ꓠꓬꓲꓸ ꓠꓬꓲ ꓑ ꓙ ꓪꓽ ꓟ ꓢꓲ ꓫꓬ ꓕꓳꓽ ꓶ ꓠꓬ ꓟ-ꓕꓲ ꓕꓳꓽ ꓶ 21ꓽ 33-43ꓹ 45-46 ꓗꓪ ꓛꓲ ꓥ ꓡꓳ= ꓠꓬꓲꓸ ꓠꓬꓲ ꓟ ꓢꓲ ꓫꓬ ꓕꓳꓽ ꓶ ꓗꓪ ꓠꓬ (3) ꓫꓵꓼ ꓔꓯ ꓣꓳ ꓡꓳꓸ ꓟꓳꓸ ꓪ ꓡꓳ=
ꓓꓽ ꓪꓴ (1) ꓠꓬ ꓦ ꓟꓲ ꓢꓲ ꓒꓽ ꓕꓲ ꓣꓳ ꓠꓬ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓬꓲꓸꓹ ꓠꓯꓸꓼˍꓗꓪ ꓙꓳˍꓟ ꓛꓱꓼ ꓡꓱꓼ ꓐꓱ ꓔꓯ ꓦ ꓡꓱ ꓐꓳ ꓐꓳ ꓡꓯꓼ ꓙꓱꓼ ꓗꓷ ꓡꓳ= ꓕꓱ ꓟ ꓠꓬ ( ꓢꓲꓽ ꓒ ꓬꓰ-ꓢꓴ ꓠꓬ ꓞꓳ ꓤ ꓐꓰ ꓟꓲ ꓠꓯ ꓦ ꓕꓲ ꓒꓳꓹ ꓔꓯ ꓡꓳꓸ ꓙ ꓗꓪ ꓫꓵꓽ ꓠꓸꓹ ꓟ ꓙꓵꓸꓹ ꓪ ꓖꓶ ꓟ ꓔꓯ ꓐꓯ ꓠꓲꓸꓹ ꓫꓵˍꓟ ꓥ ꓡꓳ=
2 ꓫꓵꓼ ꓕꓲ ꓫꓵꓼ ꓠꓬ꓾ ꓛꓱꓼ ꓡꓱꓼ ꓢꓶꓽ ꓧꓼ ꓝꓲꓸ ꓛꓲ ꓡˍꓠꓬ ꓦ ꓟꓲ ꓢꓲ ꓒꓽ ꓡꓰ ꓬꓲ ꓪꓽ ꓙꓵꓽ ꓪ ꓙꓳˍꓟ ꓓꓰ ꓠꓹ ꓟ ꓐꓱ ꓶ ꓬꓲ ꓚꓳꓸ ꓑ ꓐꓴ ꓔꓯ ꓝꓲꓸ ꓩꓴ ꓗꓷ ꓡꓳ= ꓖꓳ ꓡꓰ ꓐꓯ ꓥˍꓟꓲ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓬꓲꓽ ꓚꓳꓸ ꓑ ꓐꓴ ꓔꓯ ꓓꓶ ꓠꓲꓽ ꓬꓰ ꓢꓲ꓾ ꓢꓰꓼ ꓗꓷ ꓡꓳ= ꓬꓲ ꓟꓶ ꓦ ꓟꓲ ꓢꓲ ꓒꓽ ꓥˍꓟ ꓬꓲ ꓤ ꓔꓯ ꓥˍꓟꓲ ꓣꓳ ꓪ ꓠꓹ ꓟ ꓐꓱ ꓶ ꓐꓰ ꓐꓯ ꓢꓲ꓾ ꓢꓰꓼ ꓗꓷ ꓡꓳ=
3 ꓫꓵꓼ ꓕꓲ ꓫꓵꓼ ꓠꓬ ꓦ ꓟꓲ ꓢꓲ ꓒꓽ ꓡꓼ ꓡ ꓕꓯ ꓖꓳ ꓠꓲꓸꓹ ꓙꓳˍꓟ ꓟꓬꓱꓽ ꓬꓰ-ꓢꓴ ꓐꓴ ꓔꓯ ꓣꓴ ꓡꓳ ꓗꓷ ꓢꓲ꓾ ꓠꓲꓸꓹ ꓟ ꓕꓱ ꓢꓴ ꓔꓯ ꓛꓱꓼ ꓡꓱꓼ ꓐꓱ ꓗꓪ ꓝꓲ ꓩꓴ ꓗꓷ ꓡꓳ=
ꓕꓯ ꓥꓳꓽ ꓕꓱ ꓟ ꓔꓯ ꓡꓳꓸ ꓠꓬꓲ ꓕꓯ ꓣꓳ ꓠꓯꓸꓼˍ ꓗꓪ ꓙꓳˍꓟ ꓬꓲꓼ ꓙꓵ꓾ ꓒꓴ ꓫꓵ꓾ ꓕꓲ ꓦꓲꓸꓹ ꓡ ꓞꓳ꓾ ꓢꓯꓼ ꓪ ꓮ ꓙꓵꓽ ꓠꓬ ꓪꓴ-ꓢ ꓡꓰ ꓣꓳ ꓔꓯ ꓕꓲ ꓑ ꓤ ꓥꓪꓸ ꓖꓶ ꓦ ꓫꓵꓽ ꓥꓳ= ꓖꓳ ꓟ ꓑꓶꓸ ꓓꓴ ꓣꓳ ꓠꓲꓸꓹ ꓫꓵꓽ ꓪ ꓡꓰ ꓟꓽ ꓣꓱ ꓣꓱ ꓪꓴ-ꓢ ꓬꓲ ꓠꓲꓸꓹ ꓡꓲ ꓙꓳ ꓟ ꓡꓰ ꓐꓰ ꓣꓱꓽ ꓠꓸꓹ ꓟ ꓣꓳꓸꓸ ꓚꓵ ꓡꓳ= ꓟꓽ ꓞꓲ ꓙꓲˍꓟ ꓬꓲꓽ ꓢꓶꓼ ꓓꓕ ꓠꓸꓹ ꓟ ꓟꓲ ꓣꓱꓽ ꓦꓬꓼ ꓡꓳ꓾ ꓪꓴ-ꓢ ꓠꓬ ꓣꓳ ꓠꓯꓸꓼ ꓗꓪ ꓐꓰ ꓬꓲꓼ ꓢꓶ ꓓꓴ ꓠꓸꓹ ꓟ ꓔꓯ ꓠꓲꓸꓹ ꓫꓵꓼ ꓡꓳ= ꓕꓱ ꓟ ꓠꓬ ꓠꓵꓸꓹ ꓠꓲꓹ ꓙꓳˍꓟ ꓙꓲˍꓟ ꓕꓲ ꓒꓳ ꓗꓪ ꓐꓰ ꓦꓲ ꓢꓲ꓾ ꓛꓳ ꓒꓯꓼ ꓛꓳ ꓤ ꓔꓯ ꓬꓰ ꓙ ꓟ ꓥ ꓡꓳ= ꓟ ꓞꓲꓼ ꓦꓲ ꓚꓰ ꓗꓪ ꓟ ꓡꓳ ꓓꓰ ꓓꓽ ꓟ ꓐꓯˍꓟ ꓠꓬ ꓦꓲꓸꓹ ꓕꓲ ꓦꓲꓸꓹ ꓘꓴ ꓠꓯꓸꓼ ꓗꓪ ꓟꓽ ꓓ ꓣꓳ ꓚꓵꓸꓹ ꓟ ꓕꓲ ꓟ ꓥ ꓡꓳ= ꓖꓳ ꓟ ꓡꓰ ꓐꓰ ꓣꓳ ꓤꓶꓸꓹ ꓗꓪ ꓮ ꓫꓵꓽ ꓬꓰ ꓥˍꓟꓲ ꓪꓴ-ꓢ ꓔꓯ ꓪꓽ ꓪꓴ ꓘꓳ ꓢꓯꓼ ꓕꓵꓼ ꓕꓯ ꓢꓲ꓾ ꓧꓪꓽ ꓡꓰ ꓓꓴ ꓔꓯ ꓘꓴ ꓣꓴ ꓟꓶ ꓡ ꓥꓳ=
