ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓠꓬ ꓠꓲꓖꓰꓣꓲꓮ ꓗꓪ ꓫꓸ ꓟꓵ ꓫꓸ ꓙꓵ ꓢꓰꓼ ꓗꓷ ꓢꓲ ꓫꓵꓻ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ_ ꓟ꓾
6 ꓦ ꓟ (13/14) ꓠꓬꓲ ꓕꓯ ꓠꓲꓖꓰꓣꓲꓮ ꓗꓴꓷꓼ꓾Yelwata ꓡꓳ ꓒꓱ꓾ ꓖꓴꓟꓮ ꓗꓪ ꓞꓳ ꓤ (200) ꓣꓳ ꓛꓲ ꓔꓯ ꓫꓸ ꓟꓵ ꓫꓸ ꓙꓵ ꓢꓰꓼ ꓗꓷ ꓡꓰ ꓟ ꓥꓳ= ꓢꓰꓼ ꓟꓶ ꓡꓰ ꓢꓴ ꓐꓴ ꓟꓬ ꓠꓬꓲ ꓠꓬ ꓫꓸ ꓡꓰ ꓢꓲ ꓚꓵꓸ ꓡꓰ ꓢꓴ ꓐꓴ ꓥ ꓢꓲ ꓗ-ꓔꓳ-ꓡꓲꓗ ꓢ-ꓢꓲ-ꓠ ꓗꓪ ꓐꓰ ꓠꓬꓲ ꓙ ꓡꓳꓸ ꓙ ꓢꓴ ꓐꓴ ꓥ ꓡꓳ ꓐꓰ ꓢꓷꓸ ꓪ ꓡꓳ=
ꓔꓲꓺ ꓒ ꓪ ꓔꓲ ꓡꓰ ꓠꓽ ꓫꓵ ꓠꓬꓲ ꓮꓠꓖꓰꓡꓴꓢ ꓪꓽ ꓘꓴ ꓙꓵꓹ ꓕꓯ ꓠꓲꓖꓰꓣꓲꓮ ꓗꓴꓷꓼ ꓬꓲ ꓪ ꓠꓯꓼ ꓗꓪ ꓗꓽ ꓕ ꓪ ꓟꓶ ꓠꓹ ꓟ (security)꓾ ꓔꓱꓹ ꓜꓳ ꓠꓹ ꓟ꓾ ꓢꓲ ꓡꓲꓹ ꓟꓶ ꓠꓹ ꓟ ꓐꓱ ꓶ ꓪꓽ ꓘꓴ ꓖꓶ ꓠꓹ ꓟ꓾ ꓐꓰꓠꓴꓰ ꓗꓴꓷꓼ ꓫꓴ ꓙ ꓖꓴ ꓐꓰ ꓙꓻ ꓡꓯꓽ ꓘꓳ ꓓꓴ ꓫ ꓔ ꓟ ꓗꓪ ꓔꓬ ꓟ ꓙꓲ ꓢꓴ ꓢꓲ ꓤ ꓐꓴ ꓐꓱ ꓶ ꓙꓬ ꓫꓸ ꓔꓬ ꓟ ꓐꓰ ꓕꓱ ꓡꓱ ꓫ ꓔ ꓟ ꓗꓪ ꓔꓬ ꓟ ꓙꓲ ꓢꓴ ꓢꓲ ꓤ ꓐꓴ ꓠꓬ ꓟꓽ ꓙꓲ ꓢꓴ ꓐꓴ ꓬꓲ ꓪ ꓐꓱ ꓶ ꓗꓷ ꓡꓰ ꓔꓬ ꓟ ꓑꓶ ꓓꓴ ꓥ ꓡꓳ ꓐꓰ ꓐꓯ ꓔ ꓡꓳ=
ꓕꓱ ꓡꓱ ꓫ ꓟꓵ ꓫ ꓙꓵ ꓢꓰꓼ ꓟ ꓚꓱꓹ ꓔꓯ ꓟꓳꓸ ꓠꓲꓖꓰꓣꓲꓮ ꓗꓴꓷꓼ ꓟꓲ ꓠꓯ ꓡ ꓞꓳ ꓞꓳ ꓙꓳ_ ꓟ ꓣꓳꓸ ꓦꓲꓻ ꓗꓪ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓠꓲꓖꓰꓣꓲꓮ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓑꓧꓳꓠꓰ ꓗꓪ ꓐꓰ ꓙꓻ ꓡꓯꓽ ꓘꓳ ꓢꓲ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓕꓱ ꓡꓱ ꓢꓲꓽ ꓓꓳ ꓓꓴ ꓗꓷ ꓔꓬ ꓟ ꓔꓯ ꓠꓽ ꓡꓰ ꓠꓹ ꓟ꓾ ꓫꓸ ꓟꓵ ꓫꓸ ꓙꓵ ꓢꓰꓼ ꓢꓴ ꓐꓴ ꓔꓯ ꓥ ꓟꓲ ꓔꓱꓹ ꓔꓱꓹ ꓐꓰ ꓜꓲ ꓞꓳꓹ ꓠꓹ ꓟ ꓔꓯ ꓶ ꓓꓰꓽ ꓗꓷ ꓟ ꓥꓳ=
