ꓑꓴꓔꓮꓳ ꓖ‐ꓟꓶ‐ꓓꓰ ꓟꓵꓽ ꓗꓪ ꓟꓶ ꓦ ꓮ ꓟꓬ, ꓦ ꓗꓷ ꓢꓲ ꓠꓬꓲ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓑ ꓫꓬ ꓠꓬꓲꓽ ꓣꓳ ꓫꓵꓻ ꓡꓰ ꓟ ꓓꓳꓽ
9 ꓦ ꓟ 21 ꓠꓬꓲ 2025 ꓘꓳꓼ ꓕꓯ ꓑꓴꓔꓮꓳ ꓖ‐ꓟꓶ‐ꓓꓰ ꓟꓵꓽ ꓗꓪ ꓟꓶ ꓦ ꓮ ꓟꓬ, ꓦ ꓗꓷ ꓢꓲ ꓠꓬꓲ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓑ ꓫꓬ ꓠꓬꓲꓽ ꓣꓳ ꓫꓵꓻ ꓡꓰꓳ ꓐꓰ ꓢꓷ. ꓪ ꓡꓳ꓿ ꓕꓱ ꓡꓱ ꓗꓷ ꓡꓰ ꓟ ꓠꓬ 9 ꓦ ꓟ 15 ꓠꓬꓲ ꓕꓯ ꓖ‐ꓟꓶ‐ꓓꓰ ꓟꓵꓽ ꓟ‐ꓜ‐ꓘꓳ ꓘ, ꓒꓽ ꓕꓲ ꓗꓪ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓑ ꓫꓬ ꓠꓬꓲ ꓣꓳ ꓫꓵꓻ ꓡꓰ ꓟ ꓥ ꓡꓳ꓿
ꓫꓵꓻ ꓡꓰ ꓟ ꓑ ꓫꓬ ꓐꓴ ꓠꓬ ꓖ‐ꓟꓶ‐ꓓꓰꓽ ꓡꓳ ꓒꓱ ꓪ‐ꓢ ꓘ, ꓗꓪ ꓔꓬ ꓟ ꓞꓳ ꓪꓴꓽ ꓙꓬ‐ꓬꓳ‐ꓢ ꓥ ꓢꓲ ꓠꓬꓲ ꓬꓲ ꓞꓲꓼ (61) ꓘꓳꓼ ꓙꓳ ꓢꓴ ꓥ ꓢꓲ ꓠꓬꓲ ꓤ ꓠꓱ ꓤ (4) ꓣꓳ ꓐ, ꓐ ꓥ ꓡꓳ꓿
ꓬꓲ ꓪ ꓠꓬꓲꓽ ꓣꓳ ꓠꓬ ꓟꓵꓽ ꓗꓪ ꓒꓴ ꓫꓵ ꓒꓴ ꓙꓰ ꓧꓪ ꓝꓮꓲ ꓧꓪꓽ ꓥ ꓟꓲ ꓧꓪ ꓢꓴ ꓐꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓞꓳ ꓪꓴꓽ ꓙꓬ‐ꓬꓳ‐ꓢ ꓫꓵꓻ ꓟꓳ ꓔꓯ ꓠꓬ 9 ꓦ ꓟ 20 ꓠꓬꓲ ꓕꓯ ꓟꓳ ꓡꓰ ꓢꓲ ꓠꓬꓲ ꓬꓲ ꓛꓳ ꓒꓯ, ꓫꓵꓻ ꓟꓳ ꓔꓯ ꓠꓬ ꓟꓽ ꓟꓳ ꓢꓲ ꓐꓰ ꓢꓷ. ꓪ ꓡꓳ꓿
ꓑꓴꓔꓮꓳ ꓟꓵꓽ ꓗꓪ ꓠꓬ ꓗꓳ. ꓗꓷ ꓟ ꓠꓬꓲꓽ ꓫꓵꓽ ꓠꓽ ꓘꓴꓽ ꓗꓪ ꓟꓶ ꓦ ꓮ ꓟꓬ, ꓦ ꓡ ꓢꓲ ꓠꓬꓲ ꓬꓲꓻ ꓙꓬ ꓮ ꓟꓬ, ꓙꓵꓽ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓬꓰ ꓔ ꓟ ꓓꓲ‐ꓟꓲ ꓮ ꓟꓬ ꓥ ꓟꓲ ꓐꓬ ꓡꓰ ꓟ ꓥ ꓡꓳ꓿ ꓖꓳ ꓡꓰ ꓥ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓡ ꓓꓴ ꓙꓳ ꓡꓳ ꓐꓰ ꓫ. ꓕꓱ ꓔ ꓟ ꓥ ꓡꓳ꓿
