ꓙꓲ ꓢꓴ ꓢꓲ ꓤ ꓐꓴ ꓮ ꓙꓵ ꓕꓲꓽ ꓠꓲ, ꓕꓲꓽ ꓪ ꓒꓬꓱꓼ ꓡꓰ ꓠ, ꓟ ꓪꓽ ꓘꓴ_ ꓟ ꓔꓯ ꓟꓬ ꓠꓬꓲ ꓢꓯꓼ ꓕꓵꓼ ꓓꓴ ꓬꓰ ꓡꓯ꓾
ꓙꓲ ꓢꓴ ꓢꓲ ꓤ ꓐꓴ ꓕꓲꓽ ꓠꓲ, ꓕꓲꓽ ꓪ ꓗꓷ ꓡꓰ ꓠ, ꓟ ꓪꓽ ꓘꓴ_ ꓟ ꓕꓲꓽ ꓫꓵ ꓠ ꓪꓴ. ꓔꓴ_ ꓟ ꓚꓵ. ꓟꓶ ꓓꓴ ꓐꓰ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓙꓲ ꓢꓴ ꓢꓲ ꓤ ꓐꓴ ꓕꓲ ꓣꓳ ꓡꓲ ꓕꓲ ꓣꓳ ꓠꓯꓼ ꓗꓪ ꓕꓲꓽ ꓠꓲ, ꓕꓲꓽ ꓪ ꓪ ꓟꓶ ꓠ, ꓟ ꓪꓽ ꓘꓴ_ ꓟ ꓔꓯ ꓝꓮꓲ ꓪꓽ ꓟꓶ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓾ ꓐꓰ ꓢꓯꓼ ꓖꓶ ꓔ ꓡꓳ꓿
1 ꓦ 18 ꓠꓬꓲ ꓮꓠꓖꓰꓡꓴꓢ ꓪꓽ ꓘꓴ ꓙꓵ, ꓓꓳ ꓡꓰ ꓗ. ꓠꓯ. ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓠꓬꓲ. ꓠꓬꓲ ꓪꓴ. ꓔꓴ_ ꓟ ꓠꓬ ꓡꓳ, ꓬꓰ ꓟ ꓙꓵ, ꓗꓪ ꓡꓰ “ꓙꓲ ꓢꓴ ꓢꓲ ꓤ ꓐꓴ ꓕꓲꓽ ꓠꓲ, ꓕꓲꓽ ꓪ ꓗꓷ ꓡꓰ ꓠ, ꓟ ꓪꓽ ꓘꓴ_ ꓟ ꓕꓲꓽ ꓫꓵ ꓠ” ꓠꓬ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓲꓲ ꓡꓰ ꓢꓯꓼ ꓖꓶ ꓗꓷ ꓟ ꓥ ꓢꓲ꓾ ꓡꓳ, ꓬꓰ ꓟ ꓕꓲꓽ ꓦ ꓘꓳꓼ ꓕꓯ “ ꓙꓲ ꓢꓴ ꓢꓲ ꓤ ꓐꓴ ꓕꓲ ꓠꓲ, ꓕꓲ ꓪ ꓗꓷ ꓠ, ꓟ ꓐꓱ ꓶ 8 ꓦꓬꓼ ꓪꓽ ꓘꓴ_ ꓟ ꓚꓱ, ꓟꓳ. ꓢꓷ. ꓠꓲ, ꓖꓶ_ ꓟ꓾” ꓐꓰ ꓬꓲ. ꓪꓴ. ꓕꓲꓽ ꓧꓪ, ꓟ ꓟꓬ ꓠꓬꓲ ꓐꓲ ꓜꓲꓼ ꓡꓰ ꓟ ꓚꓱ,꓾ ꓕꓱ ꓕꓲ ꓘꓳꓼ ꓕꓲ ꓫꓵ ꓠꓽ ꓬꓲ. ꓕꓲ ꓟꓴ ꓠꓬ ꓢꓲ ꓫꓬ ꓢꓴ ꓒꓳ‐ꓡꓳ ꓕꓳ ꓶ ꓗꓪ ꓐꓰ “ꓠꓴ ꓪ ꓔꓯ ꓘꓴ_ ꓟ ꓠꓬ꓾ ꓥꓳ ꓡꓳ. ꓓꓴ ꓕꓲ ꓟ ꓗꓪ ꓘꓴ ꓔ ꓟ_ ꓡꓰ ꓐꓰ꓾ ꓖꓳ ꓓꓱ_ ꓟꓲ ꓕꓲ ꓟ_ ꓥꓳ꓿ ꓢꓲ‐ꓫꓬ‐ꓟ‐ꓦ ꓟꓲ ꓕꓲ ꓣꓳ_ ꓥꓳ꓿”ꓬꓲ‐ꓩꓴ‐ꓢꓳ 4ꓽ4 ꓢꓲ ꓫꓬ ꓕꓳ ꓶ ꓝꓲ. ꓗꓪ ꓐꓰ ꓢꓯꓼ ꓖꓶ ꓔ ꓡꓳ꓿
ꓕꓱ ꓪꓽ ꓘꓴ_ ꓟ ꓐꓰ ꓙꓽ ꓜꓲꓼ ꓠꓲ, ꓢꓷ. ꓠꓲ, ꓔꓯ (ꓮꓣꓟꓰꓠꓲꓮꓠ ꓮꓑꓳꓢꓔꓳꓡꓲꓚ ꓚꓧꓴꓣꓚꓧ) ꓙꓵꓻ ꓠꓲ, ꓦ ꓡꓱ ꓚꓱ, ꓮ ꓙꓵ ꓗꓪ ꓐꓰ ꓬꓰ ꓖꓶ ꓔ ꓟ (ꓰꓚꓴꓟꓰꓠꓲꓚꓮꓡ) ꓜꓴꓻ ꓗꓪ ꓐꓰ ꓙ ꓖꓶ ꓔ ꓟ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ” ꓖꓳ ꓟ ꓑꓶ ꓓꓴ ꓙꓲ ꓢꓴ ꓢꓲ ꓤ ꓮ ꓙꓵ ꓐꓲ ꓜꓲꓼ ꓟ ꓕꓲ ꓠꓲ, ꓕꓲ ꓪ ꓗꓷ ꓠ, ꓟ ꓐꓱ ꓶ ꓕꓱ ꓦꓬꓼ ꓠꓬꓲ ꓘꓴꓽ ꓗꓪ ꓪꓽ ꓘꓴ_ ꓟ ꓔꓯ ꓢꓯꓼ ꓕꓵꓼ ꓠ, ꓟ ꓙꓲ ꓢꓴ ꓢꓲ ꓤ ꓐꓴ ꓮ ꓙꓵ ꓔꓯ ꓥꓪ ꓘꓴ ꓔ ꓡꓳ” ꓐꓰ ꓐꓯ ꓔ ꓡꓳ꓿
ꓕꓱ ꓕꓲ ꓠꓲ, ꓕꓲ ꓪ ꓗꓷ ꓠ, ꓟ ꓐꓱ ꓶ ꓪꓽ ꓘꓴ ꓠ, ꓟ ꓢꓯꓼ ꓖꓶ_ ꓟ ꓠꓬ 1 ꓦ 25 ꓠꓬꓲ ꓠꓽ ꓦꓬꓼ ꓠꓬꓲ ꓕꓯ ꓓꓳ ꓡꓰ ꓟ ꓕꓲꓽ ꓠꓽ ꓡꓱꓼ ꓓꓵꓽ ꓙ ꓔꓱ, ꓕ ꓟ ꓐꓰ ꓕꓲ ꓪ ꓔꓬ ꓠ, ꓟ ꓥ ꓡꓳ꓾ ꓐꓰ ꓐꓯ ꓔ ꓡꓳ꓿ ꓖꓳ ꓟ ꓡꓰ ꓐꓰ 1 ꓦ ꓟ 25 ꓠꓬꓲ ꓢꓲ ꓫꓬ ꓢꓴ ꓒꓳ‐ꓡꓳ ꓠꓲ, ꓟ ꓒꓳ, ꓡꓲꓼ ꓡ ꓟ ꓑꓮꓲ ꓗꓪ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓠꓬ ꓣꓳ‐ꓟ ꓬꓲ. ꓙꓵ, ꓟꓶꓼ ꓘꓶꓼ (5) ꓙꓵ, ꓐꓶ ꓛꓲ ꓕꓯ ꓐꓮꓢꓲꓡꓲꓚꓮ ꓳꓝ ꓢꓮꓲꓠꓔ ꓑꓮꓴꓡ ꓳꓴꓔꓢꓲꓓꓰ ꓔꓧꓰ ꓪꓮꓡꓡꓢ ꓗꓪ ꓟꓶꓼ ꓘꓶꓼ ꓪꓽ ꓘꓴ ꓙꓵ, ꓔꓯ ꓧꓳꓽ ꓪꓴ. ꓟꓴ ꓓꓴ ꓥ ꓡꓳ꓿
