ꓮꓓ (500) ꓘꓳꓼ ꓧꓶ. ꓕꓯ ꓗꓪ ꓬꓴ‐ꓔ ꓞꓳ ꓫꓵꓽ ꓐꓴ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓞꓳ ꓙꓳ Cꓱ, (Church history)
ꓣꓳ‐ꓟ ꓗꓴꓷꓼ ꓗꓪ ꓮ ꓟꓬ, ꓛꓲ ꓪꓴꓽ ꓡꓳˍ ꓬꓰ ꓟ ꓐꓰ ꓟꓬꓱꓺ ꓓꓳꓽ ꓮ ꓟꓬ, ꓙꓳˍ ꓟ ꓡꓳ ꓖꓪ ꓔꓶ. ꓕꓲ ꓔꓶ. ꓥ ꓟ Cycle ꓟꓬꓱꓺ ꓔ ꓟ ꓬꓲ ꓔꓶ. ꓑ ꓕꓲ ꓗꓪ ꓬꓴ‐ꓔ ꓞꓳ ꓫꓵꓽ ꓐꓴ ꓞꓳ ꓙꓳ ꓢꓯ. ꓔꓬ ꓗꓷ ꓟ ꓥ ꓡꓳ꓿
ꓣꓳ‐ꓟ ꓗꓴꓷꓼ ꓗꓪ ꓬꓴ‐ꓔ ꓞꓳ ꓫꓵꓽ ꓐꓴ ꓠꓬ ꓮ ꓟꓬ, ꓟꓽ ꓔꓬ ꓟ ꓞꓳ ꓫꓵꓽ ꓕꓲ ꓫꓵꓽ ꓥ ꓟꓲ ꓬꓲ ꓪ ꓠꓬ ꓮ ꓘꓶ. ꓛꓲ ꓢꓯꓼ ꓕꓵꓼ ꓟ ꓪꓴ. ꓠꓬꓲ ꓣꓳ‐ꓟ ꓗꓴꓷꓼ ꓙꓵꓽ ꓢꓲꓽ ꓒꓽ ꓐꓴ ꓟꓲ ꓕꓯ ꓗꓪ ꓟꓬꓱꓺ ꓓꓳꓽ ꓪ ꓢꓴ ꓟꓬꓱꓺ ꓪ ꓢꓴ ꓞꓳ ꓫꓵꓽ ꓕꓲ ꓫꓵꓽ ꓥ ꓡꓳ꓿
ꓣꓳ‐ꓟ ꓗꓴꓷꓼ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓬꓴ‐ꓔ ꓡ ꓞꓳ ꓐꓴ ꓟꓲ ꓕꓯ ꓗꓪ ꓞꓳ ꓙꓳ ꓢꓯ. ꓔꓬ ꓢꓴ ꓐꓴ ꓥ ꓡꓳ꓿ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓟꓴ ꓗꓪ ꓗꓪ ꓓꓯ ꓙꓰ ꓗ. ꓠꓯ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓝꓲ ꓓꓴ ꓐꓴ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓕꓯ ꓢꓲ ꓬꓯꓼ ꓡ ꓟ ꓑꓮꓲꓽ ꓗꓪ ꓝꓲ ꓓꓴ ꓒꓲ‐ꓕꓱ ꓟ. ꓟꓲꓽ ꓚꓺ ꓟ. ꓗꓷ ꓙꓵ, ꓕꓯ ꓟ. ꓟꓲꓽ ꓠ ꓠ, ꓗꓷ ꓟ ꓥ ꓡꓳ꓿
ꓣꓳ‐ꓟ ꓗꓴꓷꓼ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓡꓰ ꓐꓰ ꓟꓬꓽ ꓡ ꓟ ꓔꓯ ꓡꓳ. ꓠꓬꓲ ꓓꓴ ꓬꓰ ꓡꓯ꓿ ꓣꓳ‐ꓟ ꓗꓴꓷꓼ ꓗꓪ ꓠꓬ ꓟꓯꓼ ꓜꓴꓻ ꓟ. ꓒꓽ ꓮ ꓟꓬ, ꓔꓬ ꓟ ꓗꓴꓷꓼ ꓕꓲ ꓗꓴꓷꓼ ꓥ ꓟ ꓪꓴ. ꓠꓬꓲ ꓣꓳ‐ꓟ ꓗꓴꓷꓼ ꓑꓶ. ꓓꓳ ꓕꓲ ꓛꓱ ꓗꓪ ꓠꓬ ꓟꓯꓼ ꓜꓴꓻ ꓮ ꓟꓬ, ꓠꓬ ꓟꓬꓱꓽ ꓬꓰ ꓔꓬ ꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ‐ꓟ ꓗꓴꓷꓼ ꓑꓶ. ꓓꓳ ꓕꓲ ꓒꓳ, ꓗꓪ ꓔꓬ ꓟ ꓣꓳ‐ꓟ ꓟꓯꓼ ꓒꓽ ꓐꓴ ꓮ ꓟꓬ, ꓠꓬ ꓝꓲ ꓓꓴ ꓐꓴ ꓪꓴ‐ꓢ ꓐꓯ ꓘꓶꓽ ꓚꓺ ꓟ. ꓖꓶ ꓟ ꓔꓯ ꓠ ꓠ, ꓗꓷ ꓟ ꓪꓴ. ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓒꓬꓱꓼ ꓡ ꓟ ꓥ ꓡꓳ꓿
ꓕꓱ ꓡꓰ ꓐꓰ ꓣꓳ‐ꓟ ꓗꓴꓷꓼ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬꓽ ꓡ ꓟ ꓪꓴ. ꓠꓬꓲ ꓣꓳ‐ꓟ ꓗꓴꓷꓼ ꓗꓪ ꓬꓴ‐ꓔ ꓡ ꓞꓳ ꓐꓴ ꓠꓬ ꓐꓱ ꓶ ꓠꓲ, ꓟ ꓫ. ꓓꓴ ꓒꓬꓱꓼ ꓡ ꓟ ꓥ ꓡꓳ꓿ ꓖꓳ ꓟ ꓡꓰ ꓟꓽ ꓞꓲ ꓬꓴ‐ꓔ ꓡ ꓞꓳ ꓐꓴ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓢꓰꓼ ꓠ, ꓟ ꓚꓳ ꓬꓲ. ꓓꓶ ꓗꓷ ꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ‐ꓟ ꓪ ꓔꓲ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓐꓰ ꓬꓴ‐ꓔ ꓡ ꓞꓳ ꓐꓴ ꓮ ꓙꓵꓽ ꓔꓯ ꓣꓳ‐ꓟ ꓗꓴꓷꓼ ꓟꓽ ꓔꓬ ꓝꓲ ꓠ, ꓟ ꓕꓳ ꓶ ꓐꓳ ꓔꓲ ꓗꓷꓳ꓿ ꓖꓳ ꓡꓱ ꓥ ꓟꓲ ꓟꓽ ꓟꓶ ꓫꓵˍ ꓟ ꓙꓵ, ꓕꓯ ꓙꓲ‐ꓢꓴ ꓢꓲꓺ ꓤ ꓐꓴ ꓐꓰ ꓬꓴ‐ꓔ ꓞꓳ ꓫꓵꓽ ꓐꓴ ꓔꓯ ꓞꓳ ꓙꓳ ꓢꓯ. ꓔꓬ ꓠ, ꓟ ꓙꓵꓽ ꓪ ꓖꓶ ꓗꓷꓳ꓿ ꓕꓱ ꓡꓰ ꓐꓰ ꓣꓳ‐ꓟ ꓗꓴꓷꓼ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬꓽ ꓡ ꓟ ꓥ ꓡꓳ꓿
