ꓪꓴ‐ꓢ ꓠꓵꓻ ꓠꓲ, (Daily reflection) (15  .1.2026)

ꓧꓪ. ꓧꓪ ꓠꓬꓲ. ꓠꓬꓲ ꓵꓻ ꓠ, ꓟ ꓢꓲꓽ ꓫꓬ ꓕꓳ ꓶ ꓠꓬ ꓬꓳ‐ꓦ ꓕꓳ ꓶ 3ꓽ 16‐21 ꓝꓲ. ꓗꓪ ꓛꓲ ꓥ ꓢꓲ ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓐ, ꓐ ꓪꓴ‐ꓢ ꓠꓬ ꓬꓲ ꓮ ꓘꓶ. ꓠꓲ, ꓠꓵ ꓟ ꓒ ꓕꓲ ꓔꓯ ꓟꓲ ꓠꓯ ꓝꓲ ꓩꓴ ꓡ ꓟ ꓚꓱ, ꓥ ꓡꓳ꓿

ꓮꓽ ꓟ ꓥˍ ꓟꓲ ꓬꓲ ꓔꓯ ꓙꓵꓻ ꓠꓬ ꓟꓽ ꓟꓶ ꓡꓰ ꓢꓲ ꓕꓲ ꓞꓲꓼ ꓕ꓾ ꓑ ꓢꓯꓼ ꓟꓬ ꓟꓶ ꓠ, ꓟ꓾ ꓪꓴ‐ꓢ ꓠꓬ ꓬꓲ ꓤ ꓔꓲ. ꓖꓶ ꓗꓷ ꓗꓪ ꓛꓲ ꓟꓲ ꓠ ꓞꓳ ꓤ ꓔꓯ ꓠꓲ, ꓠꓵ ꓡꓳ꓿

ꓢꓲꓽ ꓫꓬ ꓢꓴ ꓢꓔ. ꓔꓧꓳꓟꓮꓢ ꓮꓴꓲꓠꓮꓢ ꓡꓰ ꓐꓯ ꓔ ꓟ ꓠꓬ ꓪꓴ‐ꓢ ꓠꓬ ꓠꓴ ꓥꓪ ꓙꓲ ꓟ ꓡ ꓞꓳ ꓥ ꓟ ꓑꓶ. ꓓꓴ ꓬꓲ ꓤ ꓔꓲ. ꓔꓯ ꓟꓲ ꓠꓯ ꓔꓯ ꓝꓲ. ꓝꓴ ꓡ ꓟ ꓟꓽ ꓥ ꓪꓴ‐ꓢ ꓠꓬ ꓠꓴ ꓥꓪ ꓔꓯ ꓠꓲ, ꓠꓵ ꓟ ꓑꓶ. ꓓꓴ ꓬꓲ ꓤ ꓔꓲ ꓔꓯ ꓟꓲ ꓠꓯ ꓗꓪ ꓝꓲ ꓩꓴ ꓡ ꓟ  ꓥ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓠꓬ ꓮ ꓘꓶ. ꓛꓲ ꓫ. ꓟ ꓙ ꓖꓴ ꓔꓯ ꓢꓲ ꓢꓲ ꓠꓬꓲ ꓟꓲ ꓠꓯ ꓡ ꓞꓳ ꓐꓱ ꓶ ꓫꓵꓻ ꓙ ꓗꓷ ꓟ ꓠꓬ ꓟꓲ ꓠꓯ ꓡ ꓞꓳ ꓔꓯ ꓮ ꓘꓶ. ꓛꓲ ꓠꓲ, ꓠꓵ ꓟ ꓔꓯ ꓟ. ꓖꓶ ꓟ ꓥ ꓡꓳ꓿ ꓟꓲ ꓠꓯ ꓡ ꓞꓳ ꓮ ꓙꓵꓽ ꓟꓴ ꓗꓪ ꓗꓴꓷꓼ ꓗꓪ ꓛꓲ ꓬꓰ ꓠ, ꓟ ꓢꓲꓺ ꓒ ꓬꓰ‐ꓢꓴ ꓝꓲ ꓟꓲ ꓠꓯ ꓡ ꓞꓳ ꓝꓴꓲ ꓐꓱ ꓶ ꓫꓵꓻ ꓙ ꓗꓷ ꓟ ꓥ ꓡꓳ꓿

ꓪꓴ‐ꓢ ꓡꓰ ꓐꓯ ꓟꓴ ꓘꓶ ꓟ꓾

ꓪꓴ‐ꓢ ꓡꓰ ꓮ ꓐꓲ ꓔꓯ ꓟꓲ ꓠꓯ ꓝꓲ ꓩꓴ ꓡ ꓟ ꓠꓬ ꓟꓲ ꓠꓯ ꓞꓳ ꓤ ꓔꓯ ꓟꓴ ꓘꓶꓽ ꓠ, ꓟ ꓐꓱ ꓶ ꓟꓽ ꓥ꓿ ꓬꓲ ꓗꓪ ꓐꓰ ꓟꓲ ꓠꓯ ꓡ ꓞꓳ ꓤ ꓚꓬꓴ ꓟꓶ ꓡꓰ ꓠ, ꓟ ꓥ ꓡꓳ꓿ ꓐꓰ ꓐꓯ ꓔ ꓡꓳ꓿

ꓣꓳ ꓚꓲ. ꓛꓬ ꓬꓰ ꓛꓬ ꓗꓷ ꓟ ꓝꓴꓲ. ꓑꓶ. ꓓꓴ ꓐꓯ ꓟꓴ ꓘꓶ ꓐꓯ ꓟ ꓔꓯꓺ ꓢꓲ꓾ ꓛꓬ ꓟꓴ ꓝꓮꓲ ꓝꓴꓲ ꓐꓯ ꓟ ꓠꓬ ꓔꓯ ꓪꓴ‐ꓢ ꓡꓰ ꓐꓯ ꓟꓴ ꓘꓶꓽ ꓐꓯ ꓟ ꓔꓯ ꓢꓲ꓾ ꓟꓲ ꓠꓯ ꓡ ꓞꓳ ꓐꓴ ꓠꓬ ꓟꓲ ꓠꓯ ꓠꓬꓲ ꓟꓳ ꓓꓴ ꓔꓯꓺ ꓢꓲ ꓠꓯ  ꓥꓶˍ ꓟ ꓔꓯ ꓠꓯ, ꓞꓲ ꓟ ꓔꓯ ꓠꓵꓻ ꓠꓵ ꓟ ꓑꓶ. ꓓꓴ ꓪꓴ‐ꓢ ꓔꓯ ꓡꓳ ꓗꓷ ꓟꓽ ꓘꓳ, ꓣꓴ ꓟ ꓪꓽ ꓒꓵ ꓥ ꓡꓳ꓿

ꓝꓣꓰꓰ ꓪꓲꓡꓡ ꓐꓯ ꓟ ꓪꓴ‐ꓢ ꓠꓬ ꓟꓲ ꓠꓯ ꓡ ꓞꓳ ꓔꓯ ꓚꓲ. ꓛꓬ ꓠꓲ, ꓫꓵˍ ꓟ ꓔꓯ ꓢꓲ ꓠ, ꓟ ꓖꓶ ꓔ ꓟ ꓥ ꓡꓳ꓿

ꓪꓴ‐ꓢ ꓠꓬ ꓣꓳ ꓟꓲ ꓠꓯ ꓡ ꓞꓳ ꓐꓴ ꓚꓲ. ꓛꓬ ꓠꓲ, ꓠꓵ ꓟ ꓔꓯ ꓢꓲ ꓠ, ꓟ ꓔꓯ ꓮ ꓘꓶ. ꓒꓵꓽ ꓢꓴ ꓪꓴ‐ꓢ ꓥ ꓡꓳ꓿

ꓪꓴ‐ꓢ ꓠꓬ ꓠꓬꓲ ꓟꓳ ꓓꓴ ꓥ ꓟꓲ꓾ ꓣꓳ ꓠꓲ, ꓟ ꓗ ꓗꓶꓽ ꓔꓯ ꓑꓲ ꓔ ꓠꓬ ꓬꓲ ꓟꓽ ꓓꓵ ꓡ ꓟ  ꓥꓡꓳ꓿

ꓔꓱ, ꓚꓵˍ ꓟ ꓔꓯ ꓬꓰ ꓠꓯ, ꓟ꓾ ꓚꓱ,

ꓬꓳ‐ꓦ 3ꓽ    21 ꓗꓪ ꓔꓱ ꓟ ꓬꓰ ꓢꓴ ꓠꓽ ꓬꓲ ꓬꓰˍ ꓟ ꓟꓬꓱꓽ ꓠꓬ ꓪꓴ‐ꓢ ꓔꓯ ꓒꓵꓽ ꓛꓳˍ ꓟ ꓗꓪ ꓐꓰ ꓟꓽ ꓥ ꓫꓬꓽ ꓫꓬꓽ ꓡꓰ ꓟꓳ. ꓖꓶ ꓪ ꓠ, ꓟ ꓠꓬꓲ ꓟꓳ ꓓꓴ ꓔꓯ ꓡ ꓡꓳ ꓐꓯ ꓖꓶ ꓡꓳ꓿

ꓣꓳ ꓬꓰ ꓟ ꓐꓰ ꓙꓵꓻ ꓠꓲ, ꓠꓬ ꓫ. ꓕꓱ ꓟ ꓗꓪ ꓐꓰ ꓪꓴ‐ꓢ ꓔꓯ ꓠꓲ, ꓟ ꓟꓽ ꓥ ꓚꓵˍ ꓚꓵˍ ꓣꓳ ꓬꓰ ꓟ ꓚꓱ, ꓗꓪ ꓐꓰ ꓪꓴ‐ꓢ ꓠꓲ, ꓠꓵ ꓔꓯ ꓢꓴ ꓔꓯ ꓟ. ꓖꓶ ꓠ, ꓟ ꓣꓳ ꓚꓵˍ ꓟ ꓔꓯ ꓣꓳ ꓔꓯ ꓟ. ꓖꓶ ꓡ ꓟ ꓥ ꓡꓳ꓿

ꓝꓴꓲ ꓔꓯ ꓠꓲ, ꓟ ꓡꓶ. ꓟ ꓓꓵꓽ ꓙ ꓒꓳ, ꓡꓶꓽ ꓡ ꓠ, ꓟ ꓪꓴ‐ꓢ ꓡꓰ ꓣꓳ ꓔꓯ ꓘꓴ ꓔꓬ ꓟ꓾

 ꓣꓳ ꓝꓴꓲ ꓔꓯ ꓪꓴ‐ꓢ ꓟꓲ ꓠꓯ ꓗꓪ ꓭ ꓡ ꓠꓬ ꓪꓴ‐ꓢ ꓠꓬ ꓣꓳ ꓝꓴꓲ ꓔꓯ ꓭ ꓖꓶ ꓐ ꓡ ꓢꓴ ꓪꓴ‐ꓢ ꓥ ꓡꓳ꓿ ꓪꓴ‐ꓢ ꓠꓬ ꓬꓲ ꓠꓯ, ꓗꓪ ꓡ ꓞꓳ ꓮ ꓟ ꓔꓯ ꓥ ꓟꓲ ꓠꓲ, ꓒꓴ ꓒꓴ ꓘꓳ, ꓣꓴ ꓢꓴ ꓪꓴ‐ꓢ ꓥ ꓡꓳ꓿ ꓣꓳ ꓬꓰ ꓛꓬ ꓡꓰ ꓟ ꓬꓰ ꓥꓳꓽ ꓡꓰ ꓟ ꓝꓴꓲ ꓔꓯ ꓪꓴ‐ꓢ ꓟꓲ ꓠꓯ ꓗꓪ ꓭ ꓢꓲ ꓠꓬꓲ ꓟꓲ ꓠꓯ ꓠꓬꓲ ꓟꓳ ꓓꓴ ꓗꓪ ꓡ ꓢꓴ ꓒꓬꓱꓼ ꓡ ꓠ, ꓟ ꓢꓯꓼ ꓕꓵꓼ ꓡꓯ꓿

ꓢꓲꓺ ꓒ ꓬꓰ‐ꓢꓴ ꓧꓪꓽ ꓖꓳ ꓓꓱ ꓠꓬ ꓣꓳ ꓐꓱ ꓶ ꓪꓴ‐ꓢ ꓡꓰ ꓖꓶ ꓔ ꓟ ꓢꓲꓺ ꓒ ꓬꓲ ꓫꓵ ꓬꓲ ꓧꓪ ꓚꓵ ꓥ ꓢꓲ ꓠꓬꓲ ꓢꓲꓺ ꓒ ꓬꓰ‐ꓢꓴ ꓚꓵ ꓚꓵ ꓔꓬ ꓟ ꓥ ꓡꓳ꓿

ꓪꓴ‐ꓢ ꓡꓰ ꓟꓲ ꓠꓯ ꓡ ꓞꓳ ꓔꓯ ꓐꓯ ꓟꓴ ꓘꓶꓽ ꓟ ꓟꓽ ꓥ꓿ ꓟꓲ ꓠꓯ ꓡ ꓞꓳ ꓡꓰ ꓪꓴ‐ꓢ ꓠꓵꓻ ꓠꓲ, ꓔꓯ ꓟꓽ ꓘꓳ, ꓣꓴ ꓟ ꓑꓶ. ꓓꓴ ꓥ ꓡꓳ꓿

ꓠꓬꓲ. ꓠꓬꓲ ꓓꓴ ꓢꓲꓺ ꓒ ꓬꓰ‐ꓢꓴ ꓬꓲ ꓠꓬ ꓔꓱ ꓚꓵ ꓟ ꓠꓬꓲ ꓟꓳ ꓓꓴ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓢꓲꓽ ꓫꓬ ꓟ ꓤꓶꓻ ꓠꓯ, ꓗꓪ ꓔꓬ ꓠ, ꓟ ꓢꓲꓺ ꓒ ꓬꓰ‐ꓢꓴ ꓡꓰ ꓐꓯ ꓔ ꓟ ꓥ ꓡꓳ꓿

ꓣꓳ ꓬꓰ ꓠꓯ, ꓟ ꓟꓬꓱ

ꓙꓲ ꓟ ꓟꓬꓱꓽ ꓬꓰ ꓠ, ꓟ ꓢꓯꓼ ꓕꓵꓼ ꓠ, ꓟ ꓢꓲꓺ ꓒ ꓠꓯ, ꓗꓪ ꓢꓯꓼ ꓪ ꓓꓰꓽ ꓓꓴ ꓬꓰ ꓡꓯ꓿