ꓬꓰ‐ꓢꓴ ꓠꓯꓸꓼ ꓗꓪ ꓮ ꓙꓵꓽ ꓢꓴ ꓔꓯ ꓧꓪ. ꓧꓪꓸꓼ꓿ ꓠꓬꓲ. ꓠꓬꓲ ꓠꓬ ꓢꓲ ꓒ ꓬꓰ‐ꓢꓴ ꓡꓰ꓾ ꓚꓳ ꓑ ꓠꓬ ꓬꓲ ꓢꓲ ꓒ ꓕꓯꓽ ꓢꓲ ꓮ ꓕꓯ ꓟꓲ ꓟꓽ ꓪꓴꓽ꓾ ꓐꓰ ꓐꓯˍ ꓟ ꓟ. ꓟꓲꓽ ꓝꓲ. ꓥ ꓡꓳ꓿ ꓟ. ꓟꓲꓽ ꓠꓬ (ꓬꓳ‐ꓦ 13ꓽ16‐20) ꓥ ꓡꓳ꓿ ꓟ. ꓟꓲꓽ ꓝꓲ. ꓬꓲ ꓕꓲꓽ ꓟꓴ ꓗꓪ ꓠꓬ ꓢꓲ ꓒ ꓬꓰ‐ꓢꓴ ꓕꓱ ꓡꓱ ꓐꓯ ꓔ ꓡꓳ꓿ ꓥꓪ ꓠꓴ ꓪ ꓔꓯ ꓕꓱ ꓡꓱ ꓐꓯ ꓖꓶˍ ꓠꓬꓲ ꓚꓳ ꓑ ꓮ ꓡꓲ ꓕꓲ ꓣꓳ ꓠꓬ ꓬꓲ ꓢꓲ ꓒ ꓕꓯꓽ ꓢꓲ ꓟꓽ ꓪꓴꓽ ꓬꓰ꓿ ꓬꓲ ꓝꓲ ꓩꓴ ꓗꓷ ꓟ ꓝꓲ ꓓꓴ ꓥ ꓟꓲ ꓬꓲ ꓕꓯꓽ ꓢꓲ ꓮ ꓕꓯ ꓟꓲ ꓟꓽ ꓪꓴꓽ ꓡꓰ꓿ ꓕꓱ ꓟ ꓠꓬ ꓢꓲ ꓒ ꓬꓰ‐ꓢꓴ ꓠꓬ ꓒ‐ꓡꓲ‐ꓢꓷ ꓐꓴ ꓔꓯ ꓐꓯˍ ꓟ ꓔꓯꓺ ꓥꓳꓽ ꓥ ꓡꓳ꓿

ꓕꓱ ꓟ ꓑꓶ. ꓓꓴ ꓢꓲ ꓒ ꓬꓰ‐ꓢꓴ ꓠꓬ ꓟꓴ ꓗꓪ ꓗꓪ ꓐꓰ ꓡ ꓟ ꓑꓶ. ꓓꓴ ꓬꓲ ꓡꓰ ꓝꓲ ꓩꓴ ꓗꓷ ꓟ ꓝꓲ ꓓꓴ ꓐꓴ꓾ ꓥ ꓠꓬ꓾ ꓟꓲ ꓠꓯ ꓗꓪ ꓙꓳˍ ꓟ ꓮ ꓙꓵꓽ ꓠꓬ ꓢꓲ ꓒ ꓕꓯꓽ ꓢꓲ ꓟꓽ ꓪꓴꓽ ꓬꓰ꓾ ꓐꓯˍ ꓟ ꓬꓲ. ꓬꓲ ꓢꓲ ꓥ ꓡꓳ꓿ ꓖꓳ ꓡꓱ ꓐꓯ ꓥ ꓟꓲ ꓠꓬꓲ. ꓠꓬꓲ ꓣꓳ ꓕꓱ ꓡꓱ ꓐꓰ ꓢꓲ ꓔ ꓡꓳ꓾ ꓢꓲ ꓒ ꓬꓰ‐ꓢꓴ ꓠꓬ ꓣꓳ ꓕꓲ ꓣꓳˍ ꓟ ꓢꓲ ꓒ꓾ ꓕꓱ ꓡꓱ ꓐꓰ ꓣꓳ ꓢꓲꓺˍ ꓡꓳ ꓐꓯ ꓥ ꓟꓲ꓾ ꓔꓱ, ꓔꓱ, ꓚꓵ ꓚꓵ ꓐꓯ ꓪˍ ꓥꓳ ꓐꓯ ꓠꓬ ꓣꓳ ꓤꓶꓻ ꓠꓯꓸꓼ ꓗꓪ ꓢꓲ ꓒ ꓮ ꓟꓬ, ꓔꓬ ꓟ ꓥ ꓡꓳ꓿ ꓢꓲ ꓒ ꓬꓰ‐ꓢꓴ ꓡꓰꓽ ꓟꓽ ꓞꓲ ꓠꓱ. ꓐꓯ ꓢꓲ ꓒ ꓮ ꓟꓬ, ꓙꓳˍ ꓡꓳ꓿

ꓣꓳ ꓢꓲ ꓒ ꓠꓬ ꓮ ꓡꓲ ꓫꓵꓽ ꓢꓲ ꓒ ꓥ ꓡ ꓐꓯ ꓠꓬ꓾ ꓣꓳ ꓔꓯ ꓬꓲ ꓮ ꓡꓲ ꓬꓰ ꓝꓲ ꓠꓲ, ꓫꓵˍ ꓠꓬ ꓣꓳ ꓔꓯ ꓬꓲ ꓖꓳ ꓡꓱ ꓝꓲˍ ꓟ꓾ ꓣꓳ ꓥ ꓟꓲ ꓢꓲ ꓒ ꓖꓳ ꓕꓲ ꓣꓳ ꓠꓲ, ꓡꓶ ꓔꓯ ꓛꓳˍ ꓟ꓾ ꓕꓱ ꓡꓱ ꓥ ꓡꓳ꓿ ꓢꓲ ꓒ ꓖꓳ ꓟ ꓠꓬ ꓜꓽ ꓠꓬꓲ ꓓꓳꓻ ꓠꓬꓲ ꓗ, ꓛꓲꓽ ꓠꓬꓲ ꓢꓲ ꓒ꓾ ꓚꓲ. ꓛꓬ ꓠꓲ, ꓡꓶ ꓔꓯ ꓛꓳ ꓢꓲ ꓠꓬꓲ ꓚꓲ. ꓛꓬ ꓠꓲ, ꓡꓶ ꓠꓬ ꓣꓳ ꓢꓲ ꓒ ꓗꓷ ꓡꓰˍ ꓟ꓾ ꓕꓱ ꓡꓱ ꓫꓵꓽ ꓥ ꓡꓳ꓿