ꓟꓬ˗ꓟ ꓗꓴꓷꓼ ꓗꓪ ꓐꓰ Singapore ꓗꓴꓷꓼ ꓗꓪ ꓛꓲ ꓔꓬ ꓟ ꓞꓳ ꓡꓯ. ꓐꓴ ꓓꓽ ꓪꓴ. ꓕꓲ ꓧꓪ, ꓟ ꓢꓳꓻ ꓜꓲꓼ ꓓꓴ ꓬꓰ ꓟ

8 ꓦ ꓟ 9 ꓠꓬꓲ ꓐꓰ 10 ꓠꓬꓲ 2025 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓗꓪ ꓐꓰ ꓢꓲꓠꓖꓮꓑꓳꓣꓰ ꓗꓴꓷꓼ ꓗꓪ ꓛꓲ ꓔꓬ ꓟ ꓞꓳ ꓡꓯ. ꓐꓴ ꓐꓱ ꓶ ꓓꓽ ꓪꓴ. ꓕꓲ ꓧꓪ, ꓟ ꓢꓳꓻ ꓜꓲꓼ ꓓꓴ ꓔꓯ ꓬꓰ ꓗꓷ ꓐꓰ ꓢꓷ. ꓪ ꓡꓳ꓿ ꓕꓱ ꓢꓳꓻ ꓜꓲꓼ ꓓꓴ ꓔꓯ ꓢꓲꓠꓖꓮꓑꓳꓣꓰ ꓗꓪ ꓛꓲ ꓔꓬ ꓟ ꓞꓳ ꓡꓯ. ꓐꓴ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓬꓰ ꓗꓷ ꓟ ꓥ ꓡꓳ꓿

ꓞꓳ ꓢꓳꓻ ꓜꓲꓼ ꓓꓴ ꓗꓪ ꓞꓳ ꓡꓯ. (200) ꓣꓳ ꓢꓳꓻ ꓗꓷ ꓢꓲ ꓠꓬꓲ ꓟꓶ‐ꓡ‐ꓫ ꓗꓴꓷꓼ ꓗꓪ ꓛꓲ ꓔꓬ ꓟ (ꓟꓚꓚꓟ) ꓞꓳ ꓡꓯ. ꓐꓴ ꓥ ꓟꓲ ꓐ ꓗꓷꓳ ꓐꓰ ꓢꓷ. ꓪ ꓡꓳ꓿ ꓞꓳ ꓡꓯ. ꓐꓴ ꓐꓱ ꓶ ꓦꓻ ꓢꓯꓼ ꓪ ꓖꓶ ꓢꓴ ꓠꓬ ꓔꓲꓺ ꓒ ꓙꓳꓢꓰꓑꓧ꓾ ꓔꓲꓺ ꓒ ꓑꓮꓢꓚꓧꓮꓡ ꓐꓴ ꓡꓰ ꓟ. ꓖꓶ ꓗꓷ ꓟ ꓥ ꓡꓳ꓿

ꓕꓱ ꓢꓳꓻ ꓜꓲꓼ ꓓꓴ ꓗꓪ ꓞꓳ ꓡꓯ. ꓐꓴ ꓘꓴ ꓜꓲꓼ ꓞꓳ ꓗꓪ ꓮ ꓡꓰ ꓒꓬꓱꓼ ꓠꓲ, ꓫꓵˍ ꓟ ꓐꓰ ꓠꓻ ꓠꓬꓲ ꓠꓲ, ꓫꓵˍ ꓟ ꓚꓱ, ꓮ ꓟꓬ, ꓫꓵꓽ ꓔꓯ ꓔꓲꓺ ꓒ ꓐꓴ ꓡꓰ ꓐꓯ ꓟ. ꓖꓶ ꓗꓷ ꓟ ꓥ ꓡꓳ꓿ ꓝꓮꓲ ꓔꓲꓺ ꓟ ꓖꓳꓣꓰꓔꓔꓲꓰ ꓐꓰ ꓔꓲꓺ ꓟ ꓰꓡꓲꓜꓮꓐꓰꓔꓧ ꓐꓴ ꓡꓰ ꓥ ꓟꓲ ꓞꓳ ꓡꓯ. ꓐꓴ ꓔꓯ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓗ, ꓛꓲ ꓛꓲ ꓡꓰ ꓢꓳꓻ ꓜꓲꓼ ꓓꓴ ꓔꓯ ꓬꓰ ꓗꓷ ꓐꓰ ꓢꓷ. ꓪ ꓡꓳ꓿