꓠꓽ ꓟ ꓐꓱ ꓶ ꓠꓬ ꓟꓽ ꓙ ꓟꓶ ꓦ ꓥꓽ ꓟꓲ ꓕꓱ ꓡꓱ ꓙꓵꓽ ꓪ ꓖꓶ ꓡ, ꓟ ꓑꓶ. ꓓꓴ ꓢꓯꓼ ꓪ ꓙꓳ, ꓟ ꓕꓲ ꓙꓵꓽ ꓗꓪ ꓢꓯꓼ ꓕꓵꓼ ꓢꓲ꓾ ꓬꓰ ꓓꓴ ꓥꓳ ꓐꓰ ꓐꓯ ꓗꓷ ꓟ ꓥ ꓡꓳ꓿ ꓪꓴ‐ꓢ ꓬꓲꓽ ꓟ. ꓟꓲ ꓐꓰ ꓙꓲˍꓟ ꓓꓳꓽ ꓔꓯ ꓕꓲ ꓟꓲ ꓡꓱ ꓢꓷ. ꓡꓰ ꓠꓽ ꓢꓯꓼ ꓕꓵꓼ ꓙꓰ ꓓꓴ ꓬꓰ ꓔꓬ ꓟ Maria Montserrat Alvarado ꓐꓱ ꓶ ꓪꓽ ꓘꓴ ꓙ ꓓꓴ ꓬꓰ ꓡꓯ꓿
