ꓔꓲ.. ꓒ ꓪ ꓔꓲ ꓝꓣꓮꓠꓚꓲꓢ ꓦ ꓕꓲ ꓒꓳ, ꓗꓪ ꓮ ꓕꓯ ꓟꓲ ꓢꓯꓼ ꓪ ꓣꓴ ꓔꓯ.. ꓢꓳ ꓗꓷ ꓟ ꓚꓮꓣꓓꓲꓠꓮꓡ ꓢꓲ ꓒ ꓠꓯꓼˍ ꓗꓪ ꓬꓲꓼ ꓟꓶ ꓡꓰ ꓟ ꓓꓳꓽ
ꓔꓲ.. ꓒ ꓪ ꓔꓲ ꓝꓣꓮꓠꓚꓲꓢ ꓝꓴꓲ. ꓣꓷꓠ.ˍꓟ ꓐꓰ ꓦ ꓕꓲ ꓒꓳ, ꓗꓪ ꓮ ꓕꓯ ꓟꓲ ꓢꓯꓼ ꓪ ꓣꓴ ꓕꓯ.. ꓢꓳ ꓗꓷ ꓟ 98 ꓘꓳꓼ ꓡꓳˍꓟ ꓚꓮꓣꓓꓲꓠꓮꓡ ꓡꓳꓴꓲꓢ ꓑꓮꓢQꓴꓮꓡꓰ ꓓꓣꓰꓬ ꓠꓬ ꓡꓳ, ꓬꓰ ꓟ 2025 ꓘꓳꓼ 6 ꓦ ꓟ 30 ꓠꓬꓲ ꓕꓯ ꓢꓲ ꓒ ꓠꓯꓼ ꓗꓪ ꓬꓲꓼ ꓟꓶ ꓡꓰꓳ ꓐꓰ ꓢꓷ. ꓪ ꓡꓳ꓿ ꓚꓮꓣꓓꓲꓠꓮꓡ ꓬꓲꓼ ꓫꓵ., ꓟꓳ ꓔꓯ ꓠꓬ ꓮ ꓟꓰ, 7 ꓦ ꓟ ꓠꓬꓲꓽ ꓠꓬꓲ ꓕꓯ ꓫ ꓗꓷꓳ ꓐꓰ ꓢꓷ. ꓪ ꓡꓳ꓿
ꓔꓲ.. ꓒ ꓪ ꓔꓲ ꓝꓣꓮꓠꓚꓲꓢ ꓟꓲ ꓠꓯ ꓗꓪ ꓢꓯ. ꓔꓬ ꓟ ꓕꓲ ꓙꓵꓽ ꓗꓪ ꓚꓮꓣꓓꓲꓠꓮꓡ ꓡꓳꓴꓲꓢ ꓑꓮꓢQꓴꓮꓡꓰ ꓓꓣꓰꓬ ꓠꓬ ꓠꓲ., ꓟ ꓙꓵꓽ ꓢꓴ ꓟꓽ ꓞꓲ ꓦ ꓕꓲ ꓒꓳ, ꓗꓪ ꓮ ꓘꓶ. ꓢꓯꓼ ꓕꓵ ꓢꓴ ꓕꓲ ꓣꓳ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓚꓮꓣꓓꓲꓠꓮꓡ ꓡꓳꓴꓲꓢ ꓑꓮꓢQꓴꓮꓡꓰ ꓓꓣꓰꓬ ꓔꓯ 1927 ꓘꓳꓼ 4 ꓦ 17 ꓠꓬꓲꓽ ꓔꓯ ꓮꓣꓖꓰꓠꓔꓲꓠꓰ ꓝꓰꓓꓰꓣꓮꓔꓲꓠ ꓗꓪ ꓦꓵ., ꓗꓷ ꓟ ꓥ ꓡꓳ꓿ꓚꓮꓣꓓꓲꓠꓮꓡ ꓓꓣꓰꓬ ꓠꓬ ꓦ ꓕꓲ ꓒꓳ, ꓗꓪ ꓮ ꓘꓶꓽ ꓢꓯꓼ ꓕꓵ ꓟ ꓕꓲ ꓦꓲ., ꓢꓴ ꓗꓪ ꓐꓰ ꓦꓵ., ꓡ ꓟ ꓥ ꓢꓲ꓾ ꓕꓲꓽ ꓠꓱ ꓢꓴ 9 ꓣꓳ ꓔꓬ ꓟ ꓗꓪ ꓐꓰ 8 ꓣꓳ ꓟ ꓥ ꓡꓳ꓿ ꓖꓳ ꓡꓰ ꓢꓲ ꓬꓲꓼ ꓠꓬ ꓪꓴ‐ꓢ ꓟꓬꓱꓽ ꓬꓰ ꓠ., ꓟ ꓓꓵ ꓙ ꓗꓷ ꓢꓲ꓾ ꓔꓲ.. ꓒ ꓤꓶ., ꓗꓪ ꓮ ꓟꓬ, ꓘꓳꓼ ꓔꓬ ꓢꓲ꓾ ꓪꓴ‐ꓢ ꓟꓬꓱꓼ ꓬꓰ ꓗꓷ ꓟ ꓥ ꓡꓳ꓿ ꓟꓽ ꓞꓲ ꓔꓲ.. ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓚꓮꓣꓓꓲꓠꓮꓡ ꓓꓣꓰꓬ ꓔꓯ 2024 ꓘꓳꓼ ꓔꓯ ꓚꓮꓣꓓꓲꓠꓮꓡ ꓙꓵꓽ ꓪ ꓔꓯ ꓖꓶ ꓗꓷ ꓟ ꓥ ꓡꓳ꓿
ꓚꓮꓣꓓꓲꓠꓮꓡ ꓓꓣꓰꓬ ꓠꓬ ꓥꓪ ꓠꓯꓼ ꓗꓪ ꓮ ꓫꓵꓽ ꓟꓲ ꓟꓽ ꓙꓳ꓾ ꓖꓳ ꓡꓰ ꓐꓯ ꓥˍꓟꓲ ꓥꓪ ꓤꓶ., ꓠꓬ ꓥꓪ ꓔꓯ ꓮ ꓟꓬ, ꓛꓲ ꓟ. ꓖꓶ ꓡꓳ꓾ ꓥꓪ ꓠꓬ ꓫ. ꓔ ꓟ ꓕꓲ ꓦꓲ., ꓢꓴ ꓗꓪ ꓐꓰ ꓪꓴ ꓡ ꓟ ꓥˍ ꓡꓳ꓿ ꓖꓳ ꓟ ꓑꓶ. ꓓꓴ ꓫ. ꓢꓴ ꓟꓶ ꓢꓴ ꓐꓴ ꓔꓯ ꓮ ꓘꓶꓽ ꓫꓱ, ꓤ ꓡꓳ ꓐꓰ ꓐꓯ ꓔ ꓡꓳ꓿
