ꓔꓲꓺ ꓒ ꓪ ꓔꓲ ꓡꓰꓳ (14) ꓡꓰ ꓟꓵꓽ ꓗꓳ. ꓓꓵ ꓓꓵ ꓗꓪ ꓔꓬ ꓟ ꓗꓴꓷꓼ ꓙꓵꓽ ꓢꓴ ꓢꓲꓽ ꓒꓽ ꓐꓴ ꓔꓯ ꓬꓲ‐ꓢꓷ‐ꓡꓰ ꓐꓰ ꓧꓮꓟꓮꓢ ꓐꓴ ꓢꓲ ꓡꓲ, ꓟꓶ ꓠ, ꓟ ꓬꓰ ꓙ ꓠ, ꓟ ꓓꓰꓽ ꓔ ꓟ ꓓꓳꓽ
10 ꓦ ꓟ 6 ꓠꓬꓲ 2025 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓟꓵꓽ ꓗꓳ. ꓓꓵ ꓓꓵ ꓗꓪ ꓔꓬ ꓟ ꓗꓴꓷꓼ ꓙꓵꓽ ꓢꓴ ꓢꓲꓺ ꓒ ꓐꓴ ꓔꓯ ꓬꓲ‐ꓢꓷ‐ꓡꓰ ꓐꓰ ꓧꓮꓟꓮꓢ ꓐꓴ ꓢꓲ ꓡꓲ, ꓟꓶ ꓠ, ꓟ ꓖꓪ ꓙꓱ ꓜꓲꓼ ꓓꓴ ꓬꓰ ꓐ ꓡ ꓠ, ꓟ ꓓꓰꓽ ꓔ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓢꓰꓼ ꓡꓯꓽ ꓘꓳ ꓔꓬ ꓟ ꓬꓲ‐ꓢꓷ‐ꓡꓰ ꓟꓯꓼ ꓐꓴ ꓐꓰ ꓧꓮꓟꓮꓢ ꓟꓯꓼ ꓜꓴꓻ ꓐꓴ ꓢꓲ ꓡꓲ, ꓟꓶ ꓠ, ꓟ ꓖꓪ ꓙꓱ ꓠ, ꓟ ꓙꓲ ꓟ ꓕꓲ ꓒꓳ, ꓗꓪ ꓙꓰ ꓔꓬ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓫ. ꓕꓱ ꓔ ꓡꓳ꓿
ꓮ ꓟꓶ ꓟ ꓙꓵ, ꓗꓪ ꓖ‐ꓜ ꓟꓵꓽ ꓗꓪ ꓟꓯꓼ ꓘꓰ, ꓟꓯꓼ ꓑꓬ ꓔꓬ ꓢꓴ ꓐꓴ ꓐꓱ ꓶ ꓜ ꓓꓴ ꓓꓳ ꓓꓴ ꓮ ꓘꓶ. ꓛꓲ ꓫ. ꓓꓴ ꓟꓷꓼ ꓓꓴ ꓗꓪ ꓛꓲ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓖ‐ꓜ ꓟꓵꓽ ꓗꓪ ꓑ ꓫꓬ ꓐꓴ ꓮ ꓟꓬ, ꓠꓬ ꓜ ꓓꓴ ꓓꓳ ꓐꓴ ꓐꓱ ꓶ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬ ꓐꓲ ꓓꓳ ꓢꓲ ꓠꓬꓲ ꓥꓴ ꓔꓬ ꓡꓳ ꓐꓰ ꓦꓮꓔꓲꓚꓮꓠ ꓗꓴꓷꓼ ꓗꓪ ꓛꓳ ꓡ ꓢꓴ ꓐꓴ ꓔꓲꓺ ꓒ ꓪ ꓔꓲ ꓡꓰ ꓫ. ꓕꓱ ꓔ ꓟ ꓥ ꓡꓳ꓿
ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓒꓲ‐ꓡꓲ‐ꓑꓲ ꓗꓴꓷꓼ ꓗꓪ ꓒꓬꓱꓼ ꓗꓷ ꓟ ꓟꓵꓽ ꓙꓴꓽ ꓙꓵ, ꓗꓷ ꓟ ꓪꓴ. ꓠꓬꓲ ꓠꓻ ꓓꓴ ꓡꓰ ꓢꓴ ꓐꓰ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓔꓬ ꓢꓴ ꓐꓴ ꓐꓰ ꓫꓵꓻ ꓡꓰ ꓢꓴ ꓐꓴ ꓮ ꓙꓵꓽ ꓐꓱ ꓶ ꓪꓽ ꓘꓴ ꓙ ꓖꓶ ꓔꓬ ꓡꓳ ꓐꓰ ꓫ. ꓕꓱ ꓔ ꓟ ꓥ ꓡꓳ꓿
ꓔꓲꓺꓒ ꓪ ꓔꓲ ꓡꓰ ꓮ ꓟꓶ ꓟ ꓙꓵ, ꓗꓪ ꓗꓴꓷꓼ ꓘꓴꓽ ꓗꓪ ꓟꓯꓼ ꓢꓰꓼ ꓡꓯꓼ ꓘꓳ ꓔꓬ ꓟ ꓪꓴ. ꓠꓬꓲ ꓫ. ꓔꓬ ꓢꓴ ꓟꓵꓽ ꓘꓳꓼ ꓒꓳ, ꓡ ꓟ ꓑꓶ. ꓓꓴ ꓫ. ꓔꓬ ꓢꓴ ꓐꓴ ꓮ ꓙꓵꓽ ꓐꓱ ꓶ ꓪꓽ ꓘꓴ ꓙ ꓖꓶ ꓔꓬ ꓡꓳ ꓐꓰ ꓫ. ꓕꓱ ꓔ ꓡꓳ ꓐꓰ (ꓦꓮꓔꓲꓚꓮꓠ ꓠꓰꓪꓢ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
