ꓙꓲꓻ ꓫꓬ ꓢꓴ Gertrude ꓑꓮꓲ꓿
ꓙꓲꓻ ꓫꓬ ꓢꓴ Gertrude ꓔꓯ 1256 ꓘꓳꓼ ꓕꓯ Germany ꓗꓴꓷꓼ Eisleben ꓡꓳ ꓒꓱ ꓗꓪ ꓬꓲ ꓔꓯ ꓦꓵꓻ ꓗꓷꓳ꓿ ꓬꓲ ꓠꓬ Rodalsdorf ꓡꓳ ꓒꓱ ꓗꓪ ꓙꓳ ꓟ Cistercian ꓔꓲꓺ ꓟ ꓜꓴꓼ ꓗꓪ ꓐꓰ ꓟꓲ ꓠꓯ ꓢꓷ. ꓠꓲ, ꓢꓳ ꓣꓳ ꓟꓶ ꓡꓰꓳ꓿ ꓙꓲꓻ ꓫꓬ ꓢꓴ Gertrude ꓢꓷ. ꓠꓲ, ꓔꓯ ꓢꓳ ꓠ, ꓟ ꓓꓴ ꓙ ꓗꓷꓳ꓿ ꓬꓲ ꓞꓲꓼ 26 ꓘꓳꓼ ꓕꓯ ꓢꓲꓺ ꓒ ꓬꓰ‐ꓢꓴ ꓡꓰ ꓢꓲ ꓡꓲ ꓓꓴ ꓟꓳ. ꓖꓶ ꓗꓷꓳ꓿ ꓙꓲꓻ ꓫꓬ ꓢꓴ Gertrude ꓠꓬ ꓪꓴ‐ꓢ ꓔꓯ ꓮ ꓟꓬ ꓪꓽ ꓘꓴ ꓢꓴ ꓥ ꓡꓳ꓿ ꓬꓲ ꓠꓬ ꓢꓲꓽ ꓫꓬ ꓕꓳ ꓶ ꓐꓰ ꓘꓴ ꓜꓲꓼ ꓞꓳ ꓟ. ꓘꓶ ꓕꓳ ꓶ ꓔꓯ ꓢꓳ ꓣꓴ ꓟꓶ ꓡꓰꓳ꓿
ꓙꓲꓻ ꓫꓬ Gertrude ꓠꓬ ꓮ ꓟꓬ ꓪꓽ ꓘꓴ ꓟ ꓪꓴ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓡꓰ ꓢꓲ ꓡꓲ ꓓꓴ ꓮ ꓟꓬ ꓧꓪ. ꓟꓳ ꓖꓶ ꓗꓷꓳ꓿ ꓬꓲ ꓠꓬ ꓕꓳ ꓶ ꓮ ꓟꓬ, ꓐꓳ ꓢꓴ ꓟꓲ ꓥ ꓡꓳ꓿ ꓬꓲ ꓡꓰ ꓐꓳ ꓔ ꓟ ꓕꓳ ꓶ ꓗꓪ ꓢꓲꓺ ꓒ ꓬꓰ‐ꓢꓴ ꓔꓯ ꓪꓽ ꓘꓴ ꓢꓲ ꓠꓬꓲ ꓙ ꓫꓱ ꓠ, ꓟ ꓐꓳ ꓖꓶ ꓔ ꓡꓳ꓿ ꓙꓲꓻ ꓫꓬ ꓢꓴ Gertrude ꓠꓬ ꓬꓲ ꓞꓲꓼ 45 ꓘꓳꓼ 1301 ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ ꓬꓰꓳ꓿
