ꓔꓲꓺ ꓒ ꓪ ꓔꓲ ꓡꓰꓳ(14) ꓠꓬ ꓬꓲ ꓪꓴ. ꓕꓲ ꓧꓪ, ꓟ ꓠꓱ. ꓐꓯꓼ ꓗꓴꓷꓼ ꓗꓪ ꓙꓰ ꓠ, ꓟ ꓐꓯ ꓑꓶ ꓗꓷ ꓟ ꓓꓳꓽ
10 ꓦ ꓟ 9 ꓠꓬꓲ 2025 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓓꓽ ꓪꓴ. ꓕꓲ ꓧꓪ, ꓟ ꓠꓱ. ꓐꓯꓼ ꓗꓴꓷꓼ ꓗꓪ ꓙꓰ ꓠ, ꓟ ꓐꓯ ꓑꓶ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓗꓴꓷꓼ ꓠꓬ ꓔꓴꓣꓗꓬꓰꓬ ꓐꓰ ꓡꓯ‐ꓐꓳ‐ꓠꓴ ꓗꓴꓷꓼ ꓥ ꓡꓳ ꓐꓰ ꓢꓷ. ꓪ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓟꓲ ꓠꓯ ꓢꓲ ꓡꓲ, ꓟꓶ ꓠ, ꓟ ꓔꓯ ꓮ ꓘꓶ. ꓛꓲ ꓢꓯꓼ ꓕꓵꓼ ꓢꓴ ꓕꓲ ꓣꓳ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓮ ꓟꓶ ꓬꓲ ꓔꓲꓺ ꓒ ꓪ ꓔꓲ ꓒꓬꓱꓼ ꓡ ꓗ. ꓠꓯ ꓬꓲ ꓪꓴ. ꓕꓲ ꓧꓪ, ꓙꓰ ꓗꓷ ꓟ ꓗꓴꓷꓼ ꓐꓴ ꓥ ꓡꓳ꓿ ꓬꓲ ꓠꓬ ꓟꓲ ꓠꓯ ꓢꓲ ꓡꓲ, ꓟꓶ ꓠ, ꓟ ꓐꓱ ꓶ ꓗꓴꓷꓼ ꓙꓵꓽ ꓢꓴ ꓢꓲꓽ ꓒꓽ ꓐꓴ ꓐꓰ ꓖꓪ ꓙꓱ ꓠ, ꓟ ꓙꓳ ꓟ ꓥ ꓡꓳ꓿
ꓴꓢꓮ ꓗꓴꓷꓼ ꓡ ꓞꓳ ꓕꓲ ꓣꓳ ꓠꓬ ꓔꓲꓺ ꓒ ꓪ ꓔꓲ ꓒꓬꓱꓼ ꓡ ꓢꓴ ꓥ ꓟ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓛꓲ ꓡ ꓟ 11 ꓦ ꓟ 27 ꓠꓬꓲ ꓗꓪ ꓐꓰ 30 ꓠꓬꓲ 2025 ꓘꓳꓼ ꓗꓪ ꓛꓲ ꓔꓴꓣꓗꓰꓬ ꓗꓴꓷꓼ ꓗꓪ ꓙꓰ ꓠ, ꓟ ꓥ ꓡꓳ꓿ ꓝꓮꓲ ꓡꓯ‐ꓐꓳ‐ꓠꓴ ꓗꓴꓷꓼ ꓗꓪ ꓛꓲ ꓠꓬ 11 ꓦ ꓟ 30 ꓠꓬꓲ ꓗꓪ ꓐꓰ 12 ꓦ ꓟ 2 ꓠꓬꓲ 2025 ꓘꓳꓼ ꓗꓪ ꓛꓲ ꓙꓰ ꓠ, ꓟ ꓙꓳ ꓡꓳ ꓐꓰ ꓐꓯ ꓔ ꓡꓳ꓿
ꓔꓲꓺ ꓒ ꓪ ꓔꓲ ꓠꓬ ꓕꓱ ꓠꓱ. ꓐꓯꓼ ꓗꓴꓷꓼ ꓗꓪ ꓙꓰ ꓗꓷ ꓟ ꓙꓵ, ꓕꓯ ꓮ ꓠꓱ ꓙꓲ‐ꓢꓴ ꓢꓲꓺ ꓤ ꓐꓴ ꓔꓬ ꓗꓷ ꓟ ꓔꓶ. ꓐꓰ ꓮ ꓠꓱ. ꓙꓲ‐ꓢꓴ ꓢꓲꓺ ꓤ ꓐꓴ ꓡꓰ ꓖꓪ ꓙꓱ ꓔ ꓟ ꓝꓲ ꓓꓴ ꓐꓴ ꓙꓵꓻ ꓠꓲ, ꓪꓽ ꓘꓴ ꓘꓶꓽ ꓬꓰ ꓔꓶ. ꓗꓪ ꓥ ꓟꓲ ꓙꓰ ꓠ, ꓟ ꓙꓳ ꓡꓳ ꓐꓰ ꓐꓯ ꓔ ꓡꓳ꓿
ꓝꓮꓲ ꓮ ꓠꓱ ꓙꓲ‐ꓢꓴ ꓢꓲꓺ ꓤ ꓐꓴ ꓡꓰ ꓬꓰ ꓗꓷ ꓟ ꓘꓴ ꓜꓲꓼ ꓞꓳ ꓠꓯꓼ ꓗꓪ ꓮ ꓘꓶ. ꓛꓲ ꓪꓴꓽ ꓡꓳ, ꓬꓰ ꓟ ꓠ‐ꓢꓲ ꓡꓳ ꓒꓱ ꓗꓪ ꓖꓪꓽ ꓙꓱ ꓜꓲꓼ ꓓꓴ ꓓꓽ ꓟ ꓬꓰ ꓗꓷ ꓟ ꓑꓮꓲꓽ ꓓꓽ ꓟ ꓦꓬꓼ ꓠꓬꓲ ꓟꓲ ꓥ ꓡꓳ꓿ ꓠ‐ꓢꓲ ꓡꓳ ꓒꓱ ꓗꓪ ꓬꓰ ꓗꓷ ꓟ ꓖꓪꓽ ꓙꓱ ꓜꓲꓼ ꓓꓴ ꓠꓬ ꓙꓲ‐ꓢꓴ ꓢꓲꓺꓤ ꓐꓴ ꓐꓱ ꓶ ꓝꓲ ꓓꓴ ꓐꓴ ꓙꓵꓻ ꓠꓲ, ꓪꓽ ꓘꓴ ꓘꓶꓽ ꓮ ꓘꓶ. ꓛꓲ ꓣꓳ ꓚꓵ, ꓟ ꓥ ꓡꓳ꓿
ꓮ ꓠꓱ ꓟꓽ ꓔꓱ ꓟ ꓟ. ꓟꓲ ꓚꓺ ꓢꓴ ꓥꓳꓽ ꓡꓰ ꓙꓵꓻ ꓠꓲ, ꓚꓱ,ꓔꓯ ꓗꓽ ꓕꓽ ꓗꓷ ꓟ ꓥ ꓡꓳ꓿ ꓮ ꓟꓶ ꓔꓲꓺ ꓒ ꓪ ꓔꓲ ꓙꓰ ꓠ, ꓟ ꓐꓯ ꓑꓶ ꓔ ꓟ ꓗꓴꓷꓼ ꓐꓴ ꓠꓬ ꓢꓲꓺ ꓒ ꓠꓯ, ꓗꓪ ꓬꓲꓼ ꓟꓶ ꓡꓰ ꓟ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓙꓰ ꓠ, ꓟ ꓬꓰ ꓔ ꓟ ꓗꓴꓷꓼ ꓐꓴ ꓥ ꓡꓳ ꓐꓰ ꓦꓮꓔꓲꓚꓮꓠ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
