ꓟ, ꓟ ꓟ‐ꓡꓲ ꓙꓵꓻ ꓠꓲ, ꓡꓰ ꓐꓰ ꓙꓵꓻ ꓢꓲ ꓠꓬꓲ ꓪꓴ‐ꓢ ꓔꓯ “ꓘꓳ, ꓣꓴ ꓡꓳ꓾” ꓐꓰ ꓒꓳ, ꓓꓴ ꓬꓰ ꓡꓯ꓾

ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓟ, ꓟ ꓟ‐ꓡꓲ ꓡꓰ ꓐꓰ ꓙꓵꓻ ꓠ, ꓟ ꓐꓱ ꓶ ꓙꓲ‐ꓢꓴ ꓔꓯ ꓣꓳ ꓤꓶꓻ ꓠꓯꓼ ꓗꓪ ꓘꓳ, ꓣꓴ ꓠ, ꓟ ꓐꓱ ꓶ ꓠꓽ ꓦꓬꓼ ꓠꓬꓲ ꓢꓲ ꓫꓬ_ ꓟ ꓟ, ꓟ ꓟ‐ꓡꓲ ꓠꓯꓼ ꓖꓳ ꓓꓱ ꓗꓪ ꓶꓻ ꓤ ꓟ ꓚꓵ. ꓟꓶ ꓓꓴ ꓑꓮꓲ ꓮꓠꓖꓰꓡꓴꓢ ꓟ. ꓟꓲꓽ ꓗꓪ ꓙꓲ ꓢꓴ ꓢꓲ ꓤ ꓐꓴ ꓔꓯ ꓢꓯꓼ ꓖꓶ ꓔ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓙꓲ ꓢꓴ ꓢꓲ ꓤ ꓐꓴ ꓔꓯ ꓟ, ꓟ ꓟ‐ꓡꓲ ꓡꓰ ꓐꓰ ꓪꓴ‐ꓢ ꓔꓯ ꓙꓵꓻ ꓠ, ꓟ ꓐꓱ ꓶ ꓢꓯꓼ ꓖꓶ ꓢꓲ ꓠꓬꓲ “ꓢ‐ꓢꓲ‐ꓠ ꓟꓬꓱꓽ ꓔꓯ ꓠꓲ, ꓟ ꓫꓵꓺ ꓢꓲ ꓠꓬꓲ ꓠꓵꓻ ꓠꓲ, ꓐꓰ ꓢꓯꓼ ꓕꓵꓼ ꓠ, ꓟ ꓐꓱ ꓶ ꓐꓯ ꓔ ꓡꓳ꓿

Immaculate Conception: ꓟ, ꓟ ꓟ‐ꓡꓲ ꓠꓯꓼ ꓖꓳ ꓓꓱ ꓗꓪ ꓶꓻ ꓤ ꓡꓰ ꓟ ꓗꓪ ꓐꓰ ꓪꓴꓽ ꓓꓰ ꓡꓰ ꓟ ꓝꓴꓲ ꓔꓯ ꓗꓽ ꓕ ꓖꓶ ꓡ ꓟ ꓔꓯ ꓘꓴ ꓜꓲꓼ ꓞꓳ ꓗꓪ ꓐꓰ ꓕꓱ ꓟ ꓔꓯ ꓫꓱ. ꓖꓶ ꓖꓶ_ ꓟ ꓑꓮꓲ ꓥ ꓡꓳ꓿

ꓟ, ꓟ ꓟ‐ꓡꓲ ꓡꓰ “ꓬꓰꓢ” “ꓥ ꓡꓯ꓾” ꓐꓰ ꓐꓯ_ ꓟ ꓐꓯ ꓘꓶꓽ ꓠꓬ ꓪꓴ‐ꓢ ꓗꓪ ꓐꓰ ꓟ, ꓟ ꓟ‐ꓡꓲ ꓬꓲ ꓘꓳ, ꓣꓴ ꓟ ꓐꓯ ꓘꓶꓽ ꓥ ꓡꓯ꓾ ꓐꓰ ꓐꓯ_ ꓟ ꓔꓯ ꓬꓲ ꓔꓯ ꓖꓶ ꓔ ꓟ ꓣꓱ ꓛꓰ ꓔꓯ ꓘꓳ, ꓣꓴ ꓟ ꓠꓬ ꓮ ꓙꓵ ꓐꓱ ꓶ ꓙꓲ_ ꓟ ꓬꓲ ꓙꓱꓼ ꓥ ꓟ ꓔꓯ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ꓾ ꓬꓲ ꓠꓬ ꓙꓲ ꓢꓴ ꓢꓲ ꓤ ꓐꓴ ꓔꓯ ꓪꓽ ꓘꓴ ꓠ, ꓟ ꓐꓰ ꓠꓵꓻ ꓠꓲ, ꓐꓰ ꓟꓬꓱꓽ ꓚꓱ, ꓮ ꓙꓵ ꓠꓯꓼ ꓗꓪ ꓐꓰ ꓪꓴ‐ꓢ ꓔꓯ ꓥ ꓡꓯ꓾ ꓐꓰ ꓐꓯ ꓠ, ꓟ ꓐꓱ ꓶ ꓙꓲ‐ꓢꓴ ꓔꓯ ꓬꓲ. ꓔꓶ. ꓮ ꓙꓵ ꓗꓪ ꓘꓳ, ꓣꓴ ꓐ ꓡ ꓠ, ꓟ ꓬꓲ ꓚꓱ, ꓖꓶ ꓠ, ꓟ ꓥ ꓡꓳ꓿

ꓪꓴ‐ꓢ ꓣꓱ ꓛꓰ ꓡꓯꓼ ꓫꓴ ꓗꓪ ꓣꓳ ꓠꓲ, ꓡꓶꓽ꓾ ꓪꓴ‐ꓢ ꓠꓬ ꓟ, ꓟ ꓟ‐ꓡꓲ ꓔꓯ ꓖꓶ_ ꓟ ꓣꓱ ꓛꓰ ꓡꓯꓼ ꓫꓴ ꓓꓽ ꓟ ꓖꓶ ꓥ ꓟꓲ ꓖꓳ ꓟ ꓔꓯ ꓘꓳ, ꓣꓴ ꓠ, ꓟ ꓐꓱ ꓶ ꓢꓲ ꓚꓰ. ꓐ ꓡ ꓠ, ꓟ ꓬꓲ ꓠꓲ, ꓡꓶꓽ ꓖꓶ ꓔ ꓟ ꓔꓯ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ꓾ ꓟ, ꓟ ꓟ‐ꓡꓲ ꓬꓲ ꓝꓣꓰꓰꓓꓳꓟ ꓠꓬ ꓣꓱ ꓛꓰ ꓘꓳ, ꓣꓴ ꓠ, ꓟ ꓐꓱ ꓶ ꓬꓲ ꓚꓱ, ꓒꓴ ꓖꓶ ꓟ ꓥ ꓡꓳ꓿

ꓖꓳ ꓖꓱ ꓔꓲ, ꓣꓳ ꓚꓵ_ ꓟ ꓚꓱ,꓾ ꓟ, ꓟ ꓟ‐ꓡꓲ ꓖꓳ ꓓꓱ ꓶꓻ ꓡꓰ ꓟ ꓬꓲ ꓙꓱ ꓠꓬ ꓙꓲ ꓢꓴ ꓢꓲ ꓤ ꓐꓴ ꓐꓱ ꓶ ꓖꓳ ꓓꓱ, ꓔꓲ, ꓟ ꓢꓮꓚꓣꓮꓟꓰꓠꓔꓴ ꓗꓪ ꓐꓰ ꓬꓲ. ꓫꓵꓼ ꓒꓬꓱꓼ ꓡ ꓟ ꓥ ꓡꓳ꓾ ꓕꓱ ꓟ ꓠꓬ ꓣꓳ ꓠꓬ ꓝꓴꓲ ꓬꓲ ꓚꓰ ꓗꓪ ꓐꓰ ꓢꓲ ꓫꓬ ꓡꓰ ꓢꓲ ꓪꓴ‐ꓢ ꓬꓲ ꓤ ꓠꓱ ꓒꓬꓱꓼ ꓡ ꓟ ꓥ ꓡꓳ꓾ ꓐꓰ ꓐꓯ ꓔ ꓡꓳ꓾ ꓖꓳ ꓓꓱ ꓔꓲ, ꓟ ꓠꓬ ꓢꓲ ꓒ ꓬꓰ‐ꓢꓴ ꓔꓯ ꓣꓳ ꓠꓯꓼ ꓗꓪ ꓔꓬ ꓡ ꓝꓲ ꓢꓲ꓾ ꓘꓴ ꓜꓲꓼ ꓞꓳ ꓢ‐ꓢꓲ‐ꓠ ꓟꓬꓱꓽ ꓗꓪ ꓢꓯꓼ ꓕꓵꓼ ꓛꓳ ꓫꓱꓽ ꓠ, ꓟ ꓬꓲ ꓚꓱ, ꓖꓶ ꓔ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓟꓶꓽ ꓘꓶꓼ ꓙꓵ, ꓕꓯ ꓣꓳ‐ꓟ ꓗꓪ ꓔꓬ ꓟ ꓢꓑꓮꓠꓲꓢꓧ ꓢꓔꓰꓑꓢ (ꓑꓲꓮꓜꓜꓮ ꓓꓲ ꓢꓑꓮꓖꓠꓮ) ꓟ, ꓟ ꓟ‐ꓡꓲ ꓙꓱ ꓔꓯ ꓒꓵꓽ ꓗ, ꓬꓰ ꓠ, ꓟ ꓔꓯ ꓙꓲ ꓢꓴ ꓢꓲ ꓤ ꓐꓴ ꓔꓯ ꓘꓴ ꓔ ꓢꓲ ꓬꓲ ꓟꓶꓽ ꓢꓰꓼ ꓗꓷ ꓟ ꓥꓳ꓿