ꓠꓮꓟ ꓢꓮꓠ ꓬꓮꓠꓖ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓔꓲꓺ ꓒ ꓓꓽ ꓚꓳ ꓙꓰ ꓡꓰ ꓟ꓾
ꓟꓲ-ꓚꓲ-ꓠ ꓗ-ꓔꓳ-ꓡꓲꓗ ꓔꓲꓺ ꓒ ꓓꓽ ꓢ-ꓢꓲ-ꓠ꓾ ꓔꓲꓺ ꓒ ꓓꓽ ꓙꓳꓧꓠ ꓟꓴꓠꓖ ꓠꓖꓮꓪꓠ ꓡꓮ ꓢꓮꓟ ꓐꓰ ꓕꓲ ꓪ ꓔꓲꓺ ꓒ Dr. ꓑꓰꓔꓰꓣ ꓧꓗꓮ ꓮꓪꓠꓖ ꓔꓴ (Vice General)꓾ ꓔꓲꓺ ꓒ ꓙꓰꓣꓳꓟꓰ ꓠ ꓓꓲꓠꓖ ꓡꓮ ꓣꓮꓪ ꓐꓴ ꓠꓬ 15ꓸ6ꓸ2025 ꓠꓬꓲ ꓕꓯ ꓠꓮꓟ ꓢꓮꓠ ꓬꓮꓠꓖ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓚꓳ ꓙꓰ ꓡꓰ ꓟ ꓔꓯ ꓢꓷꓸ ꓪ ꓡꓳ= ꓔꓲꓺ ꓒ ꓓꓽ ꓐꓰ ꓔꓲꓺ ꓒ ꓐꓴ ꓔꓯ ꓖꓳ ꓗꓪ ꓟꓬꓱꓽ ꓙꓵꓽ ꓔꓬ ꓟ ꓔꓲꓺ ꓒ ꓦꓲꓚꓰꓠꓔ ꓜꓲꓠꓪꓮ ꓢꓧꓮꓠ ꓡꓴꓟ ꓐꓰ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓠꓬ ꓡꓲꓽ ꓒꓰꓼ ꓚꓱꓹ ꓗꓪ ꓐꓰ ꓠꓲꓹ ꓡꓱ ꓗꓹ ꓛꓲ ꓛꓲ ꓐꓰ ꓘꓳꓹ ꓣꓴ ꓡꓳ ꓐꓰ ꓢꓷꓸ ꓪ ꓡꓳ=
ꓠꓮꓟ ꓢꓮꓠ ꓬꓮꓠꓖ ꓔꓲꓺ ꓒ ꓙꓵꓽ ꓔꓶꓸ ꓠꓬ ꓬꓲꓸ ꓪꓴꓸ ꓒꓴ_ ꓟ ꓙꓵꓹ ꓕꓯ ꓘꓴ ꓜꓲꓼ ꓞꓳ ꓞꓳ ꓦꓲꓻ (500) ꓔꓬ ꓥ ꓟꓲ ꓗꓴꓷꓼ ꓫꓵ ꓪꓴ ꓑꓶ ꓓꓴ (151) ꓡꓰ ꓔꓬ ꓡꓰ ꓟ ꓥ ꓢꓲ ꓟꓸ ꓒ ꓙꓵꓽ ꓔꓶꓸ (5)꓾ ꓞꓳ ꓘꓹ (17)꓾ ꓟꓸ ꓒ (19) ꓐꓰ ꓬꓰ ꓙ ꓔꓬ ꓟ ꓟꓸ ꓒ (1) ꓣꓳ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=
