ꓢꓲ ꓒ ꓬꓰ-ꓢꓴ ꓠꓯꓸꓼ ꓗꓪ ꓮ ꓙꓵꓽ ꓔꓯ ꓧꓪꓸ ꓧꓪꓸ꓾ ꓠꓬꓲꓸ ꓠꓬꓲ ꓠꓬ ꓢꓲ ꓒ ꓬꓰ-ꓢꓴ ꓡꓰ꓾ ꓟꓴ ꓗꓪ ꓗꓴꓷꓼ ꓠꓬ ꓖꓳ ꓗꓪ ꓥ ꓡꓳ= ꓕꓱ ꓗꓪ ꓥ ꓡꓳ ꓐꓰ ꓐꓯˍ ꓟ ꓟꓽ ꓥ= ꓮ ꓡꓲꓳ ꓐꓯ ꓠꓬ ꓟꓴ ꓗꓪ ꓗꓴꓷꓼ ꓠꓬ ꓠꓴ ꓪ ꓗꓳ ꓡꓳ ꓗꓪ ꓓꓹ ꓡꓳ꓾ ꓐꓰ ꓐꓯˍ ꓟ ꓟꓸ ꓟꓲꓽ ꓝꓲꓸ ꓗꓪ ꓐꓰ ꓣꓳ ꓠ ꓡꓳꓸ ꓓꓴ ꓥꓳ=
ꓡꓴ-ꓘ=17ꓽ20-25
ꓕꓲ ꓧꓪꓹ ꓙꓳˍ ꓠꓬ ꓒ-ꓡꓲ-ꓢꓷ ꓐꓴ ꓡꓰ꓾ ꓪꓴ-ꓢ ꓗꓴꓷꓼ ꓮ ꓕꓯꓽ ꓕꓲ ꓝꓲꓸ ꓗꓪ ꓛꓲ ꓡ ꓥꓳ ꓪ?꓾ ꓐꓰ ꓠ ꓠꓬꓲ ꓡ ꓠꓬꓲ꓾ ꓬꓰ-ꓢꓴ ꓡꓰ ꓬꓲ ꓪꓽ ꓔꓯ꓾ ꓪꓴ-ꓢ ꓗꓴꓷꓼ ꓛꓲ ꓡ ꓟ ꓠꓬ ꓟꓬ ꓢꓶꓽ ꓡꓰ ꓟꓳꓻ ꓓꓻ ꓡꓳ ꓫꓵ ꓟꓽ ꓥ꓿ꓢꓴ ꓡꓰ꓾ ꓠꓬꓲ ꓠꓹ꓾ ꓕꓱ ꓗꓪ ꓥ ꓡꓳ꓾ ꓥ ꓠꓬ ꓖꓳ ꓗꓪ ꓥ ꓡꓳ꓾ ꓐꓰˍ ꓟꓲ ꓟꓽ ꓐꓯ ꓖꓶ ꓡ꓿ ꓮ ꓡꓲꓳ ꓐꓯ ꓠꓬ ꓪꓴ-ꓢ ꓗꓴꓷꓼ ꓠꓽ ꓠꓴ ꓪꓽ ꓗꓳ ꓡꓳ ꓗꓪ ꓓꓹ ꓡꓳ꓾ ꓐꓯ ꓖꓶˍ ꓡꓳ꓿
ꓝꓮꓲ ꓠꓬ ꓬꓲ ꓡꓰ ꓛꓳꓽ ꓒꓯꓹ ꓐꓴ ꓔꓯ꓾ ꓠꓴ ꓪꓽ ꓠꓬ ꓡ-ꓞꓳ-ꓮ-ꓐꓲ ꓬꓲ ꓦꓬꓼ ꓠꓬꓲ ꓕꓲ ꓠꓬꓲꓻ ꓤꓼ ꓔꓯ ꓟꓳꓻ ꓠꓲꓹ ꓫꓵˍ ꓟꓲ ꓟꓳꓻ ꓪ ꓟꓽ ꓓ ꓟ ꓦꓬꓼ ꓠꓬꓲ ꓛꓲ ꓡ ꓥꓳ꓿ ꓖꓳ ꓕꓯ ꓢꓴ ꓡꓰ ꓠꓴ ꓪꓽ ꓔꓯ꓾ ꓠꓬꓲ ꓠꓹ꓾ ꓖꓳ ꓗꓪ ꓥꓳ꓾ ꓥ ꓠꓬ ꓕꓱ ꓗꓪ ꓥꓳ꓾ ꓐꓰ ꓐꓯ ꓡ ꓥ ꓟꓲ꓾ ꓠꓴ ꓪꓽ ꓕꓽ ꓓꓳ ꓙꓰ꓿ ꓬꓲ ꓪꓽ ꓔꓯ ꓛꓳꓻˍ ꓟꓲ ꓕꓽ ꓛꓳ ꓙꓰ꓿
ꓮ ꓡꓲꓳ ꓐꓯ ꓠꓬ ꓡ-ꓞꓳ-ꓮ-ꓐꓲ ꓬꓯꓼ ꓡ ꓟ ꓦꓬꓼ ꓠꓬꓲ ꓗꓪ ꓠꓬ꓾ ꓟꓴꓽ ꓗꓪ ꓕ ꓑꓳꓸ ꓕꓲ ꓛꓱꓽ ꓗꓪ ꓟꓲꓽ ꓐꓬꓱꓼ ꓤꓰꓽ ꓡ ꓟꓶꓽ ꓕꓯ꓾ ꓖꓳ ꓑꓳꓸ ꓕꓲ ꓛꓱꓽ ꓗꓪ ꓡꓬꓸ ꓛꓲ ꓬꓰˍ ꓟ ꓡꓰ ꓐꓰ ꓗꓹ ꓥꓳ꓿ ꓖꓳ ꓡꓱ ꓥ ꓟꓲ ꓡ-ꓞꓳ-ꓮ-ꓐꓲ ꓠꓬ꓾ ꓫꓸ ꓙꓵˍ ꓟ ꓮꓽ ꓟꓬꓹ ꓫꓵꓽ ꓜꓲꓽ ꓢꓲ꓾ ꓕꓱ ꓕꓲ ꓤꓶꓻ ꓟ ꓡꓽ ꓞꓳ ꓡꓰ ꓟꓽ ꓘꓳꓻ ꓣꓴ ꓡ ꓟ ꓧꓶꓸ ꓕꓯ ꓗꓳꓸ ꓪˍ ꓥꓳ꓿
