ꓠꓬꓲ. ꓠꓬꓲ ꓗꓪ ꓠꓬ ꓢꓲ ꓒ ꓬꓰ‐ꓢꓴ ꓠꓬ ꓟꓵꓽ ꓕꓲ ꓖ ꓗꓪ ꓪꓽ ꓘꓴ ꓔꓬ ꓕꓯ ꓬꓲ ꓛꓳꓽ ꓒꓯ, ꓐꓴ ꓡꓰ ꓪꓽ ꓘꓴ ꓟ. ꓖꓶ ꓡꓯ ꓐꓰ ꓶꓽ ꓓꓰ_ ꓟ ꓟ. ꓟꓲꓽ ꓥ ꓡꓳ꓾ ꓕꓱ ꓗꓪ ꓢꓲ ꓒ ꓬꓰ‐ꓢꓴ ꓡꓰ ꓪꓽ ꓘꓴ ꓘꓶꓽ ꓟ. ꓖꓶ ꓟ ꓗꓪ ꓥꓪ ꓠꓴꓽ ꓐ, ꓐꓽꓳ꓾ ꓐꓰ ꓘꓴ ꓔ ꓟ ꓥ ꓡꓳ꓿ ꓕꓱ ꓟ ꓠꓬ ꓪꓴ‐ꓢ ꓔꓯ ꓠꓲ, ꓡꓱ ꓢꓲ ꓠꓶꓽ ꓞ, ꓟ ꓐ, ꓐ ꓠꓬ ꓬꓲ ꓤ ꓠꓱ ꓤ ꓐꓴ ꓔꓯ ꓠꓲ, ꓠꓵꓻ ꓢꓲ ꓠꓬꓲ ꓙ ꓡꓳ. ꓙ ꓟ ꓔꓯ ꓟ. ꓖꓶ_ ꓡꓳ꓿ ꓣꓳ ꓐꓱ ꓶ ꓪꓽ ꓘꓴ ꓟ ꓠꓬ ꓟꓽ ꓙꓲ_ ꓟ ꓘꓶ ꓡꓶꓽ ꓓꓴ ꓗꓪ ꓐꓰ ꓪꓴ‐ꓢ ꓔꓯ ꓠꓲ, ꓡꓱ ꓢꓲ ꓙꓵꓻ ꓟ ꓥ ꓡꓳ꓿
ꓢꓲ ꓒ ꓬꓰ‐ꓢꓴ ꓟ. ꓖꓶ_ ꓟ ꓗꓪ ꓪꓴ‐ꓢ ꓢꓲ ꓫꓬ_ ꓟ ꓟꓬꓱ ꓔꓯ ꓒꓵꓽ ꓗꓴ. ꓠ, ꓟ꓾ꓠꓴ ꓗꓴꓷꓼ ꓓꓳ ꓡ ꓝꓲ ꓐꓰ ꓫꓱ. ꓖꓶ_ ꓟ꓾ ꓕꓱ ꓟ ꓓ ꓪꓴ. ꓥ ꓡꓳ꓿ ꓖꓳ ꓗ ꓠꓯ. ꓣꓳ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓐꓱ ꓶ ꓣꓱ ꓬꓯꓼ ꓟ ꓜ ꓓꓴ ꓔꓯ ꓶꓼ ꓓꓰ_ ꓟ꓾ ꓖꓳ ꓟ ꓡꓰ ꓐꓰ ꓪꓽ ꓘꓴ_ ꓕꓯ ꓣꓳ ꓠꓬ ꓣꓳ ꓚꓲ ꓛꓬ ꓝꓴꓲ ꓖꓽ ꓖꓶ_ ꓟ ꓡꓰ ꓐꓰ ꓠꓱ. ꓐꓯꓼ ꓢꓴ ꓔꓯ ꓥ ꓟꓲ ꓖꓽ ꓖꓶ ꓠ, ꓟ ꓶꓼ ꓓꓰ ꓠ, ꓟ ꓥ ꓡꓳ꓿ ꓪꓽ ꓘꓴ ꓟ ꓠꓬ ꓣꓳ ꓠꓯꓼ ꓗꓪ ꓘꓶꓽ ꓡꓶꓽ ꓡ ꓟ ꓤ, ꓠꓬꓲ ꓫꓵ ꓠꓬꓲ ꓡ ꓟ ꓗꓪ ꓐꓰ ꓗꓽ ꓕ ꓟꓶ ꓠ, ꓟ ꓪꓴ‐ꓢ ꓠꓯꓼ ꓗꓪ ꓡꓯꓼ ꓙꓱ ꓟ ꓥ ꓡꓳ꓿
ꓕꓱ ꓡꓱ ꓢꓲ ꓒ ꓬꓰ‐ꓢꓴ ꓡꓰ ꓟ. ꓖꓶ_ ꓟ ꓪꓽ ꓘꓴ ꓘꓶꓽ ꓠꓬ ꓙꓲ ꓢꓴ ꓢꓲ ꓤ ꓤꓶꓻ ꓐꓱ ꓶ ꓣꓳ. ꓚꓵ_ ꓟ ꓬꓲ. ꓚꓰ ꓓꓽ ꓟ ꓥ ꓡꓳ꓿ ꓪꓽ ꓘꓴ_ ꓟ ꓠꓬ ꓚꓲ ꓛꓬ ꓣꓱ ꓬꓯꓼ ꓟ ꓔꓯ ꓶꓽ ꓓꓰ_ ꓟ ꓡꓰ ꓟꓽ ꓞꓲ ꓪꓴ‐ꓢ ꓟꓬꓱꓺ ꓓꓳꓽ ꓔꓯ ꓫꓱ. ꓖꓶ_ ꓟ꓾ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓢꓯ. ꓔꓬ ꓟ ꓤꓶꓻ ꓗꓪ ꓠꓲ, ꓡꓱ_ ꓟ꓾ ꓖꓽ ꓖꓶ ꓟꓶ ꓠ, ꓟ꓾ ꓘꓶꓽ ꓡꓶꓽ ꓓꓴ ꓗꓪ ꓐꓰ ꓗꓽ ꓕ ꓖꓶ ꓡ ꓟ ꓥ ꓡꓳ꓿ ꓖꓳ ꓟ ꓑꓶ ꓓꓴ ꓪꓽ ꓘꓴ_ ꓟ ꓠꓬ ꓪꓴ‐ꓢ ꓐꓰ ꓣꓳ ꓠꓶꓽ ꓞ, ꓠ, ꓟ꓾ ꓙꓻ ꓡꓯꓼ ꓘꓳ ꓠ, ꓟ ꓫꓬ, ꓔꓶ ꓠ, ꓟ ꓬꓲ ꓙꓵ, ꓥ ꓡꓳ꓾
