ꓮꓓ (50) ꓘꓳꓼ ꓗꓪ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓪꓴ‐ꓢ ꓐꓯ ꓘꓶꓽ ꓕꓯ ꓚꓺ ꓟꓲ. ꓖꓶ ꓟ ꓚꓱ, 2 ꓕꓱ (Church history)
ꓙꓲꓻ ꓫꓬ ꓢꓴ Anicetus ꓔꓯ ꓣꓳ‐ꓟ ꓟꓯꓼ ꓐꓴ ꓡꓰ ꓙꓵꓻ ꓠꓲ, ꓑꓶ. ꓓꓴ ꓢꓰꓼ ꓠ, ꓟ ꓣꓳ‐ꓟ ꓡꓳ ꓒꓱ ꓗꓪ ꓛꓲ ꓟ ꓙꓵ, ꓕꓯ ꓙꓲꓻ ꓫꓬ ꓢꓴ ꓢꓴ ꓮꓠꓲꓚꓰꓔꓴꓢ ꓠꓬ ꓞꓲꓼ ꓮ ꓟꓬ, ꓪꓴꓽ ꓟ ꓥ ꓡꓳ꓿ ꓬꓲ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ ꓟ. ꓖꓶ ꓠ, ꓟ ꓕꓳ ꓶ (7) ꓑꓬ ꓐꓳ ꓖꓶ ꓗꓷ ꓟ ꓥ ꓡꓳ꓿ ꓕꓱ ꓕꓳ ꓶ ꓘꓴꓽ ꓗꓪ ꓔꓲꓺ ꓒ ꓓꓽ ꓐꓴ ꓠꓬ ꓮ ꓡꓰ ꓐꓰ ꓪꓴ‐ꓢ ꓟꓬꓱꓽ ꓗꓪ ꓙꓵꓽ ꓪ ꓙꓳ ꓟ ꓚꓱ, ꓔꓯ ꓬꓲ ꓟ. ꓟꓲꓽ ꓔꓯ ꓐꓳ ꓖꓶ ꓔ ꓟ ꓕꓳ ꓶ ꓥ ꓡꓳ꓿
ꓢꓲꓺ ꓒ ꓬꓰ‐ꓢꓴ ꓔꓬ ꓟ ꓔꓶ. ꓓꓴ ꓘꓴ ꓜꓲꓼ ꓞꓳ ꓔꓬ ꓟ ꓡꓰ ꓐꓰ ꓔꓲꓺ ꓒ ꓓꓽ ꓐꓴ ꓔꓬ ꓟ ꓔꓶ. ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓔꓬ ꓟ ꓥ ꓢꓲ ꓠꓬꓲ ꓔꓲꓺ ꓒ ꓓꓽ ꓐꓴ ꓔꓯ ꓠꓲ, ꓠꓵ ꓠ, ꓟ ꓐꓰ ꓒꓵꓽ ꓠ, ꓟ ꓕꓳ ꓶ ꓗꓪ ꓐꓳ ꓔ ꓟ ꓥ ꓡꓳ꓿
ꓙꓲꓻ ꓫꓬ ꓢꓴ Anicetus ꓠꓬ ꓣꓳ‐ꓟ ꓡꓳ ꓒꓱ ꓗꓪ ꓙꓰ ꓟ ꓙꓵ, ꓕꓯ ꓬꓲ ꓠꓲ, ꓟ ꓫ. ꓓꓴ ꓕꓲ ꓫꓵꓽ ꓙꓳ ꓟ ꓥ ꓡꓳ꓿ ꓖꓳ ꓟ ꓠꓬ ꓬꓲ ꓠꓬ ꓞꓲꓼ ꓮ ꓟꓬ, ꓪꓴꓽ ꓟ ꓪꓴ. ꓠꓬꓲ ꓣꓳ‐ꓟ ꓟꓯꓼ ꓐꓴ ꓡꓰ ꓬꓲ ꓔꓯ ꓕꓽ ꓢꓰꓼ ꓐꓰ ꓓꓰꓽ ꓡ ꓠ, ꓟ ꓔꓯ ꓬꓲ ꓠꓬ ꓮ ꓘꓶ. ꓠꓲ, ꓫ. ꓗꓷ ꓟ ꓥ ꓡꓳ꓿
ꓬꓲ ꓡꓰ ꓕꓳ ꓶ ꓐꓳ ꓔ ꓟ ꓠꓬ ꓥꓪ ꓔꓯ ꓢꓰꓼ ꓠ, ꓟ ꓔꓶ. ꓗꓪ ꓪꓳꓽ ꓙꓰ ꓡꓯ꓿ ꓮ ꓡꓲꓳ ꓐꓯ ꓠꓬ ꓬꓲ ꓪ ꓑꓶ. ꓓꓴ ꓥꓪ ꓟꓴ ꓗꓪ ꓗꓴꓷꓼ ꓗꓪ ꓛꓲ ꓬꓰ ꓠꓲ, ꓫꓵˍ ꓡꓳ ꓐꓰ ꓐꓯ ꓔ ꓟ ꓥ ꓡꓳ꓿ ꓝꓮꓲ ꓬꓲ ꓡꓰ ꓥꓪ ꓠꓬ ꓢꓲꓺ ꓒ ꓠꓴ ꓫꓪꓻ ꓜꓲ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓟꓽ ꓙꓲ ꓢꓴ ꓐꓴ ꓡꓰ ꓥꓪ ꓔꓯ ꓢꓰꓼ ꓗꓷ ꓠꓬ ꓢꓲꓺ ꓒ ꓠꓴ ꓔꓯ ꓥꓪ ꓡꓳ. ꓟꓳ ꓓꓴ ꓥꓳ ꓐꓰ ꓕꓳ ꓶ ꓗꓪ ꓐꓳ ꓔ ꓟ ꓥ ꓡꓳ꓿
ꓣꓳ‐ꓟ ꓟꓯꓼ ꓐꓴ ꓡꓰ ꓙꓲꓻ ꓫꓬ ꓢꓴ ꓮꓠꓲꓚꓰꓔꓴꓢ ꓔꓯ Colosseum ꓟꓬꓱꓺ ꓔ ꓟ ꓔꓶ. ꓗꓪ ꓢꓰꓼ ꓗꓷꓳ꓿ ꓕꓱ ꓬꓲ ꓔꓶ. ꓠꓬ ꓮ ꓟꓬ, ꓪꓴꓽ ꓟ ꓦꓲꓻ ꓒꓽ ꓓꓽ ꓕꓲ ꓦꓲꓻ ꓥ ꓢꓲ ꓠꓬꓲ ꓣꓳ‐ꓟ ꓟꓯꓼ ꓐꓴ ꓡꓰ ꓑ ꓫꓬ ꓐꓴ ꓔꓯ ꓢꓰꓼ ꓟ ꓙꓵ, ꓕꓯ ꓡꓳ. ꓠ, ꓟ ꓪ ꓔꓲ ꓐꓴ ꓡꓰ ꓬꓰ ꓟ ꓬꓲ ꓔꓶ. ꓟꓲ ꓥ ꓡꓳ꓿
ꓕꓱ ꓗꓪ ꓙꓲꓻ ꓫꓬ ꓢꓴ Anicetus ꓔꓯ ꓡꓼ ꓢꓯ. ꓜꓻ ꓖꓶ ꓜꓽ ꓖꓶ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓮ ꓠꓱ ꓗꓪ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓮ ꓘꓶ. ꓛꓲ ꓠꓲ, ꓫ. ꓟꓬ ꓫ. ꓓꓴ ꓔꓳ, ꓜꓳ ꓢꓲ ꓠꓬꓲ ꓙꓵꓻ ꓠꓲ, ꓔꓯ ꓗꓽ ꓕꓽ ꓗꓷ ꓟ ꓥ ꓡꓳ꓿ ꓫ. ꓟꓳ ꓪ꓿
