ꓮ ꓙꓵꓽ ꓢꓴ ꓔꓯ ꓧꓪ. ꓧꓪꓸꓼ꓾ ꓠꓬꓲ. ꓠꓬꓲ ꓠꓬ ꓐ, ꓐ ꓪꓴ‐ꓢ ꓔꓯ ꓫꓱ.ˍ ꓟ ꓤ ꓠꓱ ꓪꓴ‐ꓢ ꓤ ꓠꓱ ꓐꓯˍ ꓟ ꓮ ꓡꓲ ꓫꓵꓽ ꓥ ꓡ꓾ ꓐꓯˍ ꓟ ꓔꓯ ꓢꓷ. ꓡꓰ ꓠ, ꓟ ꓐꓱ ꓶ ꓡꓴ‐ꓘ 6ꓽ 27‐38 ꓗꓪ ꓟ ꓪꓴ‐ꓢ ꓐꓯ ꓘꓶꓽ ꓗꓪ ꓐꓰ ꓣꓳ ꓦ ꓢꓯꓼ ꓣꓴ ꓓꓴ ꓥꓳ꓿
ꓠꓬꓲ. ꓠꓬꓲ ꓟ ꓟ. ꓟꓲꓽ ꓝꓲ. ꓗꓪ ꓠꓬ ꓢꓲ ꓒ ꓬꓰ‐ꓢꓴ ꓡꓰ꓾ ꓠꓴ ꓪ ꓔꓯ ꓛꓴꓽ ꓙꓳ ꓢꓴ ꓔꓯ ꓠꓲ, ꓠꓵ꓾ ꓠꓴ ꓪ ꓔꓯ ꓠꓲ, ꓜꓳ ꓢꓴ ꓔꓯ ꓙꓲꓻˍ ꓟ ꓬꓰ ꓖꓶ꓾ ꓠꓴ ꓪ ꓔꓯ ꓙꓱꓽ ꓢꓴ ꓔꓯ ꓶꓼ ꓥꓳꓽ ꓙꓱꓽ ꓖꓶ꓿ ꓠꓴ ꓪ ꓔꓯ ꓘꓶ ꓙꓵ ꓢꓴ ꓐꓱ ꓶ ꓥˍ ꓟꓲ ꓪꓽ ꓘꓴ ꓙ꓿ ꓠꓴ ꓒꓬꓱꓽ ꓟꓬ ꓕꓱ ꓕꓲ ꓒꓳ, ꓗꓪ ꓓꓶꓽ ꓢꓴ ꓔꓯ ꓖꓳ ꓕꓲ ꓒꓳ, ꓔꓯ ꓟꓳ. ꓖꓶ꓿ ꓐꓵ ꓞꓶꓽ ꓕꓯꓽ ꓢꓲ ꓕꓲ ꓘꓳ, ꓟ ꓔꓯ ꓦꓴ ꓡ ꓢꓴ ꓔꓯ ꓠꓬ ꓠꓯꓸꓼ ꓘꓪ ꓕꓲ ꓘꓳ, ꓟˍ ꓟꓲ ꓟꓽ ꓖꓶ ꓐꓰ ꓕꓽ ꓬꓰ꓾ ꓐꓰ ꓐꓯˍ ꓟ ꓥ ꓡꓳ꓿ ꓠꓲ, ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓠꓬꓲ. ꓠꓬꓲ ꓣꓳ ꓠꓬ ꓪꓴ‐ꓢ ꓤ ꓠꓱ꓾ ꓪꓴ‐ꓢ ꓦ ꓡꓱ ꓢꓴ꓾ ꓐ, ꓐ ꓪꓴ‐ꓢ ꓤ ꓠꓱ꓾ ꓐꓰ ꓕꓱ ꓡꓱ ꓐꓯ ꓔꓬ ꓡꓳ꓿ ꓖꓳ ꓡꓱ ꓐꓯ ꓥ ꓟꓲ ꓣꓳ ꓠꓬ ꓐ, ꓐ ꓤ ꓠꓱ ꓐꓰ ꓐꓯ ꓢꓲ ꓪꓽ ꓘꓴ ꓦꓲ ꓗꓪ ꓙꓰ ꓔꓬ ꓕꓲ ꓖꓼ꓾ ꓪꓴ‐ꓢ ꓔꓯ ꓓꓳ ꓟꓴ ꓫꓱ. ꓖꓶ ꓕꓲ ꓖꓼ ꓟꓽ ꓥ꓿ ꓐ, ꓐ ꓔꓯ ꓫꓱ. ꓢꓴ ꓠꓬ ꓮ ꓡꓲ ꓥ ꓡ ꓐꓯˍ ꓟ ꓧꓶ. ꓕꓯ ꓢꓲ ꓒ ꓬꓰ‐ꓢꓴ ꓐꓯ ꓟ. ꓖꓶ ꓡˍ ꓟ ꓕꓲ ꓡꓰ, ꓐꓰ ꓣꓳ ꓔꓯ ꓛꓴꓽ ꓙꓳ ꓢꓴ ꓔꓯ ꓥˍ ꓟꓲ ꓣꓳ ꓠꓲ, ꓠꓵ ꓠ ꓔˍ ꓟ ꓥ ꓡꓳ꓿ ꓣꓳ ꓔꓯ ꓠꓲ, ꓜꓳ ꓢꓴ ꓔꓯˍ ꓟꓲ ꓙꓲˍ ꓟ ꓬꓰ ꓖꓶ ꓠ, ꓟ ꓥꓳ꓿ ꓣꓳ ꓔꓯ ꓙꓱꓽ ꓢꓴ ꓔꓯˍ ꓟꓲ ꓶꓼ ꓥꓳꓽ ꓙꓱꓽ ꓖꓶ ꓠ, ꓟ ꓥꓳ꓿ ꓣꓳ ꓔꓯ ꓘꓶꓻ ꓙꓵ ꓢꓴ ꓔꓯˍ ꓟꓲ ꓪꓽ ꓘꓴ ꓙ ꓠ, ꓟ ꓥꓳ꓿ ꓕꓱ ꓟ ꓠꓬ ꓣꓳ ꓔꓱ, ꓚꓵˍ ꓟ ꓪꓴ‐ꓢ ꓦ ꓡꓱ ꓢꓴ ꓕꓲ ꓣꓳ ꓔꓳ, ꓜꓳꓽ ꓠ ꓔˍ ꓟ ꓡꓯꓼ ꓐꓳ ꓔꓶ. ꓓꓴ ꓑꓱ. ꓠ, ꓟ ꓕꓱ ꓟ ꓥꓳ꓿
