ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ Most Rev. Msgr. John Mung Ngawn Lasam (MF-Missionary of Faith) ꓔꓯ꓾ ꓟꓲ‐ꓚꓲ‐ꓠ ꓢꓽ‐ꓢꓶ‐ꓠ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓔꓲꓺ ꓒ ꓓꓽ ꓟꓬꓱꓽ ꓬꓰ ꓠ, ꓟ ꓢꓲꓺ ꓗꓷꓳ꓾ ꓐꓰ 10 ꓦ 29 ꓠꓬꓲ 2024 ꓘꓳꓼ ꓟꓶꓼ ꓘꓶ 5ꓽ30 ꓙꓵ, ꓕꓯ ꓐꓯ ꓑꓶ ꓗꓷꓳ꓿

Msgr. John Maung Ngawn Lasam ꓔꓯ 1973 ꓘꓳꓼ 4 ꓦ 21 ꓠꓬꓲ ꓕꓯ ꓡ‐ꓫꓲꓳ ꓢꓽ‐ꓢꓶ‐ꓠ ꓟꓴ‐ꓖꓴ ꓡꓳ ꓒꓱ ꓗꓪ ꓒꓬꓱꓽ ꓟꓳꓻ ꓢꓲ꓾ 2016 ꓘꓳꓼ 1 ꓦ 16 ꓠꓬꓲ ꓕꓯ ꓔꓲꓺ ꓒ ꓙꓵꓽ ꓪ ꓘꓳ ꓣꓴ ꓗꓷꓳ꓿

ꓬꓲ ꓠꓬ 2016‐2017 ꓘꓳꓼ ꓕꓯ꓾ ꓟꓲ‐ꓚꓲ‐ꓠ ꓢꓽ‐ꓢꓶ‐ꓠ ꓙꓲꓻ ꓫꓬ ꓢꓴ ꓚꓳꓡꓴꓟꓐꓮꓠ ꓪꓽ ꓘꓴ ꓦꓲꓻ ꓗꓪ ꓔꓳ, ꓙ ꓔꓲꓺ ꓒ ꓟꓬꓱꓽ ꓬꓰ ꓗꓷꓳ꓿

2017 ꓘꓳꓼ ꓗꓪ ꓐꓰ ꓮ ꓟꓶ ꓗꓪ ꓛꓲ ꓬꓲ ꓠꓬ꓾ ꓟꓲ‐ꓚꓲ‐ꓠ ꓡꓳ ꓒꓱ꓾ ꓢꓧꓮ‐ꓓꓮꓴ ꓔꓲꓺ ꓒ ꓙꓵꓽ ꓔꓶ. ꓗꓪ ꓙꓵꓽ ꓟꓵꓽ ꓔꓲꓺ ꓒ ꓟꓬꓱꓽ ꓬꓰ ꓔꓬ ꓟ ꓥ ꓡꓳ꓿

ꓬꓲ ꓔꓯ ꓛꓲ ꓡˍ ꓟ (12.1.2025) ꓕꓯ꓾ ꓔꓲꓺ ꓒ ꓓꓽ ꓙꓵꓽ ꓪ ꓖꓶ ꓠ, ꓟ ꓙꓽ ꓖꓶ ꓔ ꓡꓳ꓾ ꓐꓰ ꓢꓷ. ꓪ ꓡꓳ꓿