ꓔꓲꓺ ꓒ ꓪ ꓔꓲ. ꓠꓬ ꓮ ꓘꓶ. ꓠꓻ ꓔꓬ ꓟ ꓗꓪ ꓐꓰ ꓮ ꓔꓲ. ꓤ ꓜꓲꓽ ꓓꓻ ꓡꓰ (ꓠꓻ ꓓꓻ ꓡꓰ) ꓗ ꓠꓯ.꓾ ꓮ ꓟꓰ ꓫꓵ ꓟꓰ (2.3.2025) ꓢꓲ ꓒ ꓦꓬꓼ ꓠꓬꓲ (ꓠꓽ ꓦꓬꓼ ꓠꓬꓲ) ꓕꓯ ꓬꓲ ꓐꓱ ꓶ ꓪꓽ ꓘꓴ ꓙꓻ ꓖꓶ ꓔꓬ ꓢꓴ ꓮ ꓙꓵꓽ ꓔꓯ ꓫ. ꓟꓳ ꓘꓶꓽ ꓐꓰ꓾ ꓟꓲ ꓠꓯ ꓗꓴꓷꓼ ꓢꓲ ꓡꓲ ꓟ ꓐꓰ ꓶ ꓫ. ꓕꓱ ꓗꓷꓳ꓿

ꓬꓲ ꓡꓰ ꓕꓱ ꓡꓱ ꓐꓯˍ ꓡꓳ꓾

“ꓟꓵꓽ ꓗꓳ, ꓓꓵ ꓓꓵ ꓗꓪ ꓐꓰ ꓠꓲ, ꓡꓱꓻ ꓢꓴ ꓐꓴ ꓮ ꓙꓵꓽ ꓡꓰ꓾ ꓠꓴ ꓪ ꓠꓲ, ꓟ ꓗꓪ ꓐꓰ ꓓꓳ ꓡ ꓢꓲ ꓪꓴ‐ꓢ ꓔꓬ, ꓗꓪ ꓪꓽ ꓘꓴ ꓙ ꓘꓶꓽ ꓐꓱ ꓶ꓾ ꓮ ꓘꓶ. ꓫ. ꓟꓳˍ ꓡꓳ꓿ ꓥꓪ ꓠꓬ ꓠꓴ ꓪ ꓠꓵꓻ ꓠꓲ, ꓔꓯ ꓘꓳ ꓣꓴ ꓟꓶ ꓢꓲ ꓠꓬꓲ꓾ ꓮ ꓟꓶ ꓕꓲ ꓙꓵ, ꓗꓪ ꓥꓪ ꓠꓬ ꓪꓴ‐ꓢ ꓑ ꓫꓬ ꓮ ꓙꓵꓽ ꓡꓰ ꓥꓪ ꓔꓯ ꓔꓯ, ꓔ ꓟˍ ꓡꓰ ꓐꓰ꓾ ꓥꓪ ꓚꓬ, ꓪˍ ꓡꓳ꓿ ꓮ ꓙꓵꓽ ꓔꓯ ꓫ. ꓟꓳ꓿ ꓠꓴ ꓪ ꓐꓱ ꓶ ꓥˍ ꓟꓲ ꓥꓪ ꓪꓽ ꓘꓴ ꓙ ꓔꓬ ꓡꓳ꓿ ꓮ ꓙꓵꓽ ꓟ ꓕꓯꓽ ꓢꓲ ꓢꓲ ꓡꓲ ꓟ ꓙꓳ ꓝꓲ꓾ ꓐꓰ ꓥꓪ ꓪꓽ ꓘꓴˍ ꓡꓳ꓿

ꓕꓱ ꓗꓪ ꓐꓰ꓾ ꓓꓶꓽ ꓡꓯ ꓘꓳ ꓢꓰꓼ ꓡꓯ ꓘꓳ ꓔꓬ ꓟ ꓠꓬ ꓪ ꓜꓲ ꓬꓲ ꓖꓻ ꓟꓽ ꓙꓳ ꓙꓳ ꓒꓬꓱꓼ ꓡ ꓔꓬ ꓡꓳ꓿ ꓫ. ꓙꓵ ꓔꓬ ꓟ ꓴꓗꓣꓮꓲꓠꓰ꓾ ꓑꓮꓡꓰꓢꓔꓲꓠꓰ, ꓲꓢꓣꓮꓰꓡ, ꓡꓰꓐꓮꓠꓳꓠ, ꓟꓬ‐ꓟ꓾ ꓢꓴꓓꓮꓠ ꓐꓰ ꓗꓲꓦꓴ ꓐꓱ ꓶ ꓪꓽ ꓘꓴ ꓙꓻ ꓓꓴ ꓬꓰ ꓡꓯ꓿ ꓣꓳ ꓟ, ꓟ ꓟ‐ꓡꓲ. ꓔꓯ ꓠꓲ, ꓡꓱꓻ ꓡꓱꓻ ꓡꓰꓽ ꓡꓯꓼ ꓙꓱ ꓗꓷ ꓡꓯ꓿ ꓶꓼ ꓙꓳ ꓫꓱ, ꓙꓳˍ ꓟ ꓠꓽ ꓦꓬꓼ ꓠꓬꓲ ꓗꓪ ꓛꓲ ꓡꓻꓳ꓿”