ꓢꓲꓺ ꓒ ꓡˍ ꓟ ꓔꓯ ꓦꓴ ꓠꓬꓹ ꓠꓯꓹ ꓟ (Sunday reflection) fist advent
ꓠꓬꓲ. ꓠꓬꓲ ꓠꓬ ꓘꓴ ꓜꓲꓼ ꓞꓳ ꓟꓵꓽ ꓘꓳꓼ ꓠꓯ, ꓗꓪ ꓐꓰ ꓚꓬꓴ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓟꓲ ꓠꓯ ꓗꓪ ꓦꓵꓻ ꓡ ꓟ ꓔꓯ ꓦꓴ ꓠꓬ, ꓔꓬ ꓟ ꓙꓵ, ꓮꓓꓦꓰꓠꓔꓴ ꓬꓲ. ꓪꓴ. ꓕꓲ ꓫꓵꓽ ꓠꓽ ꓟ ꓢꓲꓺ ꓒ ꓦꓬꓼ ꓠꓬꓲ ꓥ ꓡꓳ꓿ ꓠꓬꓲ. ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓗꓪ ꓵꓻ ꓠ, ꓟ ꓢꓲꓽ ꓫꓬ ꓕꓳ ꓶ ꓠꓬ ꓟ‐ꓕꓲ ꓕꓳ ꓶ 24ꓽ37‐44 ꓝꓲ. ꓗꓪ ꓛꓲ ꓥ ꓢꓲ ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓢꓲꓺ ꓒ ꓡˍ ꓟ ꓬꓲ ꓙꓵ, ꓔꓯ ꓦꓴ ꓠꓬ, ꓠꓯ, ꓟ ꓐꓯ ꓔ ꓟ ꓢꓲꓽ ꓫꓬ ꓕꓳ ꓶ ꓝꓲ. ꓥ ꓡꓳ꓿ ꓮ‐ꓠꓱ ꓠꓳ‐ꓪ ꓦꓬꓼ ꓠꓬꓲ ꓗꓪ ꓟꓵꓽ ꓟꓽ ꓟꓷ. ꓟꓲ ꓟ. ꓟꓷ. ꓢꓰꓽ ꓟ ꓦꓬꓼ ꓠꓬꓲ ꓗꓪ ꓐꓰ ꓠꓳ‐ꓪ ꓠꓬ ꓦꓲ ꓡꓲ ꓓꓽ ꓟ ꓗꓪ ꓓꓵꓽ ꓡꓰ ꓟ ꓦꓬꓼ ꓠꓬꓲ ꓗꓪ ꓛꓲ ꓬꓲ ꓪ ꓠꓬ ꓜꓽ ꓠꓬꓲ ꓓꓳꓻ ꓠꓬꓲ꓾ ꓐꓰ ꓔꓬ ꓢꓲ ꓠꓬꓲ ꓟꓵ. ꓟꓷ. ꓡ ꓠꓬ ꓮ ꓙꓵꓽ ꓐꓴꓻ ꓔꓯ, ꓙꓰꓳ꓿
ꓖꓳ ꓡꓱ ꓐꓰ ꓚꓬꓴ ꓢꓲꓺ ꓒ ꓬꓰ‐ꓢꓴ ꓡ ꓟ ꓙꓵ, ꓕꓯ ꓥ ꓟꓲ ꓜꓻ ꓠꓬꓲ ꓓꓳꓻ ꓠꓬꓲ ꓐꓰ ꓔꓬ ꓢꓴ ꓐꓴ ꓔꓯ ꓤ ꓟꓳ ꓠ, ꓟ ꓐꓯ ꓔ ꓟ ꓥ ꓡꓳ꓿ ꓢꓲꓺ ꓒ ꓠꓬ ꓮ ꓡꓰ ꓕꓲ ꓙꓵ, ꓗꓪ ꓡ ꓟ ꓛꓲ ꓡ ꓟ ꓔꓯ ꓟꓽ ꓢꓷ. ꓡꓳ, ꓠꓬ, ꓠ, ꓟ ꓔꓯ ꓟ. ꓖꓶ ꓔ ꓟ ꓥ ꓡꓳ꓿ ꓠꓬꓲ. ꓠꓬꓲ ꓠꓬ ꓝꓮꓲ ꓘꓴ ꓜꓲꓼ ꓞꓳ ꓟꓵꓽ ꓘꓳꓼ ꓬꓲ ꓫꓵꓼ ꓗꓪ ꓝꓮꓲ. ꓛꓲ ꓡ ꓟ ꓥ ꓡꓳ꓿ ꓚꓬꓴ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓟꓲ ꓠꓯ, ꓗꓪ ꓦꓵꓻ ꓡ ꓟ ꓔꓯ ꓡꓳ. ꓠꓬꓲ ꓦꓴ ꓠꓬ, ꓔꓬ ꓟ ꓙꓵ, (ꓮꓓꓦꓰꓠꓔ) ꓙꓵ, ꓟꓲ ꓥ ꓡꓳ꓿
ꓗꓳ. ꓗꓷ ꓟ ꓙꓵ, ꓕꓯ ꓚꓬꓴ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓟꓲ ꓠꓯ, ꓗꓪ ꓦꓵꓻ ꓡ ꓟ ꓔꓯ ꓓꓴ ꓙ ꓙꓵ, ꓐꓰ ꓛꓲ ꓡ ꓟ ꓙꓵ, ꓕꓯ ꓚꓬꓴ ꓢꓲꓺ ꓒ ꓬꓰ‐ꓢꓴ ꓠꓬꓲꓽ ꓧꓪ, ꓕꓲ ꓧꓪ, ꓟ ꓟꓲ ꓠꓯ ꓗꓪ ꓬꓯꓼ ꓡ ꓟ ꓡ ꓟ ꓔꓯ ꓡꓳ. ꓠꓬꓲ ꓠ, ꓟ ꓬꓲ ꓙꓵ, ꓟꓲ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓪꓴ. ꓠꓬꓲ ꓠꓬꓲ. ꓠꓬꓲ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓣꓳ ꓤꓶꓻ ꓦꓬꓼ ꓠꓬꓲ ꓣꓳ ꓠꓯ, ꓗꓪ ꓚꓬꓴ ꓢꓲꓺ ꓒ ꓬꓰ‐ꓢꓴ ꓔꓯ ꓓꓵꓽ ꓡ ꓠ, ꓟ ꓘꓳ, ꓣꓴ ꓠ, ꓟ ꓬꓲ ꓙꓵ, ꓟꓲ ꓥ ꓡꓳ꓿ ꓢꓲꓺ ꓒ ꓡ ꓟ ꓔꓯ ꓥꓳꓻ ꓡꓳ ꓔꓬ ꓟ ꓙꓵ, ꓠꓬ ꓣꓳ ꓙꓲ‐ꓢꓴ ꓢꓲꓺ ꓤ ꓐꓱ ꓶ ꓮ ꓘꓶ. ꓛꓲ ꓣꓳ ꓚꓵ, ꓟ ꓬꓲ ꓙꓵ, ꓟꓲ ꓥ ꓡꓳ꓿ ꓚꓲ. ꓛꓬ ꓬꓰ ꓛꓬ ꓗꓷ ꓟ ꓝꓴꓲ. ꓔꓯ ꓝꓮꓲ ꓓꓵꓽ ꓙ ꓧꓪ, ꓛꓲ ꓢꓲ ꓠꓬꓲ ꓢꓲꓺ ꓒ ꓠꓯ, ꓗꓪ ꓡ ꓠ, ꓟ ꓬꓲ ꓙꓵ, ꓟꓲ ꓥ ꓡꓳ꓿
ꓥꓳꓽ ꓡꓳ. ꓟ ꓦꓴ ꓠꓬ, ꓟ ꓟꓲ ꓠꓯ ꓡ ꓞꓳ ꓐꓴ ꓮ ꓕꓯ ꓬꓰ ꓖꓴ ꓡ? ꓝꓴꓲ ꓬꓰ ꓛꓬ ꓗꓷ ꓢꓲ ꓠꓬꓲ ꓐꓱ ꓓꓵꓽ ꓔꓳ, ꓦꓲꓻ ꓗꓪ ꓔꓬ ꓢꓴ ꓐꓴ ꓡꓶ. ꓙꓰ ꓠ, ꓟ ꓥꓳꓽ ꓡꓳ. ꓔꓬ ꓟ ꓥ ꓡꓳ꓿ ꓝꓮꓲ ꓔꓶ. ꓫꓵꓽ ꓔꓶ. ꓙꓰ ꓔꓶ. ꓜ ꓢꓴ ꓐꓴ ꓥ ꓟꓲ ꓜ ꓪꓳꓽ ꓡꓳ ꓪꓴꓽ ꓟꓲ ꓡ ꓟ ꓙꓵ, ꓔꓯ ꓥꓳꓽ ꓡꓳ. ꓥꓴ ꓠꓬ, ꓔꓬ ꓗꓴ. ꓢꓴ ꓐꓴ ꓥ ꓡꓳ꓿ ꓝꓮꓲ ꓠꓲ, ꓫ. ꓟꓬ, ꓫ. ꓢꓴ ꓜ ꓓꓴ ꓟꓷꓽ ꓓꓴ ꓔꓳ, ꓜꓳ ꓔꓬ ꓢꓴ ꓐꓴ ꓥ ꓟꓲ ꓠꓲ, ꓫ. ꓟꓬ, ꓫ. ꓓꓴ ꓗꓪ ꓐꓰ ꓡꓶ. ꓙꓰ ꓠ, ꓟ ꓥꓳꓽ ꓡꓳ ꓦꓴ ꓠꓬ, ꓢꓴ ꓐꓴ ꓥ ꓡꓳ꓿
ꓗꓳ. ꓗꓷ ꓟ ꓙꓵ, ꓕꓯ ꓚꓬꓴ. ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓟꓲ ꓠꓯ ꓗꓪ ꓦꓵꓻ ꓡ ꓟ ꓔꓯ ꓓꓵꓽ ꓙ ꓙꓵ, ꓐꓰ ꓛꓲ ꓡ ꓟ ꓙꓵ, ꓕꓯ ꓚꓬꓴ. ꓢꓲꓺ ꓒ ꓬꓰ‐ꓢꓴ ꓠꓬꓲꓽ ꓧꓪ, ꓕꓲ ꓧꓪ, ꓟ ꓟꓲ ꓠꓯ ꓗꓪ ꓬꓯꓼ ꓡ ꓟ ꓔꓯ ꓡꓳ. ꓠꓬ, ꓠ, ꓟ ꓬꓲ ꓙꓵ, ꓟꓲ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓪꓴ. ꓠꓬꓲ ꓠꓬꓲ. ꓠꓬꓲ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓣꓳ ꓤꓶꓻ ꓦꓬꓼ ꓠꓬꓲ ꓣꓳ ꓠꓯꓸꓼ ꓗꓪ ꓚꓬꓴ. ꓢꓲꓺ ꓒ ꓬꓰ‐ꓢꓴ ꓔꓯ ꓓꓵꓽ ꓡ ꓠ, ꓟ ꓘꓳ, ꓣꓴ ꓠ, ꓟ ꓬꓲ ꓙꓵ, ꓟꓲ ꓥ ꓡꓳ꓿ ꓢꓲꓺ ꓒ ꓡ ꓟ ꓔꓯ ꓥꓳ ꓡꓳ. ꓔꓬ ꓟ ꓙꓵ, ꓠꓬ ꓣꓳ ꓙꓲ‐ꓢꓴ ꓢꓲꓺ ꓤ ꓐꓱ ꓶ ꓮ ꓘꓶ. ꓛꓲ ꓣꓳ. ꓚꓵ, ꓟ ꓬꓲ ꓙꓵ, ꓟꓲ ꓥ ꓡꓳ꓿ ꓚꓲ. ꓛꓬ ꓬꓰ ꓛꓬ ꓗꓷ ꓟ ꓝꓴꓲ. ꓔꓯ ꓝꓮꓲ ꓓꓵꓽ ꓙ ꓧꓪ. ꓛꓲꓽ ꓢꓲ ꓠꓬꓲ ꓢꓲꓺ ꓒ ꓠꓯ,ꓸꓼ ꓗꓪ ꓡ ꓠ, ꓟ ꓬꓲ ꓙꓵ, ꓟꓲ ꓥ ꓡꓳ꓿
ꓥꓳ ꓡꓳ. ꓟ ꓦꓴ ꓠꓬ, ꓟ ꓟꓲ ꓠꓯ ꓡ ꓞꓳ ꓐꓴ ꓮ ꓕꓯ ꓬꓰ ꓖꓴ ꓡ? ꓝꓴꓲ. ꓬꓰ ꓛꓬ ꓗꓷ ꓢꓲ ꓠꓬꓲ ꓐꓱ ꓓꓴꓽ ꓕꓳꓽ ꓦꓲꓻ ꓗꓪ ꓔꓬ ꓢꓴ ꓐꓴ ꓡꓲ, ꓙꓰ ꓠ, ꓟ ꓥꓳ ꓡꓳ. ꓔꓬ ꓟ ꓥ ꓡꓳ꓿ ꓝꓮꓲ ꓔꓶ ꓫꓵꓽ ꓔꓶ ꓙꓰ ꓔꓶ ꓜ ꓢꓴ ꓐꓴ ꓥ ꓟꓲ ꓜ ꓪꓳꓽ ꓡꓳ ꓪꓴꓽ ꓟꓲ ꓡˍ ꓟ ꓙꓵ, ꓔꓯ ꓥꓳ ꓡꓳ. ꓦꓴ ꓠꓬ, ꓔꓬ ꓗꓴ. ꓢꓴ ꓐꓴ ꓥ ꓡꓳ꓿ ꓝꓮꓲ ꓠꓲ, ꓫ. ꓟꓬ ꓫ. ꓢꓴ꓾ ꓜꓽ ꓓꓴ ꓟꓷꓼ ꓓꓴ ꓔꓳ, ꓜꓳꓽ ꓔꓬ ꓢꓴ ꓐꓴ ꓥ ꓟꓲ ꓠꓲ, ꓫ. ꓟꓬ ꓫ. ꓓꓴ ꓗꓪ ꓐꓰ ꓡꓲ, ꓙꓰ ꓠ, ꓟ ꓥꓳ ꓡꓳ. ꓦꓴ ꓠꓬ, ꓢꓴ ꓐꓴ ꓥ ꓡꓳ꓿
ꓮ ꓫꓵꓽ ꓑꓶ. ꓓꓴ ꓠꓬꓲ, ꓥ ꓐꓯ ꓠꓬ ꓟꓽ ꓟꓶ ꓫꓵˍ ꓟ ꓙꓵ, ꓕꓯ ꓗ, ꓛꓲꓽˍ ꓟ ꓓꓳꓽ ꓔꓯ ꓘꓳ, ꓣꓴ ꓟꓶ ꓠ, ꓟ ꓐꓱ ꓶ ꓙꓳˍ ꓟ ꓪꓴ. ꓠꓬꓲ ꓥꓳ ꓡꓳ. ꓦꓴ ꓠꓬ, ꓔꓬ ꓟ ꓥ ꓡꓳ꓿ ꓠꓬꓲ. ꓠꓬꓲ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓢꓲꓺ ꓒ ꓬꓰ‐ꓢꓴ ꓡꓰ ꓠꓳ‐ꓪ ꓦꓬꓼ ꓠꓬꓲ ꓗꓪ ꓬꓲꓻ ꓙꓬ ꓟꓶ. ꓡ ꓟ ꓙꓵ, ꓕꓯ ꓡ ꓞꓳ ꓐꓴ ꓠꓬ ꓜꓽ ꓠꓬꓲ ꓓꓳꓻ ꓠꓬꓲ ꓐꓰ ꓗ, ꓛꓲꓽ ꓔꓬ ꓟ ꓔꓯ ꓤ ꓟꓳ ꓠ, ꓟ ꓐꓯ ꓔ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓟꓲ ꓠꓯ ꓗꓪ ꓝꓮꓲ ꓬꓯꓼ ꓡ ꓟ ꓙꓵ, ꓔꓯ ꓡꓳ. ꓠꓬ, ꓔꓬ ꓟ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓥ ꓟꓲ ꓜꓽ ꓠꓬꓲ ꓓꓳꓻ ꓠꓬꓲ ꓢꓲꓺ ꓒ ꓔꓯ ꓟꓲ ꓡꓰ ꓢꓲ ꓠꓬꓲ ꓟꓲ ꓠꓯ ꓕꓲ ꓒꓳ, ꓗꓪ ꓝꓴꓲ. ꓗꓪ ꓔꓬ ꓟ ꓔꓯ ꓓꓵꓽ ꓙꓽ ꓒꓳ, ꓡꓰꓼ ꓡ ꓠ, ꓟ ꓐꓯ ꓔ ꓟ ꓥ ꓡꓳ꓿
