ꓠꓬꓲ. ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓗꓪ ꓢꓲ ꓒ ꓬꓰ‐ꓢꓴ ꓠꓬ ꓛꓲ ꓫꓵꓻ ꓡꓯ ꓫꓵꓻ ꓢꓴ ꓔꓯ ꓫꓬ, ꓖꓶˍ ꓟ ꓔꓯ ꓣꓳ ꓑ ꓙꓽ ꓗꓷꓳ꓿
ꓟꓬꓽ ꓠꓬꓲ ꓝꓴꓲ. ꓐꓰ ꓠꓻ ꓫꓵꓽ ꓠꓻ ꓙꓰꓽ꓾ ꓠꓬꓲ ꓟꓳꓻ ꓓꓴ ꓐꓰ ꓠꓯ ꓞꓲ,ˍ ꓟ ꓠꓬ ꓞꓳ ꓤ ꓤꓶꓻ ꓗꓪ ꓮ ꓕꓯ ꓟꓲ ꓙꓳˍ ꓟ ꓥ ꓡꓳ꓾ ꓐꓯˍ ꓟ ꓔꓯ ꓖꓴ ꓟ. ꓖꓶ ꓔꓬ ꓡꓳ꓿
ꓖꓳ ꓟ ꓪꓴ. ꓠꓬꓲ ꓬꓴ‐ꓔ ꓡ ꓞꓳ ꓐꓴ ꓠꓬ ꓕꓱ ꓡꓱ ꓙꓵꓻ ꓔꓬ ꓟ ꓥ ꓡꓳ꓿ ꓝꓴꓲ. ꓑꓶ. ꓓꓴ ꓞꓳ ꓤ ꓐꓴ ꓠꓬ ꓠꓻ ꓫꓵꓽ ꓠꓻ ꓙꓰꓽ ꓔꓯ ꓠꓻ ꓜꓲꓽ ꓔꓬ ꓪˍ ꓟ ꓥ ꓢꓲ꓾ ꓖꓳ ꓕꓲ ꓣꓳ ꓠꓬ ꓝꓴꓲ. ꓖꓽ ꓖꓶ ꓟꓶ ꓗꓷˍ ꓕꓯ ꓡꓰꓽ ꓠꓻ ꓖꓳ ꓟ ꓓꓻ ꓡꓰ ꓐ ꓡˍ ꓡꓳ꓾ ꓐꓰ ꓙꓵꓻ ꓔ ꓟ ꓥ ꓡꓳ꓿ ꓛꓲ ꓫꓵꓻ ꓡꓯ ꓫꓵꓻ ꓢꓴ ꓠꓬ ꓪꓴ‐ꓢ ꓬꓲ ꓖꓽ ꓖꓶˍ ꓟ ꓔꓯ ꓟꓶ ꓗꓷ ꓗ ꓠꓯ. ꓬꓲ ꓛꓲ ꓒꓯ, ꓡꓯ ꓒꓯ, ꓫꓵꓻ ꓞˍ ꓟ ꓠꓻ ꓠꓬ ꓓꓻ ꓡꓰ ꓢꓲ ꓙ ꓖꓴ ꓫꓱꓽ ꓐ ꓡ ꓗꓷꓳ꓿ ꓝꓴꓲ. ꓠꓬ ꓞꓳ ꓤ ꓔꓯ ꓠꓻ ꓡꓰ ꓝꓲˍ ꓡꓳ꓿ ꓪꓴ‐ꓢ ꓙꓵꓽ ꓗ ꓐꓴ ꓔꓯ ꓛꓳ ꓫꓱꓽ ꓠꓲ, ꓟꓽ ꓫꓵ ꓟ ꓠꓲ, ꓟ ꓓꓵꓽ ꓡꓰ ꓝꓲˍ ꓡꓳ꓿ ꓠꓯ ꓞꓲ,ˍ ꓟ ꓗꓪ ꓡꓰꓽ ꓦꓱ ꓓꓵꓽ ꓡꓰ ꓝꓲˍ ꓡꓳ꓿ ꓝꓴꓲ. ꓣꓷꓠ.ˍ ꓟ꓾ ꓝꓴꓲ. ꓥˍ ꓟ ꓢ‐ꓗ‐ꓣ‐ꓟꓯ,‐ꓔꓴ ꓗꓪ ꓐꓰ ꓔꓲꓺ ꓒ ꓐꓴ ꓠꓬ ꓪꓴ‐ꓢ ꓬꓲ ꓛꓲꓺ ꓣꓳ ꓝꓴꓲ. ꓐꓴ ꓔꓯ ꓖꓽ ꓖꓶˍ ꓡꓳ꓿ ꓣꓱꓽ ꓛꓰꓽ ꓕꓱ ꓟ ꓔꓯ ꓣꓳ ꓠꓬ ꓮ ꓡꓲ ꓟꓬ ꓛꓲ ꓒꓵꓽ ꓗ ꓬꓰˍ ꓡ꓾ ꓐꓯˍ ꓟ ꓔꓯ ꓣꓳ ꓠꓬꓲ. ꓠꓬꓲ ꓗꓪ ꓓꓵꓽ ꓙꓽ ꓠꓬꓲ ꓓꓴ ꓬꓰ ꓡꓯ꓿
