ꓠꓲ, ꓫ. ꓟꓬ ꓫ. ꓓꓴ ꓐꓰ ꓚꓲ ꓛꓬ ꓔꓱ, ꓚꓲ ꓛꓬ ꓢꓰꓼ ꓫꓵꓻ ꓠꓲ, ꓫꓵ ꓢꓴ ꓐꓴ ꓬꓲ ꓪ ꓚꓳ ꓡꓳ ꓗꓪ ꓐꓰ ꓬꓲ ꓪ ꓡꓰ ꓣꓱ ꓬꓯꓼ ꓟ ꓔꓯ ꓬꓰ ꓙ ꓪ ꓟꓶ ꓠ, ꓟ꓾ ꓠꓬꓲ ꓙ ꓡꓳ. ꓙ ꓟ ꓐꓰ ꓠꓵꓻ ꓠꓲ, ꓪ ꓟꓶ ꓢꓲ꓾ ꓡꓳ. ꓐꓲ_ ꓟ ꓤꓶꓻ ꓔꓯ ꓪ ꓠ, ꓟ ꓪꓽ ꓘꓴ ꓓꓴ ꓬꓰ ꓡꓯ꓿ ꓢꓲ ꓒ ꓬꓰ‐ꓢꓴꓳ꓾ ꓓꓵ ꓙ ꓪꓴ ꓧꓶ ꓢꓲ ꓶꓻ ꓡꓲꓽ ꓓꓽ ꓟ ꓟꓯꓻ ꓔꓬ ꓢꓴ ꓐꓴ ꓠꓴ ꓠꓯꓼ ꓗꓪ ꓡ ꓢꓲ ꓪꓴ ꓧꓶ ꓠꓽ ꓟꓶ ꓠ, ꓟ ꓘꓴ ꓔ ꓟ ꓢꓲ ꓒꓽ꓾ ꓢꓰꓼ ꓫꓵꓻ ꓠ, ꓟ ꓓꓵꓽ ꓙ ꓔ ꓢꓴ ꓐꓴ ꓐꓱ ꓶ ꓠꓯꓻ ꓞꓲ, ꓟ ꓗꓪ ꓐꓰ ꓠꓲ, ꓟ ꓐꓬ ꓡꓰ ꓔꓬ ꓢꓴ ꓐꓴ ꓮ ꓙꓵ ꓐꓱ ꓶ ꓕꓱ ꓕꓲꓽ ꓦ ꓗꓪ ꓠꓴ ꓔꓯ ꓥꓪ ꓠꓴ ꓶꓽ ꓓꓰ_ ꓥꓳ꓿ ꓬꓲ ꓪ ꓔꓯ ꓘꓳ, ꓣꓴ_ ꓟ꓾ ꓠ ꓠ, ꓖꓶ_ ꓟ꓾ ꓠꓬꓲ ꓙ ꓡꓳ. ꓙ ꓬꓰ ꓙ_ ꓟ ꓚꓳ ꓡꓳ ꓔꓯ ꓮ ꓕꓯ ꓟꓲ ꓧꓪ ꓟꓳ ꓡꓰ ꓝꓲ꓾ ꓥꓪ ꓠꓴ ꓔꓯ ꓫꓱ, ꓤ ꓠꓲ, ꓙꓳ ꓠ, ꓟ꓾ ꓠꓲ, ꓟ ꓗꓳ. ꓖꓶ ꓗꓴ._ ꓟ ꓐꓰ ꓬꓰ ꓙ ꓔꓳ, ꓙ ꓐ ꓡ ꓟ ꓠꓲ, ꓟ ꓔꓯ ꓡꓵꓽ ꓖꓶ ꓡꓯ꓾ ꓞꓳ ꓒꓵꓽ ꓗꓴ._ ꓟ꓾ ꓫꓱ. ꓤ ꓠꓲ, ꓐꓰ ꓬꓲ ꓪ ꓐꓰ ꓕꓲ ꓪ ꓔꓬ ꓗꓴ. ꓢꓲ꓾ ꓠꓻ ꓓꓴ ꓔꓯ ꓫꓬ, ꓓꓻ ꓡꓰ ꓐ ꓡ ꓠ, ꓟ꓾ ꓙꓻ ꓡꓯ ꓘꓳ ꓟ ꓔꓯ ꓫꓬ, ꓐ ꓡꓰ ꓠ, ꓟ꓾ ꓥꓪ ꓠꓴ ꓔꓯ ꓢꓷ. ꓡꓰ ꓝꓲ ꓡꓯ꓿ ꓕꓲ ꓠꓲ, ꓕꓲ ꓪ ꓙꓻ ꓡꓯ ꓘꓳ_ ꓟ ꓤꓶꓻ ꓠꓬ ꓡꓯꓼ ꓫꓴꓻ ꓕꓲ ꓟ ꓥ ꓡꓳ꓾ ꓠꓲ, ꓫ ꓟꓬ ꓫ ꓟ꓾ ꓠꓻ ꓙꓵ_ ꓟ ꓘꓴꓽ ꓗꓪ ꓐꓰ ꓡꓳ. ꓐꓲ_ ꓟ ꓬꓲ ꓚꓱ, ꓙꓳ ꓢꓰ ꓟ ꓔꓯ ꓝꓮꓲ ꓧꓪ ꓟꓳ ꓡꓰ ꓝꓲ꓾ ꓠꓴ ꓠꓯꓼ ꓗꓪ ꓛꓳ ꓫꓱꓽ ꓢꓴ ꓠꓬ ꓥꓳꓽ ꓡꓳ. ꓓꓴ ꓟꓶꓽ ꓡꓰ ꓟ꓾ ꓠꓲ, ꓫ ꓟꓬ ꓫ. ꓓꓴ ꓢꓯꓼ ꓔꓯ ꓔꓳ, ꓐ ꓡꓰ ꓘꓴ_ ꓟ ꓔꓯ ꓢꓷ. ꓔ ꓡꓳ꓿ ꓢꓲ ꓒꓽ ꓫꓱ. ꓤ ꓠꓵꓻ ꓠꓲ, ꓔꓯ ꓮ ꓕꓯ ꓟꓲ ꓪ ꓟꓶ ꓝꓲ ꓡꓯ ꓐꓰ ꓥꓪ ꓠꓴ ꓶꓽ ꓓꓰꓽ_ ꓡꓳ꓾ ꓖꓳ ꓕꓯ ꓢꓲ ꓢꓲ ꓒꓽ ꓐꓰ ꓠꓶꓽ ꓞ, ꓟ ꓗꓪ ꓐꓰ ꓢꓲ ꓒ ꓡꓰ ꓖꓶ ꓔ ꓟ ꓤꓶꓻ ꓗꓪ ꓙꓵꓻ ꓠꓲ, ꓫꓬ, ꓔꓱ, ꓢꓲ ꓐ, ꓐ ꓕꓲ ꓞꓲꓼ ꓕꓲ ꓑ ꓠꓵꓻ ꓠꓲ, ꓔꓯ ꓢꓷ. ꓡꓰ ꓝꓲ ꓠ, ꓟ ꓢꓯꓼ ꓓꓽ ꓟ ꓐꓰ ꓚꓺ ꓒꓬꓱꓽ ꓐ ꓡ ꓥꓳ꓿
