ꓞꓳ ꓤ ꓕꓲꓽ ꓣꓳ ꓮ ꓕꓯ ꓒꓬꓱꓼ ꓡ ꓡ?
ꓞꓳ ꓤ ꓕꓲꓽ ꓣꓳ ꓮ ꓕꓯ ꓒꓬꓱꓼ ꓡ ꓡ? ꓐꓯ ꓠꓬ ꓕꓲ ꓐꓱ ꓠꓬ ꓟ, ꓟ ꓤ ꓘꓶ ꓗꓪ ꓦ ꓐ ꓠꓬꓲꓽ ꓟ ꓗ. ꓠꓯ. (ꓥ ꓠꓬ) ꓕꓲ ꓐꓱ ꓠꓬ ꓦ ꓐ ꓥꓪꓽ ꓟ (ꓥ ꓠꓬ) ꓦꓱ ꓡ ꓗ. ꓠꓯ. ꓧꓪ ꓖꓳ ꓓꓱ ꓞꓳ ꓤ ꓕꓲꓽ ꓣꓳ ꓐꓯ ꓠ, ꓟ ꓧꓪ ꓖꓳ ꓓꓱ ꓐꓲ ꓜꓲꓼ ꓕꓯ ꓖꓳ ꓗ. ꓠꓯ. ꓗꓪ ꓐꓰ ꓞꓳ ꓤ ꓐꓰ ꓐꓯ ꓠ. ꓡꓳ꓿ ꓞꓳ ꓤ ꓒꓬꓱꓼ ꓡ ꓡꓳ ꓐꓰ ꓐꓯ ꓢꓴ ꓟꓲ ꓔꓬ ꓡꓳ꓿
ꓠꓬꓲ. ꓠꓬꓲ ꓠꓴ ꓠꓬ ꓮ ꓡꓰ ꓐꓰ ꓓꓵꓽ ꓙ ꓔ ꓡ꓾ꓠꓲ, ꓠꓵ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓘꓴ ꓜꓲꓼ ꓞꓳ ꓗꓪ ꓐꓰ ꓟ. ꓖꓶ ꓔ ꓟ ꓠꓬ ꓮ ꓡꓰ ꓥ ꓡ ꓐꓯ ꓠꓬ ꓟ, ꓟ ꓤ ꓘꓶ ꓗꓪ ꓤ ꓶ ꓡꓰ ꓖꓳ ꓑꓳ. ꓠꓬ ꓖꓳ ꓟ ꓠꓬ ꓞꓳ ꓤ ꓒꓬꓱꓼ ꓡ ꓟ ꓥ ꓡꓳ꓿ ꓟ, ꓟ ꓤ ꓘꓶ ꓗꓪ ꓤ ꓶ ꓡꓰ ꓕꓯ ꓡꓰ ꓖꓳ ꓟ ꓠꓬ ꓬꓲ. ꓦ ꓟꓲ ꓙꓳ ꓟ ꓥ ꓡꓳ꓿ ꓪꓴ‐ꓢ ꓦ ꓟꓲ ꓠꓶꓼ ꓞ ꓟ ꓥ ꓡꓳ꓿ ꓖꓳ ꓟ ꓑꓶ ꓓꓴ ꓟ, ꓟ ꓤ ꓘꓶ ꓗꓪ ꓤ ꓶ ꓡꓰꓳ ꓐꓰ ꓢꓷ. ꓡꓰ ꓖꓳ. ꓑꓳ. ꓠꓬ ꓖꓳ ꓟ ꓠꓬ ꓞꓳ ꓤ ꓕꓲꓽ ꓣꓳ ꓒꓬꓱꓼ ꓡ ꓟ ꓥ ꓡꓳ꓿ ꓟ, ꓟ ꓤ ꓘꓶ ꓗꓪ ꓤ ꓶ ꓡꓰꓳ ꓐꓰ ꓐꓯ ꓥ ꓟꓲ ꓣꓳ ꓠꓬ ꓕꓱ ꓟ ꓠꓬ ꓞꓳ ꓤ ꓟꓽ ꓒꓬꓱꓼ ꓡ ꓐꓰ ꓐꓯ ꓢꓲ ꓣꓳ ꓠꓬ ꓖꓳ ꓟ ꓔꓯ ꓮ ꓔꓳ ꓬꓰ ꓟꓽ ꓓ꓾ ꓖꓳ ꓡꓱ ꓬꓰ ꓥꓳ ꓐꓯ ꓠꓬ ꓣꓳ ꓠꓬ ꓞꓳ ꓤ ꓔꓯ ꓢꓰꓼ ꓟ ꓗꓷ ꓡꓰ ꓟ ꓥ ꓡꓳ꓿ ꓪꓴ‐ꓢ ꓟꓽ ꓠꓲ, ꓒꓵ ꓟ ꓥ ꓡꓳ꓾ ꓖꓳ ꓟ ꓑꓶ ꓓꓴ ꓦ ꓐ 2 ꓟ ꓦ ꓐ 5 ꓟ ꓦ ꓐ 9 ꓟ ꓕꓱ ꓡꓱ ꓐꓰ ꓐꓯ ꓟꓽ ꓠ꓾ ꓟ, ꓟ ꓤ ꓘꓶ ꓗꓪ ꓤ ꓶ ꓡꓰꓳ ꓐꓯ ꓠꓬ ꓠꓴ ꓖꓳ ꓓꓱ ꓗꓪ ꓥ ꓠꓬ ꓠꓴ ꓦꓲꓻ ꓘꓴꓽ ꓠꓯꓼ ꓗꓪ ꓞꓳ ꓤ ꓕꓲ ꓣꓳ ꓟꓶ ꓡꓰ ꓟ ꓥ ꓡꓳ꓿
ꓖꓳ ꓟ ꓑꓶ ꓓꓴ ꓘꓴ ꓜꓲꓼ ꓞꓳ ꓟ. ꓖꓶ ꓚꓱ, ꓗꓪ ꓐꓰ ꓠꓬꓲ. ꓠꓬꓲ ꓪꓴ‐ꓢ ꓡꓰ ꓣꓳ ꓔꓯ ꓒꓬꓱꓼ ꓡ ꓝꓲ ꓟ ꓠꓬ ꓟ, ꓟ ꓤ ꓘꓶ ꓗꓪ ꓤ ꓶ ꓡꓰꓳ ꓕꓱ ꓡꓱ ꓖꓳ ꓑꓳ. ꓠꓬ ꓕꓱ ꓟ ꓠꓬ ꓪꓴ‐ꓢ ꓖꓶ ꓔ ꓟ ꓤ ꓠꓱ ꓕꓲ ꓣꓳ ꓟꓶ ꓡꓰꓳ ꓐꓰ ꓐꓯ ꓟ ꓔꓯ ꓢꓷ. ꓔ ꓓꓴ ꓥ ꓡꓳ꓿
