10 ꓦ ꓟ 23 ꓠꓬꓲ 2025 ꓠꓽ ꓡꓲ.ꓠꓬꓲ ꓕꓯ ꓗ‐ꓛꓲ ꓗꓴꓷꓼ ꓫꓴꓻ꓾ ꓟꓲ‐ꓚꓲ‐ꓠ ꓢ‐ꓢꓶ‐ꓠ ꓘꓴꓽ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓟ. ꓒ ꓟ. ꓟ ꓐꓴ ꓐꓱ ꓶ ꓙꓴ‐ꓐꓲ‐ꓡꓲ ꓑꓮꓲꓽ ꓔꓯ ꓟꓲ‐ꓚꓲ‐ꓠ ꓔꓲꓺ ꓒ ꓓꓽ ꓬꓳ‐ꓦ ꓡ‐ꓢꓮꓟ ꓡꓰ ꓧꓳꓽ ꓪꓴ.ꓟꓴ ꓢꓲ ꓠꓬꓲ ꓢt.ꓡꓴꓗꓰ ꓰꓓꓲꓠ ꓗꓪ ꓬꓰ ꓖꓶ ꓗꓷ ꓟ ꓥ ꓡꓳ꓿
ꓙꓴ‐ꓐꓲ‐ꓡꓲ ꓑꓮꓲꓽ ꓠꓬ ꓗꓴꓷꓼ ꓫꓴꓻ ꓟꓲ‐ꓚꓲ‐ꓠ ꓢ‐ꓢꓶ‐ꓠ꓾ ꓐ‐ꓟꓮꓪ ꓢ‐ꓢꓶ‐ꓠ ꓐꓰ ꓡ‐ꓫꓬꓳ ꓢ‐ꓢꓶ‐ꓠ ꓘꓴꓽ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓟ. ꓒ ꓟ. ꓟ ꓐꓴ ꓮ ꓙꓵꓽ ꓐꓱ ꓶ ꓥ ꓡꓳ꓿
ꓔꓲꓺ ꓒ ꓓꓽ ꓬꓳ‐ꓦ ꓡ‐ꓢꓮꓟ ꓡꓰ ꓟꓲ‐ꓢ ꓔꓲꓺ ꓖꓶˍ ꓟ ꓙꓵ,ꓕꓯ ꓟ. ꓟꓲꓽ ꓚꓺ ꓗꓷ ꓟ ꓠꓬ꓾ ꓠꓲ,ꓠꓵˍ ꓟ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓟ. ꓒ ꓟ. ꓟ ꓐꓴꓳ꓾ ꓙꓴ‐ꓐꓲ‐ꓡꓲ ꓑꓮꓲꓽ ꓠꓬ ꓣꓳ ꓮ ꓙꓵꓽ ꓢꓴ ꓐꓱ ꓶ꓾ ꓣꓳ ꓔꓯ ꓢꓴ ꓡꓰ ꓛꓬ ꓡ ꓟ ꓝꓴꓲ. ꓔꓯ ꓖꓼ ꓖꓶ ꓠ, ꓟ ꓐꓱ ꓶ ꓥ ꓡꓳ꓿ ꓝꓮꓲ ꓕꓲ ꓣꓳ ꓛꓳꓽ ꓕꓲ ꓣꓳ ꓬꓰ ꓛꓬ ꓡꓰ ꓟ ꓝꓴꓲ.ꓔꓯ ꓖꓼ ꓖꓶ ꓡꓯꓽ ꓘꓳ, ꓠ, ꓟ ꓟ ꓣꓳ. ꓚꓵ.ˍ ꓟ ꓥ ꓡꓳ꓿
ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓟ. ꓒ ꓟ. ꓟ ꓐꓴ ꓮ ꓙꓵꓽ ꓠꓬ ꓪꓴ‐ꓢ ꓐꓱ ꓶ ꓕꓲ ꓤꓶꓻ ꓡꓱꓸꓼ ꓔꓯ ꓔꓲ ꓖꓶ ꓢꓴ ꓐꓴ ꓥ ꓟ ꓪꓴ. ꓠꓬꓲ ꓪꓴ‐ꓢ ꓡꓰ ꓶꓼ ꓥꓳꓽ ꓙꓱ ꓖꓶ ꓡ ꓓꓴ ꓙꓳ ꓡꓳ꓿ ꓝꓮꓲ ꓮ ꓟꓶ ꓣꓳ ꓔꓬ ꓟ ꓗꓴꓷꓼ ꓗꓪ ꓠꓲ, ꓫ. ꓟꓬ, ꓫ. ꓓꓴ ꓮ ꓟꓬ, ꓙꓳˍ ꓟ ꓙꓵ, ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓐꓱ ꓶ ꓪꓴ‐ꓢ ꓟꓬꓱꓽ ꓟꓯ ꓢꓴ ꓟ. ꓒ ꓟ. ꓟ ꓐꓴ ꓠꓬ ꓦꓻ ꓢꓯꓼ ꓪ ꓖꓶ ꓠ, ꓟ ꓮ ꓘꓶ. ꓛꓲ ꓣꓳ ꓚꓵ.ˍ ꓟ ꓥ ꓢꓲ ꓠꓬꓲ꓾ ꓘꓴ ꓜꓲꓼ ꓞꓳ ꓐꓱ ꓶ ꓥ ꓟꓲ ꓮ ꓘꓶ. ꓣꓳ ꓚꓵ. ꓢꓴ ꓐꓴ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓫ. ꓓꓴ ꓟꓷꓼ ꓓꓴ ꓙꓳˍ ꓥ ꓟꓲ ꓪꓴ‐ꓢ ꓐꓰ ꓙꓻ ꓡꓯꓽ ꓘꓳ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓓꓴ ꓬꓰ ꓡꓯ꓾ ꓐꓰ ꓢꓯꓼ ꓖꓶ ꓪꓽ ꓖꓶ ꓗꓷꓳ꓿
ꓙꓴ‐ꓐꓲ‐ꓡꓲ ꓑꓮꓲꓽ ꓗꓪ ꓔꓲꓺ ꓒ ꓓꓽ ꓐꓴ꓾ ꓔꓲꓺ ꓒ꓾ ꓔꓲꓺ ꓟ ꓐꓴ꓾ ꓗ‐ꓛꓲ ꓗꓴꓷꓼ ꓫꓴꓻ ꓔꓲꓺ ꓒ ꓙꓵꓽ ꓔꓶ. ꓮ ꓟꓬ, ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓟ. ꓒ ꓟ. ꓟ ꓐꓴ (400) ꓣꓳ ꓟ: ꓞꓲꓺ꓾ ꓝꓮꓲ ꓙꓲ‐ꓢꓴ ꓢꓲꓺ ꓤ ꓮ ꓟꓬ, ꓜꓲꓼ ꓡ ꓢꓲ ꓠꓬꓲ ꓑꓮꓲꓽ ꓔꓯ ꓗ, ꓛꓲ ꓛꓲ ꓬꓰ ꓗꓷꓳ꓿
ꓙꓴ‐ꓐꓲ‐ꓡꓲ ꓑꓮꓲꓽ ꓬꓰ ꓓꓳ ꓡꓰ ꓟ ꓙꓵ, ꓕꓯ ꓛꓲ ꓡ ꓟ ꓘꓳꓼ ꓗꓪ ꓪꓴ‐ꓢ ꓟꓬꓱꓽ ꓗꓪ ꓬꓰ ꓙ ꓔꓳ, ꓙ ꓢꓴ ꓟ. ꓒ ꓓꓽ ꓐꓴ ꓔꓯ ꓮ ꓡꓲ ꓐꓰ ꓢꓲ ꓠ, ꓟ ꓖꓪ ꓙꓱ ꓜꓲꓼ ꓓꓴ ꓥ ꓟꓲ ꓬꓰ ꓖꓶ ꓗꓷꓳ꓿
#catechistsjubilee#St.Luke #Edin
#Photos@Rvalisu
