ꓑꓴꓣꓖꓮꓔꓳꓣꓬ ꓐꓰ ꓐꓯ_ ꓟ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓠꓯꓼ ꓘꓴꓽ ꓗꓪ ꓞꓳ ꓤ ꓕꓲ ꓣꓳ ꓫꓵꓻ ꓗꓷ ꓗ ꓠꓯꓸ ꓬꓲ ꓔꓯ ꓢꓲ ꓫꓬ ꓖꓶ ꓖꓴ ꓪꓴ-ꓢ ꓔꓯ ꓟꓽ ꓟꓳ ꓟꓲ ꓕꓯ ꓗꓪ ꓬꓲ ꓘꓳ ꓗꓳꓸ ꓠ ꓔ ꓟ ꓬꓲ ꓔꓶꓸ ꓕꓲ ꓔꓶꓸ ꓚꓱꓹ ꓔꓯ ꓐꓯ ꓟꓳꓸ ꓖꓶ ꓡ ꓥꓳ=
ꓣꓳ ꓞꓳ ꓤ ꓮ ꓙꓵ ꓠꓬ ꓟꓲ ꓠꓯ ꓕꓱ ꓟ ꓗꓪ ꓒꓬꓱ ꓟꓳ ꓡ ꓟ ꓙꓵꓹ ꓫꓵꓻ ꓕꓲ ꓛꓱ ꓗꓪ ꓙꓰ ꓔꓬ ꓟ ꓞꓳ ꓤ ꓥ ꓡꓳ= ꓖꓳ ꓟ ꓘꓴ ꓗꓪ ꓢꓲ ꓒ ꓬꓰ-ꓢꓴ ꓬꓲ ꓣꓳ ꓔꓯ ꓫꓱꓸ ꓤ ꓟ ꓡꓰ ꓐꓰ ꓙꓵꓻ ꓠꓲꓹ ꓕꓲ ꓟ ꓔꓯ ꓟꓶ ꓡꓰ ꓗ ꓠꓯ ꓢꓲ ꓒ ꓬꓰ-ꓢꓴ ꓔꓯ ꓣꓳ ꓙꓵꓻ ꓡ꓾ꓳ= ꓢꓲ ꓒ ꓬꓰ-ꓢꓴ ꓔꓯ ꓣꓳ ꓢꓷꓸ ꓡꓰꓳ꓾ꓖꓳ ꓡꓱ ꓥ ꓟꓲ ꓣꓳ ꓫꓵꓻ ꓕꓯ ꓣꓳ ꓠꓬ ꓮ ꓙꓵ ꓡꓱꓼ ꓢꓲ ꓫꓬ ꓫꓵ ꓟꓽ ꓥ꓾ ꓞꓳ ꓤ ꓐꓯ_ ꓟ ꓠꓬ ꓕꓲ ꓑꓹ ꓟꓽ ꓦ ꓬꓲ ꓚꓰ ꓬꓲ ꓪꓴꓸ ꓝꓴꓲ ꓗꓪ ꓐꓰ ꓥꓶ_ ꓟ ꓓꓵ ꓙ_ ꓟ꓾ ꓣꓳ ꓟꓷꓼ ꓠꓷꓹ ꓘꓶꓽ ꓗꓪ ꓐꓰ ꓣꓳ ꓓꓵ ꓙ ꓚꓱꓹ ꓗꓪ ꓐꓰ ꓕꓲ ꓫꓵ ꓟꓽ ꓥ ꓕꓲ ꓫꓵ ꓕꓲ ꓑꓹ ꓟꓽ ꓦ ꓣꓳ ꓠꓬ ꓝꓴꓲ ꓠꓯꓼ ꓘꓴ ꓗꓪ ꓛꓲ ꓕꓲ ꓔꓬ ꓡꓳ= ꓥ ꓡꓳ꓾ ꓣꓳ ꓮ ꓙꓵ ꓠꓬ ꓝꓴꓲ ꓔꓯ ꓟꓶ ꓡꓰꓳ꓾ ꓖꓳ ꓡꓱ ꓐꓯ ꓥ ꓟꓲ ꓣꓳ ꓠꓲꓹ ꓟ ꓠꓯꓼ ꓘꓴ ꓗꓪ ꓓꓹ ꓟ ꓝꓴꓲ ꓔꓯ ꓟꓳꓸ ꓥꓳ ꓓꓹ ꓟ ꓠꓲꓹ ꓟ ꓙꓳ_ ꓢꓰ ꓡꓳ=ꓙꓲ_ ꓟ ꓢꓷꓸ ꓟꓽ ꓞꓲ ꓟꓽ ꓙꓲ ꓟ ꓔꓯ ꓠꓲꓹ ꓫꓵ_ ꓡꓳ= ꓢꓲ ꓫꓬ ꓟ ꓢꓷꓸ ꓟꓽ ꓞꓲ ꓟꓽ ꓢꓲ ꓫꓬ ꓟ ꓔꓯ ꓠꓲꓹ ꓫꓵ_ ꓡꓳ=ꓖꓳ ꓡꓱ ꓠꓬꓲ ꓞꓳ ꓤ ꓕꓲ ꓣꓳ ꓫꓵꓻ ꓕꓯ ꓬꓲ ꓠꓬ ꓢꓲ ꓒ ꓬꓰ-ꓢꓴ ꓔꓯ ꓙꓵꓻ ꓥ ꓟꓲ ꓮ ꓙꓵ ꓡꓱꓼ ꓕꓲ ꓠꓲꓹ ꓟ ꓡꓱꓼ ꓟꓽ ꓢꓲ ꓫꓬ ꓓ ꓟ ꓑꓶ ꓓꓴ ꓢꓲ ꓫꓬ ꓓꓰ ꓡꓰ_ ꓟ꓾ ꓪꓴ-ꓢ ꓔꓯ ꓟꓳ ꓠꓹ ꓟ ꓐꓱ ꓶ ꓬꓲ ꓠꓬ ꓬꓲ ꓚꓲ ꓛꓬ ꓬꓲ ꓞꓲ ꓠ ꓗꓷ ꓫꓵ ꓬꓲ ꓔꓶꓸ ꓕꓲ ꓔꓶꓸ ꓙꓳ_ ꓡꓳ=ꓖꓳ ꓟ ꓠꓬ ꓑꓴꓣꓖꓮꓔꓳꓣꓬ ꓐꓰ ꓐꓯ_ ꓟ ꓢꓲ ꓫꓬ ꓔꓶꓸ ꓥ ꓡꓳ=
ꓖꓳ ꓡꓱ ꓠꓬꓲ ꓣꓳ ꓠꓬ ꓢꓲ ꓒ ꓬꓰ-ꓢꓴ ꓔꓯ ꓙꓵꓻ ꓟ ꓗꓪ ꓐꓰ ꓝꓴꓲ ꓟꓶ ꓡꓰꓳ= ꓖꓳ ꓡꓱ ꓥ ꓟꓲ ꓬꓲ ꓔꓶꓸ ꓕꓲ ꓟ ꓙꓳ ꓢꓰ ꓡꓳ꓾ ꓐꓯ_ ꓟ ꓣꓳ ꓢꓷꓸ ꓠ ꓗ ꓡꓳ= ꓣꓳ ꓮ ꓙꓵ ꓝꓴꓲ ꓠꓬ ꓢꓲ ꓒ ꓬꓰ-ꓢꓴ ꓔꓯꓹ ꓙꓰꓳ= ꓖꓳ ꓡꓱ ꓥ ꓟꓲ ꓣꓳ ꓬꓰ ꓟ ꓖꓝꓴꓲ ꓠꓬ ꓪꓴ ꓪꓴ ꓣꓳ ꓣꓳꓺ ꓝꓮꓲ ꓕꓲ ꓧꓪꓹ ꓪꓽ ꓒꓵꓽ ꓝꓱꓹ ꓠ ꓔ ꓡꓳ=ꓞꓳ ꓤ ꓕꓲ ꓣꓳ ꓫꓵꓻ ꓕꓯ ꓗ ꓠꓯꓸ ꓢꓲ ꓗꓪ ꓔꓬ ꓢꓴ ꓪꓽ ꓘꓴ ꓙ ꓖꓶ ꓠꓬ ꓙꓲ_ ꓡꓳ꓾ ꓐꓰ ꓘꓴ ꓜꓲꓼ ꓞꓳ ꓗꓪ ꓐꓰ ꓟꓳꓸ ꓖꓶ ꓡ ꓡꓳ꓾ꓮ ꓫꓵ ꓑꓶ ꓓꓴ ꓥ ꓡ꓾ ꓬꓲ ꓐꓱ ꓶ ꓪꓽ ꓘꓴ ꓙ ꓔꓬ ꓟ꓾ ꓬꓲ ꓐꓱ ꓶ ꓓꓰꓽ ꓙ ꓖꓶ_ ꓟ ꓠꓬ ꓮ ꓘꓶꓸ ꓙꓲ_ ꓫꓵ ꓥ ꓡꓳ ꓐꓰ ꓘꓴ ꓜꓲꓼ ꓞꓳ ꓗꓪ ꓐꓰ ꓟꓳꓸ ꓖꓶ ꓡ ꓡꓳ=ꓖꓳ ꓡꓱ ꓠꓬꓲ ꓣꓳ ꓕꓲ ꓣꓳ ꓛꓳ ꓕꓲ ꓣꓳ ꓪꓽ ꓘꓴ ꓙ ꓖꓶ ꓢꓲ ꓠꓬꓲ ꓚꓲ ꓛꓬ ꓐꓱ ꓶ ꓡꓰ ꓟꓽ ꓞꓲ ꓫꓵꓻ ꓡꓰ ꓢꓴ ꓐꓴ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓖꓶ ꓓꓴ ꓬꓰ ꓡꓯ=
