ꓬꓳꓴꓔꓧ ꓡꓰꓮꓓꓰꓣꓢʼ ꓚꓳꓠꓝꓰꓣꓰꓠꓚꓰ ꓞꓳ ꓡꓱ ꓐꓴ ꓢꓳꓻ ꓜꓲꓼ ꓓꓴ ꓔꓯ ꓬꓰ ꓓꓳ ꓡꓰ ꓟ꓾

————-

ꓬꓳꓴꓔꓧ ꓡꓰꓮꓓꓰꓣꓢʼ ꓚꓳꓠꓝꓰꓣꓰꓠꓚꓰ 2026 ꓞꓳ ꓡꓱ ꓐꓴ ꓢꓳꓻ ꓜꓲꓼ ꓓꓴ ꓔꓯ ꓠꓬꓲ. ꓠꓬꓲ 4 ꓦ ꓟ 28 ꓠꓬꓲ ꓕꓯ ꓬꓰ ꓓꓳ ꓡꓰ ꓟ ꓥꓳ꓿ ꓟꓲ‐ꓢ ꓪꓽ ꓘꓴ ꓙꓵ, ꓔꓯ ꓠꓬ ꓠꓯꓼ 8ꓽ00 ꓙꓵ, ꓕꓯ ꓟꓶ‐ꓚ‐ꓠ ꓔꓲꓺ ꓒ ꓓꓽ ꓙꓳꓧꓠ ꓟꓴꓠꓖ ꓠꓖꓮꓪꓠ ꓡꓮ ꓢꓮꓟ ꓡꓰ ꓧꓳꓽ ꓪꓴ. ꓟꓴ ꓢꓲ ꓬꓰ ꓓꓳ ꓡꓰ ꓟ ꓥꓳ꓿

ꓢꓳꓻ ꓜꓲꓼ ꓓꓴ ꓕꓱ ꓟ ꓔꓯ ꓠꓬ 4 ꓦ ꓟ 22 ꓠꓬꓲ ꓗꓪ ꓐꓰ ꓪꓴ. ꓔꓴ ꓢꓲ꓾ ꓠꓬꓲ. ꓠꓬꓲ 4 ꓦ ꓟ 28 ꓠꓬꓲ ꓗꓪ ꓛꓲ ꓬꓰ ꓗꓷ ꓟ ꓥ ꓡꓳ꓿ ꓖꓳ ꓟ ꓡꓰ ꓐꓰ ꓟꓲ‐ꓚꓲ‐ꓠ ꓔꓲꓺ ꓒ ꓓꓽ ꓢ‐ꓢꓲ‐ꓠ ꓗꓪ ꓞꓳ ꓡꓱ ꓐꓴ ꓔꓯ ꓧꓳꓽ ꓣꓱ ꓔꓬ ꓟ ꓞꓳ ꓡꓱ ꓬꓲ. ꓫꓵꓼ ꓢꓲꓺ ꓗꓷ ꓢꓲ ꓟꓬꓱꓽ ꓙꓵꓽ ꓪ ꓡꓯꓼ ꓙꓱ ꓟ ꓟꓲ ꓬꓰ ꓗꓷ ꓟ ꓥꓳ꓿

ꓟꓶ‐ꓚ‐ꓠ ꓢ‐ꓢꓲ‐ꓠ ꓗꓪ ꓐꓰ ꓔꓲꓺ ꓒ ꓙꓵꓽ ꓔꓶ. ꓗꓪ ꓐꓰ ꓞꓳ ꓡꓱ ꓤ ꓐꓴ 500 ꓣꓳ ꓟꓽ ꓞꓲ ꓜꓲꓼ ꓡ ꓡꓳ ꓐꓰ ꓢꓷ. ꓪ ꓡꓳ꓿