ꓠꓬꓲ. ꓠꓬꓲ ꓟ ꓶꓼ ꓓꓳꓽ ꓫꓱ, ꓓꓳꓽ ꓕꓳꓽ ꓶ ꓗꓪ ꓢꓲ ꓒ ꓬꓰ‐ꓢꓴ ꓠꓬ ꓬꓲ ꓮ ꓡꓲ ꓗꓪ ꓐꓰ ꓡˍ ꓟ꓾ ꓮ ꓫꓵꓽ ꓑꓶ. ꓓꓴ ꓡˍ ꓟ꓾ ꓬꓲ ꓮ ꓡꓲ ꓗꓪ ꓙꓰˍ ꓟ ꓔꓯ ꓐꓯ ꓟ. ꓖꓶˍ ꓡꓳ꓿ “ꓥꓪ ꓠꓽ ꓙꓲ‐ꓢꓴ ꓖꓳ ꓕꓲ ꓣꓳ ꓥ ꓟ ꓠꓴ ꓪ ꓟꓽ ꓙꓵꓻ ꓠꓬ꓾ ꓠꓴ ꓪ ꓠꓽ ꓝꓴꓲ. ꓗꓪ ꓠꓴ ꓪ ꓫꓵˍ ꓥꓳ” ꓐꓰ ꓡ ꓞꓳ ꓬꓲ ꓜꓴ ꓬꓲ ꓟꓯꓼ ꓔꓯ ꓢꓲ ꓒ ꓬꓰ‐ꓢꓴ ꓡꓰ ꓙꓳꓺ ꓗꓽ ꓖꓶˍ ꓡꓳ꓿
Nꓲ, ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓠꓬꓲ. ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓠꓬ (ꓬꓳ‐ꓦ 8ꓽ21‐30) ꓥ ꓡꓳ꓿
ꓕꓱ ꓗꓪ ꓢꓷ. ꓠꓲ, ꓐꓰ ꓙꓵꓻ ꓠꓲ, ꓠꓬꓲꓽ ꓗꓴ. ꓚꓸꓼ ꓗꓪ ꓔꓯꓺ ꓡꓯ ꓘꓳ ꓓꓴ ꓕꓲ ꓟ ꓔꓯ ꓟꓳꓻ ꓪˍ ꓡꓳ꓿ ꓡ ꓞꓳ ꓐꓴ ꓠꓬ ꓬꓰ‐ꓢꓴ ꓔꓯ ꓢꓷ. ꓠ, ꓟ꓾ ꓬꓲ ꓐꓯ ꓟ ꓔꓯ ꓙꓽ ꓜꓲꓼ ꓡ ꓠ, ꓟ ꓫ. ꓫ. ꓡꓰꓽ ꓢꓯꓼ ꓕꓵꓼ ꓔꓬ ꓪˍ ꓡꓳ꓿ “ꓬꓲ ꓮꓽ ꓟ ꓥ ꓡ꓾ ꓬꓲ ꓟꓶ ꓔ ꓟ ꓙꓵꓽ ꓪ ꓠꓬ ꓮ ꓡꓲ ꓗꓪ ꓐꓰ ꓡˍ ꓡ꓾” ꓐꓯˍ ꓟ ꓔꓯˍ ꓟꓲ ꓠꓺ ꓠꓬꓲ ꓗꓷꓳ꓿ ꓕꓱ ꓟ ꓠꓬ ꓣꓳ ꓤꓶꓻ ꓔꓯ ꓖꓴ ꓟ. ꓖꓶ ꓔꓬ ꓡꓳ꓿
ꓣꓳ ꓤꓶꓻ ꓗꓪ ꓣꓳ ꓠꓬ ꓮꓽ ꓟ ꓥ ꓡ꓾ ꓠꓱ. ꓐꓯ ꓢꓴ ꓠꓬ ꓣꓳ ꓔꓯ ꓮ ꓡꓲ ꓟꓳꓻˍ ꓡ꓾ ꓐꓯˍ ꓟ ꓗꓪ ꓡꓰꓽ ꓢꓯꓼ ꓕꓵꓼ ꓔꓬ ꓡꓳ꓿ ꓣꓳ ꓤꓶꓻ ꓚꓵ꓾ ꓣꓳ ꓛꓳ ꓫꓱꓽ ꓠ ꓔˍ ꓟ ꓙ ꓖꓴ ꓔꓯ ꓧꓪ ꓟꓳꓻ ꓠ, ꓟ ꓠꓬ ꓣꓳ ꓐꓱ ꓶ ꓫ. ꓓꓴ ꓕꓲ ꓫꓵꓽ ꓥ ꓡꓳ꓿ ꓣꓳ ꓮꓽ ꓟ ꓥ ꓡ ꓐꓯˍ ꓟ ꓠꓬ ꓣꓳ ꓙꓵꓻ ꓠꓲ,꓾ ꓣꓳ ꓞꓳ ꓙꓳ ꓚꓱ, ꓐꓰˍ ꓟꓲ ꓝ. ꓓꓻˍ ꓟ ꓥ ꓡꓳ꓿
ꓠꓱ. ꓐꓯ ꓢꓴ ꓡꓰ ꓣꓳ ꓔꓯ ꓮ ꓡꓲ ꓟꓳꓻˍ ꓡ ꓐꓯˍ ꓟ ꓔꓯ ꓙꓳꓺ ꓔꓬ ꓟ ꓠꓲ, ꓟ ꓔꓯ ꓗꓳ. ꓘꓳ ꓐ ꓡ ꓢꓲ꓾ ꓚꓲ. ꓛꓬ ꓚꓳꓽ ꓚꓲ. ꓛꓬ ꓢꓷ. ꓡˍ ꓕꓯ ꓣꓳ ꓤꓶꓻ ꓔꓯ ꓔꓶ ꓙꓱꓼ ꓙꓳ ꓙꓳ ꓡꓰꓽ꓾ ꓦ ꓡꓱ ꓐꓳ ꓠꓲ, ꓒ ꓐꓲꓸꓼ ꓐꓰ ꓟꓲꓽ ꓙꓬ ꓢꓲ ꓙꓰ ꓐ ꓡˍ ꓥꓳ꓿ ꓪ ꓜꓲ ꓐꓲ ꓜꓲꓼˍ ꓟ ꓤꓶꓻ ꓔꓯ ꓟꓶ ꓡꓰ ꓠ, ꓟ ꓠꓬ ꓣꓳ ꓚꓲ. ꓛꓬ ꓮ ꓡꓲ ꓥ ꓮ ꓡꓲ ꓘꓳ ꓣꓴ ꓗꓴ. ꓠ, ꓟ ꓥ ꓡꓳ꓿ ꓚꓲ. ꓛꓬ ꓚꓳꓽ ꓚꓲ. ꓛꓬ ꓮ ꓕꓯ ꓟꓲ ꓙꓽ ꓖꓶ ꓔ ꓠ ꓗ, ꓡꓳ꓿ ꓚꓲ. ꓛꓬ ꓚꓳꓽ ꓚꓲ. ꓛꓬ ꓪ ꓜꓲ ꓢꓷ. ꓡ ꓢꓲ ꓙꓽ ꓜꓲꓼ ꓡ ꓕꓯ ꓠꓱ. ꓐꓯ ꓢꓴ ꓤꓶꓻ ꓚꓵ ꓔꓯ ꓥˍ ꓟꓲ ꓧꓪ ꓟꓶ ꓠ, ꓟ ꓬꓰ ꓙ ꓖꓶ ꓐ ꓡ ꓢꓴ ꓒꓬꓱꓼ ꓡˍ ꓥꓳ꓿
