ꓙꓰꓣꓴꓢꓮꓡꓰꓟ ꓗꓪ ꓐꓰ ꓡꓮꓔꓲꓠ ꓐꓰ ꓖꓣꓰꓰꓗ ꓳꓣꓔꓧꓳꓓꓳꓫ ꓙꓵꓻ ꓠꓲꓹ ꓪꓴꓸ ꓓꓵ ꓣꓱ ꓢꓴ ꓐꓴ ꓠꓬ ꓡꓳꓹ ꓬꓰ ꓟ 8 ꓦ 26 ꓠꓬꓲ ꓕꓯ ꓖꓮꓜꓮ ꓢꓲ ꓡꓲꓹ ꓗꓹ ꓛꓲ ꓠꓹ ꓟ ꓐꓱ ꓶ ꓕꓲ ꓪ ꓐꓯ ꓑꓶ ꓗꓷ ꓟ ꓥꓳ= ꓮ ꓡꓰ ꓫꓵ ꓚꓱꓹ ꓗꓪ ꓐꓰ ꓥ ꓟꓲ ꓝꓴꓲ ꓟꓽ ꓙꓳ ꓢꓴ ꓑ ꓫꓬ ꓐꓴ ꓔꓯ ꓬꓲ ꓔꓶꓻ ꓙꓱꓼ ꓙꓳ ꓙꓳ ꓡꓰ ꓬꓲ ꓜꓴ ꓬꓲ ꓟꓯꓼ ꓔꓯ ꓬꓲ ꓪ ꓔꓬ ꓔꓶꓸ ꓗꓪ ꓐꓰ ꓚꓵꓸ ꓙꓰ ꓡꓰ ꓝꓲ_ ꓟ ꓔꓯ ꓐꓯ ꓔꓳꓹ ꓖꓶ ꓟ ꓥ ꓡꓳ=
ꓕꓱ ꓟ ꓔꓯ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓠꓬ 8 ꓦ ꓟ 22 ꓠꓬꓲ ꓠꓽ ꓥꓪꓽ ꓠꓬꓲ ꓕꓯ ꓢꓲ ꓡꓲꓹ ꓠꓹ ꓟ ꓐꓱ ꓶ ꓪꓽ ꓘꓴ ꓟ꓾ ꓜ ꓚꓵꓸ ꓚꓵꓸ ꓠꓹ ꓟ ꓢꓯꓼ ꓖꓶ ꓢꓲ ꓠꓬꓲ ꓗꓴꓷꓼ ꓢꓰꓼ ꓡꓯꓼ ꓘꓳ ꓓꓴ ꓗꓪ ꓐ ꓔꓬ ꓟ ꓟꓵꓽ ꓗꓳ ꓓꓵ ꓓꓵ ꓗꓪ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓧꓳꓡꓬ ꓡꓮꓠꓓ ꓗꓪ ꓒꓬꓱꓼ ꓔꓬ ꓟ ꓗꓴꓷꓼ ꓫꓵ ꓪꓴ ꓔꓯ ꓢꓰꓼ ꓡꓯ ꓘꓳ ꓓꓴ ꓔꓯ ꓠꓽ ꓗꓷ ꓠꓹ ꓟ꓾ ꓑ ꓫꓬ ꓐꓴ ꓙꓳꓺ ꓔꓬ ꓟ꓾ ꓐꓬ ꓡꓰ ꓓꓴ ꓟꓬ ꓔꓬ ꓟ꓾ ꓫꓵꓻ ꓡꓰ ꓢꓴ ꓐꓴ ꓟꓬ ꓔꓬ ꓟ ꓑꓶ ꓓꓴ ꓠꓽ ꓡꓰ ꓠꓹ ꓟ꓾ ꓟꓲ ꓠꓯ ꓡ ꓞꓳ ꓞꓳ ꓙꓳ ꓗꓴꓸ_ ꓟ ꓠꓲꓹ ꓟ ꓔꓯ ꓫꓵ ꓪꓴ ꓗꓷ ꓔꓬ ꓟ ꓖꓮꓜꓮ ꓗꓪ ꓙꓳ ꓡꓰ ꓠꓹ ꓟ꓾ ꓑ ꓫꓬ ꓐꓴ ꓬꓲ ꓪ ꓢꓯꓼ ꓟꓬ ꓔꓯ ꓗꓽ ꓕ ꓖꓶ ꓠꓹ ꓟ ꓐꓯ ꓑꓶ ꓗꓷ ꓟ ꓥꓳ=
