ꓞꓳ ꓜꓴ ꓓꓽ ꓟ ꓬꓰ‐ꓢꓴ ꓔꓯ ꓛꓳ ꓙꓰ ꓔꓬ ꓕꓯ ꓬꓲ ꓪ ꓔꓯ ꓐꓯ ꓔ ꓟ ꓠꓬ꓾ ꓮꓽ ꓟ ꓥ ꓟꓲ ꓬꓲ ꓚꓲ ꓛꓬ ꓔꓯ ꓠꓲ, ꓠꓵ_ ꓟ ꓢꓶ. ꓟꓽ ꓞꓲ ꓥꓪ ꓔꓯ ꓟꓽ ꓠꓲ, ꓠꓵ ꓕꓯ ꓠꓽ ꓥꓪ ꓛꓳ ꓒꓯ, ꓬꓰ ꓟꓽ ꓒꓬꓱꓼ ꓡ꓾ ꓐꓰ ꓐꓯ ꓔ ꓡꓳ꓾ ꓢꓲ ꓒ ꓬꓰ‐ꓢꓴ ꓬꓲ ꓐꓯ ꓘꓶꓽ ꓠꓬ ꓠꓵꓻ ꓠꓲ, ꓟꓽ ꓙꓳ ꓟ ꓐꓯ ꓘꓶꓽ ꓟꓽ ꓥ꓾ ꓣꓳ ꓢꓯ. ꓔꓬ ꓙ ꓫꓱ_ ꓟ ꓗꓪ ꓢꓲ ꓒ ꓬꓰ‐ꓢꓴ ꓠꓬ ꓬꓲ ꓪꓴ. ꓗꓷ ꓠ ꓔ ꓟ ꓔꓯ ꓐꓯ ꓔ ꓟ ꓥ ꓡꓳ꓿
ꓙꓲ ꓢꓴ ꓢꓲ ꓤ ꓐꓴ ꓤꓶꓻ ꓠꓬ ꓢ_ ꓟ꓾ ꓗ, ꓛꓲ_ ꓟ ꓙꓳ_ ꓟ ꓡꓰ ꓟꓽ ꓞꓲ ꓕꓲ ꓪ ꓔꓳ, ꓜꓳ ꓡ ꓟ ꓫ. ꓓꓴ ꓥ ꓟꓲ ꓙꓳ_ ꓡꓳ꓿ ꓢꓲ ꓒ ꓬꓰ‐ꓢꓴ ꓛꓳ ꓒꓯ, ꓗꓷ ꓠ, ꓟ ꓠꓬ ꓚꓲ ꓛꓬ ꓐꓱ ꓶ ꓡꓰ ꓟꓽ ꓞꓲ ꓘꓴ ꓜꓲꓼ ꓞꓳ ꓢ‐ꓢꓲ‐ꓠ ꓐꓱ ꓶ ꓗꓪ ꓥ ꓟꓲ ꓙꓻ ꓡꓯ ꓘꓳ_ ꓟ꓾ ꓢꓯꓼ ꓖꓶ_ ꓟ꓾ ꓚꓲ ꓛꓬ ꓡꓯ ꓐꓳ ꓔꓶ. ꓓꓴ ꓔꓯ ꓑꓱ. ꓠ, ꓟ ꓥ ꓡꓳ꓿ ꓣꓳ ꓤꓶꓻ ꓗꓪ ꓔꓱ, ꓟ ꓐꓰ ꓢꓯ. ꓔꓬ ꓟ ꓠꓬꓲꓽ ꓗꓳ. ꓚ. ꓗꓪ ꓥ ꓟꓲ ꓓꓵ ꓙ ꓞꓷ, ꓓꓴ ꓬꓲ ꓙꓵ, ꓥ ꓟꓲ ꓙꓳ ꓡꓳ꓿ ꓕꓲ ꓦꓲꓻ ꓡ ꓞꓳ ꓠꓯꓼ ꓗꓪ ꓒꓴ ꓫꓵ ꓠꓯꓼ ꓗꓪ ꓟꓽ ꓥ ꓠꓬ ꓡ ꓠ, ꓟ ꓤꓶꓻ ꓐꓱ ꓶ ꓕꓱ ꓡꓱ ꓫꓵ ꓗꓪ ꓐꓰ ꓢꓲ ꓒ ꓬꓰ‐ꓢꓴ ꓠꓯꓼ ꓗꓪ ꓛꓳ ꓫꓱꓽ ꓓꓴ ꓫ. ꓔ ꓥ ꓟꓲ ꓚꓵ ꓚꓵ ꓬꓲ ꓛꓳ ꓒꓯ, ꓒꓬꓱꓼ ꓠꓲ, ꓫꓵ ꓢꓴ ꓠꓬ ꓕꓱ ꓟ ꓔꓯ ꓒꓰ, ꓗꓷ ꓐ ꓡ ꓠ ꓔ ꓡꓳ꓾
ꓢꓲ ꓒ ꓬꓰ‐ꓢꓴ ꓠꓬ꓾ ꓠꓴ ꓪ ꓞꓳ ꓦꓲ ꓔꓳ, ꓠꓲ, ꓫꓵ ꓠꓬ ꓫꓬ, ꓓꓳ ꓡꓰ ꓠ, ꓟ ꓫꓬ, ꓒꓵꓽ ꓙꓳ ꓟꓽ ꓙꓳ ꓟ ꓧꓶ. ꓕꓯ ꓢꓪ. ꓠꓬꓲ ꓟ ꓡꓰ ꓐꓰ ꓟꓯꓼ ꓢꓰꓼ ꓡꓯ ꓘꓳ ꓠ, ꓟ ꓙꓰ ꓕꓯ ꓥ ꓟꓲ ꓧꓪ. ꓘꓴ ꓧꓪ. ꓟꓽ ꓘꓴꓻ ꓟ ꓬꓲ ꓜꓶ ꓢꓪ. ꓠꓬꓲ ꓟ ꓡꓰ ꓐꓰ ꓢꓲ ꓒ ꓬꓰ‐ꓢꓴ ꓠꓯꓼ ꓗꓪ ꓛꓳ ꓫꓱꓽ ꓢꓴ ꓥ ꓟꓲ ꓚꓲ ꓛꓬ ꓤꓶꓻ ꓢꓯꓼ ꓟꓬ ꓔꓯ ꓓꓵ ꓙ ꓔꓱ, ꓕ ꓢꓪ. ꓠ, ꓟ ꓥ ꓡꓳ꓿ ꓬꓲ ꓐꓱ ꓶ ꓮ ꓙꓵ ꓡꓯ ꓙꓱ ꓟ꓾ ꓛꓳ ꓫꓱ ꓟ ꓠꓬ ꓞꓳ. ꓡꓰ ꓓꓴ ꓟꓽ ꓙꓳ꓾ ꓕꓲ ꓞꓲꓼ ꓕꓲ ꓑ ꓢꓯꓼ ꓟꓬ ꓫꓵꓼ ꓕꓲ ꓞꓲꓼ ꓕꓲ ꓑ ꓢꓲ ꓡꓲ, ꓗ, ꓛꓲ ꓟ ꓐꓰ ꓠꓵꓻ ꓠꓲ, ꓢꓯꓼ ꓟꓬ ꓔꓯ ꓪ ꓟꓶ ꓡ ꓟ ꓥ ꓡꓳ꓿
