ꓚꓬ-ꓑꓳ-ꓛ ꓘꓹ ꓗꓪ ꓜꓻ ꓫꓵꓼ ꓑꓮꓲꓽ (Thanks giving day ) ꓬꓰˍ ꓟ

ꓠꓬꓲꓸ ꓠꓬꓲ 11 ꓦ ꓟ 23ꓸ ꓠꓬꓲ 2025 ꓢꓲꓺ ꓒ ꓦꓬꓼ ꓠꓬꓲ ꓕꓯ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓟꓲ-ꓚꓲ-ꓠ ꓢꓲ-ꓠ ꓗꓪ ꓙꓳˍ ꓟ ꓟ ꓚꓬ-ꓑꓳ-ꓛ ꓞꓳ ꓘꓹ ꓗꓪ ꓪꓴ-ꓢ ꓔꓯ ꓫꓸ ꓟꓳˍ ꓟ ꓐꓰ꓾ ꓜꓻ ꓫꓵꓼ ꓑꓮꓲꓽ ꓔꓯ ꓧꓪꓸ ꓧꓪꓸꓼ ꓐꓰ ꓬꓰ ꓗꓷꓳ=

ꓪꓴ-ꓢ ꓔꓯ ꓫꓸ ꓟꓳˍ ꓟ ꓐꓰ ꓜꓻ ꓫꓵꓼ ꓑꓮꓲꓽ ꓗꓪ ꓔꓲꓺ ꓒ ꓡꓮ-ꓧꓔꓳꓲ ꓡꓰ ꓟꓲ-ꓢ ꓔꓶ ꓖꓶ ꓗꓷꓳ=

ꓔꓲꓺ ꓒ ꓡꓰ ꓟꓸ ꓟꓲꓽ ꓚꓺ ꓟ ꓗꓪ ꓪꓴ-ꓢ ꓠꓬ ꓬꓲ ꓡꓰ ꓚꓰꓼ ꓔ ꓟ ꓟꓲ ꓠꓯ ꓞꓳ ꓤ ꓡꓰ ꓬꓲ ꓔꓯ ꓫꓸ ꓟꓳˍ ꓟ ꓠꓲꓹ ꓟ ꓙꓳ ꓟ ꓔꓯ ꓮ ꓘꓶꓸ ꓠꓲꓹ ꓒꓴ ꓡꓳ ꓐꓰ ꓟꓸ ꓟꓲ ꓚꓺ ꓗꓷꓳ=ꓚꓬ‐ꓑꓳ‐ꓛ ꓞꓳ ꓘ, ꓗꓪ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓬ (100) ꓣꓳ ꓔꓬ ꓟ ꓞꓳ ꓘ, ꓥ ꓡꓳ꓿ ꓚꓬ‐ꓑꓳ‐ꓛ ꓞꓳ ꓘ, ꓠꓬ ꓟꓬꓳꓔꓧꓲꓠ ꓖꓬꓲ ꓔꓲꓺ ꓒ ꓙꓵꓽ ꓔꓶ ꓗꓪ ꓐ ꓟ ꓥ ꓡꓳ꓿

ꓑꓮꓲꓽ ꓗꓪ ꓙꓲ-ꓢꓴ ꓢꓲꓺ ꓤ ꓐꓴ ꓮ ꓙꓵꓽ ꓕꓲ ꓠꓲꓹ ꓕꓲ ꓪ ꓗꓹ ꓛꓲ ꓛꓲꓹ ꓐ ꓪ ꓡꓰꓳ= ꓝꓮꓲ ꓑꓮꓲꓽ ꓬꓰ ꓗꓷ ꓗ. ꓠꓯ ꓤ ꓠꓱ ꓐꓴ ꓞꓳ ꓡꓱ ꓐꓴ ꓝꓮꓲ ꓞꓳ ꓟꓳ ꓐꓴ ꓥ ꓟꓲ ꓛꓲ ꓡꓵ ꓡꓯꓼ ꓡꓵ ꓟꓴꓽ ꓖꓪ ꓬꓰ ꓗꓷ ꓟ ꓥ ꓡꓳ꓿