ꓢꓲ, ꓜꓲ. ꓠꓬ ꓮ ꓡꓲ ꓕꓲ ꓒꓳ, ꓗꓪ ꓐꓰ ꓟꓲ ꓠꓯ ꓡ ꓞꓳ ꓐꓴ ꓔꓯ ꓬꓰ ꓙ ꓔꓬ ꓟ ꓚꓱ, (Environment program)
ꓠꓬꓲ. ꓠꓬꓲ ꓟꓵꓽ ꓘꓳꓼ ꓐꓰ ꓫ. ꓕꓱ ꓟ ꓚꓱ, ꓗꓪ ꓐꓰ ꓢꓲ, ꓜꓲ ꓠꓬ ꓮ ꓡꓲ ꓕꓲ ꓒꓳ, ꓗꓪ ꓟꓲ ꓠꓯ ꓡ ꓞꓳ ꓐꓴ ꓔꓯ ꓬꓰ ꓙ ꓔꓬ ꓟ ꓚꓱ, ꓥ ꓡꓳ꓿ ꓟꓲ ꓠꓯ ꓗꓪ ꓢꓲ, ꓜꓲ ꓟꓽ ꓙꓳ ꓠꓬ ꓟꓲ ꓠꓯ ꓕꓲ ꓟ ꓠꓬ ꓡ ꓞꓳ ꓐꓰ ꓙꓱꓽ ꓤ ꓔꓬ ꓟꓽ ꓙꓲ ꓟ ꓟꓵꓽ ꓕꓲ ꓟ ꓒꓬꓱꓼ ꓡꓰ ꓡ ꓟ ꓥ ꓡꓳ꓿ ꓮ ꓫꓵꓽ ꓪꓴ. ꓠꓬꓲ ꓥ ꓡ? 1. ꓝꓲ. ꓗꓪ ꓢꓲ, ꓜꓲ ꓠꓬ ꓟꓲ ꓠꓯ ꓗꓪ ꓢꓯ. ꓔꓬ ꓟ ꓡ ꓞꓳ ꓐꓰ ꓐꓲ ꓓꓲ ꓡꓯꓻ ꓓꓲ ꓙꓱꓽ ꓤ ꓮ ꓙꓵꓽ ꓔꓯ ꓐꓱ ꓶ ꓟꓲ ꓦꓲꓻ ꓢꓯꓼ ꓔꓯ ꓖꓶ ꓢꓴ ꓥ ꓡꓳ꓿ ꓟꓲ ꓠꓯ ꓔꓯ ꓙꓲ ꓡꓰ ꓠ, ꓟ ꓙꓲ ꓟ ꓟꓲ ꓦꓲꓻ ꓔꓯ ꓡ ꓞꓳ ꓐꓴ ꓐꓰ ꓢꓯ. ꓫꓵꓽ ꓢꓯ. ꓙꓵꓽ ꓔꓯ ꓖꓶ ꓟ ꓡꓶ. ꓖꓶ ꓟ ꓙꓼ ꓒꓱ ꓓꓽ ꓟ ꓕꓲ ꓟ ꓥ ꓡꓳ꓿
ꓠꓬꓲ. ꓠꓬꓲ ꓣꓳ ꓣꓱ ꓔꓬ ꓟ ꓬꓲ ꓙꓵ, ꓕꓲ ꓙꓵ, ꓡꓰ ꓕꓲ ꓙꓵ, ꓣꓱ ꓔꓬ ꓟ ꓢꓯꓼ ꓦꓻ ꓟ ꓟꓲ ꓦꓲꓻ ꓔꓯ ꓟꓽ ꓙꓲ ꓟ ꓟꓲ ꓦꓲꓻ ꓢꓯꓼ ꓗꓪ ꓐꓰ ꓙꓲ ꓟ ꓟꓲ ꓦꓲꓻ ꓢꓯꓼ ꓒꓬꓱꓼ ꓡ ꓠ, ꓟ ꓒꓳ, ꓖꓶ ꓟ ꓠꓬ ꓢꓲ, ꓜꓲ ꓥ ꓡꓳ꓿ ꓢꓲ, ꓜꓲ ꓡꓰ ꓖꓶ ꓟ ꓙꓲ ꓟ ꓟꓲ ꓦꓲꓻ ꓔꓯ ꓣꓳ ꓘꓳ, ꓣꓴ ꓟꓶ ꓟ ꓪꓴ. ꓠꓬꓲ ꓧꓪꓽ ꓖꓳ ꓓꓱ ꓔꓬ ꓢ ꓢꓲ ꓠꓬꓲ ꓗ, ꓛꓲ ꓤꓶꓻ ꓔꓯ ꓘꓳ, ꓣꓴ ꓪ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓢꓲ, ꓜꓲ ꓠꓬ ꓢꓯ. ꓫꓵꓽ ꓐꓴ ꓮ ꓙꓵꓽ ꓐꓱ ꓶ ꓮ ꓘꓶ. ꓣꓳ ꓚꓵ, ꓓꓲ ꓡꓰ ꓟ ꓥ ꓡꓳ꓿
ꓠꓬꓲ. ꓠꓬꓲ ꓟꓲ ꓠꓯ ꓗꓪ ꓢꓲ, ꓜꓲ ꓟꓽ ꓙꓳ ꓠꓬ ꓡ ꓞꓳ ꓐꓴ ꓢꓯꓼ ꓔꓬ ꓠ, ꓟ ꓫ. ꓝꓮꓲ ꓢꓯꓼ ꓦꓻ ꓠ, ꓟ ꓮ ꓘꓶ. ꓫ. ꓓꓴ ꓒꓬꓱꓼ ꓡ ꓟ ꓥ ꓡꓳ꓿ ꓣꓳ ꓡꓳ. ꓟꓳ ꓟ ꓬꓲꓻ ꓙꓬ ꓡꓳ ꓗ ꓥ ꓟꓲ ꓢꓲ, ꓜꓲ ꓠꓬ ꓮ ꓘꓶ. ꓛꓲ ꓣꓱ ꓬꓯꓼ ꓔꓬ ꓟ ꓥ ꓡꓳ꓿ ꓟꓲ ꓦ ꓮ ꓘꓶ. ꓦꓻꓡ ꓟ ꓙꓵ, ꓕꓯ ꓟꓲ ꓦꓻ ꓬꓲꓻ ꓙꓬ ꓠꓬ ꓢꓲ, ꓜꓲ ꓡꓰ ꓮ ꓤ ꓤ ꓬꓲꓻ ꓙꓰ ꓠ, ꓟ ꓬꓰ ꓙ ꓝꓮꓲ ꓟꓵꓽ ꓡꓶꓽ ꓓꓴ ꓟꓽ ꓒꓬꓱꓼ ꓠ, ꓟ ꓢꓲ, ꓜꓲ ꓠꓬ ꓮ ꓘꓶ. ꓛꓲ ꓬꓰ ꓙ ꓟ ꓥ ꓡꓳ꓿ ꓢꓲ, ꓜꓲ ꓠꓬ ꓬꓲꓻ ꓙꓬ ꓙꓵꓽ ꓡ ꓟꓶ ꓡ ꓟ ꓗꓪ ꓐꓰ ꓗꓽ ꓕꓽ ꓖꓶ ꓟ ꓥ ꓡꓳ꓿ ꓟꓽ ꓙꓲ ꓟ ꓟꓽ ꓫꓬ ꓟ ꓬꓲꓻ ꓙꓬ ꓔꓯ ꓝꓮꓲ ꓡꓶ. ꓖꓶ ꓢꓲ ꓠꓬꓲ ꓙꓲ ꓟ ꓬꓲꓻ ꓙꓬ ꓔꓯ ꓢꓯ. ꓫꓵꓽ ꓢꓯ. ꓙꓵꓽ ꓮ ꓙꓵꓽ ꓐꓱ ꓶ ꓙꓲ ꓟ ꓬꓲꓻ ꓙꓬ ꓔꓯ ꓖꓶ ꓔꓬ ꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓢꓲ, ꓜꓲ ꓔꓯ ꓮ ꓘꓶ. ꓛꓲ ꓔꓶ ꓓꓴ ꓬꓰ ꓡꓯ꓿ ꓢꓲ, ꓜꓲ ꓠꓬ ꓟꓲ ꓠꓯ ꓡ ꓞꓳ ꓐꓴ ꓢꓯ. ꓔꓬ ꓠ, ꓟ ꓟꓲ ꓦꓲꓻ ꓔꓯ ꓖꓶ ꓟ ꓮ ꓘꓶ. ꓛꓲ ꓣꓳ ꓚꓵ, ꓟ ꓥ ꓡꓳ꓿
