ꓠꓬꓲꓸ ꓠꓬꓲ 4 ꓦ ꓟ 24 ꓠꓬꓲ 2025 ꓘꓳꓼ ꓠꓯꓼ 8 ꓙꓵꓹ ꓕꓯ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓟꓲ-ꓚꓲ-ꓠ ꓢ-ꓢꓲ-ꓠ ꓥ ꓟ ꓠ-ꓟ-ꓔꓲ ꓔꓲꓺꓒ ꓙꓵꓽ ꓔꓶꓸ ꓗꓪ ꓫꓬꓹ ꓔ ꓟ ꓔꓲꓺ ꓒ ꓔꓬ ꓦꓲꓻ ꓫꓵꓼ ꓶ ꓥꓳ ꓙꓱ_ ꓟ ꓑꓮꓲꓽ ꓐꓰ ꓔꓲꓺ ꓒ ꓙꓵꓽ ꓔꓶꓸ ꓒꓴ ꓗꓷ ꓟ ꓢꓽ ꓘꓳꓼ ꓐꓲ ꓫꓸ ꓟꓳˍ ꓟ ꓑꓮꓲꓽ ꓔꓯ ꓟꓲ-ꓚꓲ-ꓠ ꓔꓲꓺ ꓒ ꓓꓽ ꓙꓳꓧꓠ ꓟꓴꓠꓖ ꓠꓖꓮꓪꓠ ꓡꓮ-ꓢꓮꓟ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓠꓬꓲ ꓬꓰ ꓗꓷꓳ=
ꓟꓲ-ꓚꓲ-ꓠ ꓢ-ꓢꓲ-ꓠ ꓔꓲꓺ ꓒ ꓓꓽ ꓠꓬ ꓔꓲꓺ ꓒ ꓔꓬ ꓦꓲꓻ ꓫꓵꓼ ꓔꓯ ꓶꓼ ꓥꓳꓽ ꓙꓱ ꓖꓶ ꓓꓳ ꓡꓰ ꓗꓸ ꓠꓯ ꓪꓽ ꓘꓴ ꓦꓲꓻ ꓗꓪ ꓟꓲ-ꓢ ꓔꓲ ꓖꓶ ꓗꓷ ꓟ ꓥ ꓡꓳ= ꓝꓮꓲ 4 ꓦ ꓟ 23 ꓠꓬꓲ ꓟꓶꓼ ꓘꓶꓼ ꓙꓵꓹ ꓕꓯ ꓥ ꓟꓲ ꓠ-ꓟ-ꓔꓲ ꓗꓪ ꓔꓬ ꓟ ꓙꓲ-ꓢꓴ ꓢꓲꓺ ꓤ ꓐꓴ ꓡꓰ ꓔꓲꓺ ꓒ ꓓꓽ ꓔꓯ ꓘꓳꓹ ꓣꓴ ꓟ ꓑꓮꓲꓽ ꓔꓯ ꓬꓰ ꓗꓷꓳ=
ꓑꓮꓲꓽ ꓗꓪ ꓙꓲ-ꓢꓴ ꓢꓲꓺ ꓤ ꓮ ꓟꓬꓹ ꓥ ꓟꓲ ꓔ ꓡ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=
