ꓠꓬꓲ. ꓠꓬꓲ ꓢꓲ ꓒ ꓬꓰ‐ꓢꓴ ꓠꓬ ꓟꓴꓽ ꓗꓪ ꓗꓴꓷꓼ ꓠꓶꓽ ꓡꓺꓳ ꓐꓰ ꓟ. ꓟꓲꓽ ꓚꓺ ꓠ, ꓟ ꓐꓱ ꓶ ꓬꓲ ꓝꓲ ꓓꓴ ꓐꓴ ꓔꓯ ꓝꓲ ꓩꓴ ꓔꓬ ꓟ ꓐꓰ ꓟꓴ ꓗꓪ ꓗꓴꓷꓼ ꓬꓲ ꓐꓲ ꓜꓲꓼˍ ꓟ ꓔꓯ ꓖꓴ ꓟꓳ. ꓖꓶˍ ꓟ ꓢꓲꓽ ꓫꓬ ꓕꓳꓽ ꓶ ꓥ ꓡꓳ꓿ ꓟꓴ ꓗꓪ ꓗꓴꓷꓼ ꓠꓬ ꓡ ꓠ, ꓟ ꓦꓬꓼ ꓠꓬꓲ ꓗꓪ ꓒꓬꓱꓼ ꓡ ꓠ ꓔˍ ꓟ ꓟꓽ ꓥ ꓥ ꓐꓰ꓾ ꓮ ꓟꓶ ꓕꓯ ꓡꓰ ꓙꓳ ꓔꓬ ꓟ ꓗꓴꓷꓼ ꓥ ꓡꓳ꓿
ꓦꓲ ꓕꓲ ꓦꓲ ꓗꓪ ꓓꓵꓽ ꓡꓰˍ ꓕꓯ ꓢꓲ ꓡꓲ ꓟ ꓟꓶ ꓝꓲ꓾ ꓐꓰ ꓒꓵꓽ ꓗ ꓬꓰ ꓐꓰ ꓢꓲ ꓒ ꓬꓰ‐ꓢꓴ ꓡꓰ ꓐꓯˍ ꓡꓳ꓿ ꓒꓵꓽ ꓗ ꓬꓰˍ ꓟ ꓐꓯ ꓘꓶꓽ꓾ ꓙꓲˍ ꓟ ꓟꓬꓱꓽ꓾ ꓙꓲˍ ꓟ ꓛꓳ ꓫꓱꓽ ꓚꓱ, ꓔꓯ ꓣꓳ ꓚꓲ. ꓛꓬ ꓡꓰꓽ ꓪꓴ. ꓔꓴ ꓢꓲ ꓬꓰ ꓠ ꓗ, ꓟ ꓥ ꓡꓳ꓿
ꓣꓳ ꓖꓶ ꓗꓷ ꓟ ꓠꓵ ꓠꓲ, ꓠꓬ ꓣꓳ ꓔꓯ ꓚꓱ, ꓬꓲꓼ ꓡˍ ꓡꓳ ꓐꓰ ꓮ ꓠꓱ ꓟ ꓒꓵꓽ ꓒ ꓐꓴ ꓡꓰ ꓘꓳ ꓣꓴ ꓔ ꓡꓳ꓿ (ꓬꓲ‐ꓢ‐ꓬ 55ꓽ11 ꓗꓪ “ꓥꓪ ꓟꓷꓽ ꓠꓷ, ꓗꓪ ꓐꓰ ꓓꓳ ꓙꓰˍ ꓟ ꓐꓯ ꓘꓶ ꓠꓬ ꓬꓲ ꓖꓳꓽ ꓟꓽ ꓚꓱ, ꓬꓲꓼ ꓡ꓿” ꓐꓰ ꓐꓯ ꓔ ꓡꓳ꓿ ꓠꓵ ꓠꓲ, ꓐꓲˍ ꓟ ꓫ. ꓕꓱ ꓘꓶ ꓡꓰ ꓫ. ꓕꓱ ꓐ ꓡ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿
