ꓟꓲ˗ꓚꓲ˗ꓠ꓾ ꓐꓰ ꓑꓴꓔꓮꓳ ꓟꓳ˗ꓓꓳ ꓙꓻ ꓖꓴ ꓒꓴ ꓖꓶ ꓗꓷ ꓟ ꓓꓳꓽ
ꓠꓬꓲꓸ ꓠꓬꓲ 10 ꓦ ꓟ 27 ꓠꓬꓲ 2025 ꓘꓳꓼ ꓠꓽ ꓕꓲ ꓠꓬꓲ ꓠꓯꓼ ꓕꓯ ꓟꓲ˗ꓚꓲ˗ꓠ꓾ ꓐꓰ ꓑꓴꓔꓮꓳ ꓟꓳ˗ꓓꓳ ꓙ ꓖꓴ ꓒꓴ ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿ ꓗ˗ꓛꓲ ꓗꓴꓷꓼ ꓫꓴꓻ ꓟꓲ˗ꓚꓲ˗ꓠ ꓡꓳ ꓒꓱ ꓗꓪ ꓐꓰ ꓑꓴꓔꓮꓳ ꓡꓳ ꓒꓱ ꓗꓪ ꓙꓰ ꓟ ꓟꓳ˗ꓓꓳ ꓙ ꓖꓴ ꓠꓬ ꓗꓳꓸ ꓗꓷ ꓟ 10 ꓦ ꓟ 25 ꓠꓬꓲ ꓕꓯ ꓑꓲꓸ ꓗꓷ ꓥ ꓢꓲ ꓠꓬꓲ 10 ꓦ ꓟ 27 ꓠꓬꓲ ꓠꓬꓲꓸ ꓠꓬꓲ ꓠꓬ ꓝꓮꓲ ꓒꓴ ꓖꓶ ꓗꓷꓳ ꓐꓰ ꓢꓷꓸ ꓪ ꓡꓳ꓿
ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓑꓴꓔꓮꓳ ꓗꓪ ꓐꓰ ꓟꓲ˗ꓚꓲ˗ꓠ ꓡꓳ ꓒꓱ ꓗꓪ ꓙꓰ ꓟ ꓟꓳ˗ꓓꓳ ꓐꓰ ꓟꓲ˗ꓚꓲ˗ꓠ ꓗꓪ ꓐꓰ ꓑꓴꓔꓮꓳ ꓡꓳ ꓒꓱ ꓗꓪ ꓓꓯˍ ꓟ ꓟꓳ˗ꓓꓳ ꓮ ꓙꓵꓽ ꓠꓬ ꓙꓰ ꓓ ꓡꓰꓳ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓟꓲ˗ꓚꓲ˗ꓠ ꓗꓪ ꓐꓰ ꓑꓴꓔꓮꓳ ꓡꓳ ꓒꓱ ꓗꓪ ꓓꓯˍ ꓟ ꓟꓳ˗ꓓꓳ ꓮ ꓙꓵꓽ ꓠꓬ ꓙꓰ ꓓ ꓡꓰꓳ ꓐꓰ ꓢꓷꓸ ꓪ ꓡꓳ꓿
ꓟꓳ‐ꓓꓳ ꓙꓻ ꓖꓴ ꓒꓴ ꓖꓶ ꓡ ꓟ ꓪꓴ. ꓠꓬꓲ ꓮ ꓘꓶ. ꓗ, ꓛꓲ ꓡꓳ ꓐꓰ ꓟꓳ‐ꓓꓳ ꓫꓲ. ꓒꓽ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓥ ꓡꓳ꓿ ꓑꓴꓔꓮꓳ ꓟꓵꓽ ꓗꓪ ꓟꓳ‐ꓓꓳ ꓙꓻ ꓖꓴ ꓟꓽ ꓒꓴ ꓖꓶ ꓠꓬ ꓶꓻ ꓤꓼ ꓒꓵꓽ ꓮ ꓘꓶ. ꓓꓯˍ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜ ꓓꓴ ꓓꓳ ꓓꓴ ꓫ. ꓡ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓠꓬꓲ. ꓠꓬꓲ ꓗꓪ ꓐꓰ ꓟꓳ‐ꓓꓳ ꓙꓻ ꓖꓴ ꓒꓴ ꓖꓶ ꓡ ꓟ ꓪꓴ. ꓠꓬꓲ ꓑꓴꓔꓮꓳ ꓟꓵꓽ ꓗꓪ ꓔꓬ ꓢꓴ ꓐꓴ ꓶꓻ ꓤꓼ ꓪꓴꓻ ꓪ ꓓꓽ ꓡ ꓓꓴ ꓥꓳ ꓐꓰ ꓢꓷ. ꓪ ꓡꓳ꓿
