ꓣꓳ ꓠꓻ ꓫꓵꓽ ꓔꓳ, ꓜꓳꓽ ꓔꓬ ꓕꓯ꓾ ꓟꓽ ꓥ ꓠꓬ꓾ ꓠꓲ, ꓟ ꓗꓴ ꓖꓶ ꓓꓴ ꓣꓱꓽ ꓬꓯꓼˍ ꓟ ꓬꓲ ꓙꓵ, ꓗꓪ ꓣꓳ ꓢꓯꓼ ꓪ ꓟꓶ ꓓꓴ ꓧꓪ ꓠ, ꓟ ꓠꓬ꓾ ꓢꓲꓽ ꓫꓬ ꓕꓳꓽ ꓶ ꓡꓰꓽ ꓥꓳ꓿

(MU GW 146:8) ꓪꓴ‐ꓢ ꓡꓰ ꓟꓬ ꓔꓶ ꓔꓯ ꓠꓬꓲ ꓟꓳ ꓡ ꓝꓲˍ ꓡꓳ꓿ ꓢꓲ ꓒ ꓡꓰ ꓓꓳꓽ ꓞ, ꓢꓴ ꓔꓯ ꓖꓳꓻ ꓔꓴ ꓖꓶˍ ꓡꓳ꓿ ꓪꓴ‐ꓢ ꓠꓬ ꓙꓲꓻ ꓫꓬ ꓢꓴ ꓔꓯ ꓠꓲ, ꓠꓵˍ ꓡꓳ꓿

(MU GW 30:2) ꓪꓴ‐ꓢꓺꓳ꓾ ꓬꓰ ꓙ ꓡ ꓠ, ꓟ ꓠꓴ ꓔꓯ ꓥꓪ ꓘꓴ ꓗꓷ ꓠꓬ ꓠꓴ ꓡꓰ ꓥꓪ ꓔꓯ ꓓꓻ ꓡꓰ ꓝꓲꓳ꓿

(DO JE 23:25) ꓠꓴ ꓪ ꓪꓴ‐ꓢ ꓥꓪ ꓔꓯˍ ꓡꓰꓽ ꓣꓱꓽ ꓙˍ ꓠꓬ꓾ ꓠꓴ ꓪ ꓔꓯ ꓶꓼ ꓤ ꓫꓱ, ꓤ ꓖꓶ ꓢꓲ ꓜꓽ ꓓꓴ ꓓꓳꓻ ꓓꓴ ꓙꓳ ꓡ ꓝꓲˍ ꓥꓳ꓿ ꓠꓻ ꓫꓵꓽ ꓠꓻ ꓙꓰꓽˍ ꓟꓲ ꓠꓴ ꓪ ꓔꓯ ꓐꓰ ꓣꓴ ꓦ ꓗꓷˍ ꓥꓳ꓿

(YI-S-Y 41:10) ꓥꓪ ꓠꓬ ꓠꓴ ꓪˍ ꓐꓰ ꓔꓬ ꓠꓬꓲ ꓕꓽ ꓙꓳꓺ꓿ ꓮ ꓡꓲꓳ ꓐꓯ ꓠꓬ ꓥꓪ ꓠꓽ ꓠꓴ ꓪ ꓪꓴ‐ꓢ ꓥꓳ꓿ ꓥꓪ ꓡꓰ ꓠꓴ ꓪ ꓔꓯ ꓢꓯꓼ ꓙꓳꓽ ꓖꓶ ꓢꓲ ꓬꓰ ꓙˍ ꓥꓳ꓿ ꓠꓴ ꓪ ꓔꓯ ꓡꓳ. ꓙ ꓢꓲ ꓥꓪ ꓡꓯꓼ ꓙ ꓡꓰ ꓔ ꓙˍ ꓥꓳ꓿

(3 YO-V = 1:2) ꓠꓲ, ꓠꓵ ꓛꓳꓽ ꓒꓯ,ꓳ꓾ ꓠꓴ ꓠꓬ ꓦꓻ ꓗꓪ ꓶꓼ ꓛꓳ ꓫꓱ, ꓛꓳˍ ꓟˍ ꓡꓰ ꓐꓰ꓾ ꓮ ꓫꓵ ꓗꓪˍ ꓟꓲ ꓶꓼ ꓛꓳ ꓫꓱ, ꓛꓳ ꓢꓲ꓾ ꓠꓴ ꓧꓪꓽ ꓖꓳ ꓓꓱˍ ꓟꓲ ꓧꓪ. ꓧꓪꓸꓼ ꓔꓬ ꓟꓶ ꓠ, ꓟ ꓥꓪ ꓪꓽ ꓘꓴˍ ꓡꓳ꓿

(2 W TI = 20:5) ꓠꓴ ꓠꓬ ꓥꓪ ꓑ ꓫꓬꓼ ꓐꓴ ꓔꓯ ꓙꓵꓽ ꓢꓴ ꓧꓷ‐ꓢꓲ‐ꓘꓷ‐ꓬ ꓔꓬ ꓗꓪ ꓝꓮꓲ ꓙꓰ ꓢꓲ꓾ ꓠꓴ ꓒꓵꓽ ꓒ ꓓ‐ꓪꓵ ꓬꓲ ꓪꓴ‐ꓢ ꓥꓪ ꓠꓬ ꓠꓴ ꓓꓰꓽ ꓘꓶ ꓔꓯ ꓑ ꓙꓽ ꓗꓷꓳ꓿ ꓠꓴ ꓟꓬ ꓐꓲ ꓔꓯˍ ꓟꓲ ꓟꓳꓻ ꓡꓰꓳ꓿ ꓠꓴ ꓔꓯ ꓥꓪ ꓡꓰ ꓓꓻ ꓡꓰ ꓝꓲ ꓢꓲ꓾ ꓠꓬꓲ. ꓠꓬꓲ ꓖꓳ ꓑꓳ. ꓢ ꓠꓬꓲ ꓕꓲ ꓠꓬꓲ ꓗꓪ ꓠꓴ ꓠꓬ ꓥꓪ ꓢꓲ ꓫꓬ ꓦꓲ ꓗꓪ ꓓꓵꓽ ꓡꓰ ꓟꓶˍ ꓥꓳ꓿

(YE-LI-MI 17:14) ꓪꓴ‐ꓢꓺꓳ꓾ ꓥꓪ ꓔꓯ ꓠꓴ ꓠꓻ ꓫꓬ, ꓖꓶ ꓡ ꓠꓬ ꓥꓪ ꓠꓽ ꓬꓲ ꓜꓶ ꓓꓻ ꓡꓰˍ ꓥꓳ꓿ ꓥꓪ ꓔꓯ Cꓬꓴ ꓙ ꓡ ꓠꓬ ꓥꓪ ꓠꓽ Cꓬꓴ ꓟꓶˍ ꓥꓳ꓿ ꓠꓴ ꓠꓬ ꓥꓪ ꓫꓱ. ꓖꓶ ꓓꓴ ꓥꓳ꓿

(YE-LI-MI 30:17) ꓖꓳ ꓡꓱ ꓥˍ ꓟꓲ ꓢꓴ ꓡꓰ ꓠꓴ ꓪ ꓔꓯ꓾ ꓡꓳꓺ ꓩꓴ ꓗꓷ ꓟˍ ꓐꓰ ꓮꓽ ꓟˍ ꓟꓲ ꓟꓽ ꓙꓽ ꓗꓳ ꓟ ꓜꓲ‐ꓬꓴ꓾ ꓐꓰ ꓘꓴˍ ꓠꓬꓲ꓾ ꓥꓪ ꓠꓬ ꓠꓴ ꓪ ꓔꓯ ꓫꓬ, ꓓ ꓡꓰ ꓝꓲˍ ꓥꓳ꓿ ꓠꓴ ꓪ ꓠꓻ ꓓꓴ ꓔꓯˍ ꓟꓲ ꓫꓬ, ꓖꓶˍ ꓥꓳ꓾ ꓐꓰ ꓐꓯˍ ꓡꓳ꓿

(ꓡꓴ‐ꓘ 6ꓽ19) ꓬꓰ‐ꓢꓴ ꓖꓳ ꓓꓱꓽ ꓗꓪ ꓐꓰ ꓪꓽ ꓠꓬꓲˍ ꓟ ꓓꓳ ꓡ ꓢꓲ꓾ ꓬꓲ ꓪ ꓮ ꓙꓵꓽ ꓢꓴ ꓔꓯ ꓫꓬ, ꓓꓻ ꓡꓰ ꓠꓬꓲ꓾ ꓡ ꓞꓳ ꓬꓲ ꓜꓴ ꓮ ꓙꓵꓽ ꓠꓬ ꓬꓲ ꓔꓯ ꓫꓱ, ꓟꓶ ꓠ, ꓟ ꓢꓯꓼ ꓕꓵꓼˍ ꓡꓳ꓿

(ꓟ‐ꓘꓳ 5ꓽ34) ꓬꓰ‐ꓢꓴ ꓡꓰ ꓬꓲ ꓔꓯ꓾ ꓮ ꓟꓲꓽꓳ꓾ ꓠꓴ ꓙꓵꓻ ꓠꓲ, ꓡꓰ ꓠꓴ ꓔꓯ ꓓꓻ ꓡꓰ ꓝꓲꓳ꓿ ꓧꓪ. ꓧꓪꓸꓼ ꓙꓰ꓿ ꓠꓴ ꓠꓬ ꓠꓻ ꓓꓴ ꓗꓪ ꓐꓰ ꓩꓴ ꓗꓷ ꓟꓶ ꓡꓰꓳ꓾ ꓐꓯ ꓖꓶˍ ꓡꓳ꓿(ꓟ‐ꓕꓲ 11ꓽ28) ꓢꓯꓼ ꓕꓵꓼ ꓪꓴꓽ ꓧꓧꓶ ꓢꓲ ꓶꓻ ꓡꓲꓽ ꓓꓽ ꓟ ꓟꓯꓻ ꓢꓴ ꓐꓴꓳ꓾ ꓥꓪ ꓔꓯ ꓡꓯ꓿ ꓥꓪ ꓡꓰ ꓠꓴ ꓪ ꓔꓯ ꓪꓴꓽ ꓧꓶ ꓠꓽ ꓝꓲˍ ꓥꓳ꓿