• ꓚꓮꓠꓚꓰꓣ ꓠꓻ ꓟꓽ ꓒꓬꓱꓼ ꓡ ꓠ ꓗꓽ ꓕ. ꓙ ꓖꓶˍ ꓟ

ꓟ‐ꓡꓰ‐ꓗ ꓢꓶꓽ ꓗꓪ ꓓꓵˍ ꓟ ꓦꓲꓔꓮꓟꓲꓠ ꓚ꓾ lycopene ꓐꓰ ꓠꓱ. ꓐꓯ ꓬꓲ ꓢꓯꓼ ꓐꓴ ꓠꓬ ꓚꓮꓠꓚꓰꓣ ꓚꓰꓡꓡ ꓪꓴꓽ ꓡ ꓟꓬꓽ ꓡˍ ꓟ ꓔꓯ ꓗꓽ ꓕ. ꓙ ꓖꓶˍ ꓡꓳ꓿ ꓟ‐ꓡꓰ‐ꓗ ꓢꓶꓽ ꓬꓲ ꓫꓵꓽ ꓫꓵꓽ ꓗꓪ ꓓꓵˍ ꓟ ꓬꓲ ꓢꓯꓼ ꓕꓲ ꓙꓰꓽ ꓥ ꓟ lycopene ꓢꓯꓼ ꓠꓬ꓾ ꓖꓳ ꓓꓱꓽ ꓠꓯꓸꓼ ꓗꓪ ꓣꓱꓽ ꓟꓽ ꓬꓯꓼ ꓟ ꓮ ꓙꓵꓽ ꓔꓯ ꓖꓼ ꓓꓳ ꓖꓶ ꓢꓲ ꓠꓬꓲ꓾ ꓤ ꓑ ꓤ ꓐꓴ ꓐꓱ ꓶ ꓤꓲꓽ ꓒꓴꓽ ꓚꓮꓠꓚꓰꓣ ꓐꓰ꓾ ꓤ ꓟꓶ ꓤ ꓐꓴ ꓐꓱ ꓶ ꓮ ꓚꓵ, ꓚꓮꓠꓚꓰꓣ ꓪꓴꓽ ꓡˍ ꓟ ꓔꓯ ꓥˍ ꓟꓲ ꓗꓽ ꓕ. ꓙ ꓖꓶ ꓐ ꓡˍ ꓡꓳ꓾ ꓐꓰ ꓢꓷ. ꓪ ꓡꓳ꓿

• ꓫꓵꓻ ꓓꓯꓻˍ ꓟ ꓗꓪ ꓐꓰ ꓞꓰꓻ ꓡꓰ ꓬꓯꓼ ꓡꓰ ꓝꓲˍ ꓟ

ꓟ‐ꓡꓰ‐ꓗ ꓢꓶꓽ ꓗꓪ ꓓꓵˍ ꓟ ꓑꓳꓔꓮꓢꓢꓲꓴꓟ ꓐꓰ ꓮꓠꓔꓲꓳꓫꓲꓓꓮꓠꓔ ꓢꓯꓼ ꓐꓴ ꓠꓬ ꓫꓵꓽ ꓢꓯꓼ ꓔꓯ ꓬꓯꓼ ꓡꓰ ꓞꓰꓻ ꓡꓰ ꓝꓲ ꓢꓲ ꓠꓬꓲ꓾ ꓕꓱ ꓬꓲ ꓢꓯꓼ ꓠꓬꓲꓽ ꓙꓰꓽ ꓡꓱꓸꓼ ꓠꓬ ꓟ‐ꓡꓰ‐ꓗ ꓢꓶꓽ ꓬꓲ ꓢꓶꓽ ꓐꓰ ꓬꓲ ꓠꓲ, ꓟ ꓗꓪ ꓓꓯ,ˍ ꓟ ꓥ ꓡꓳ꓿ ꓟ‐ꓡꓰ‐ꓗ ꓢꓶꓽ ꓗꓪ ꓓꓯ,ˍ ꓟ ꓑꓳꓔꓮꓢꓢꓲꓴꓟ ꓢꓯꓼ ꓠꓬ ꓥ‐ꓟ‐ꓢꓶꓽ (ꓬ‐ꓟ‐ꓕꓴꓽ) ꓗꓪ ꓓꓵˍ ꓟ ꓑꓳꓔꓮꓢꓢꓲꓴꓟ ꓢꓶ. ꓟꓽ ꓞꓲꓺ 60% ꓟꓽ ꓞꓲꓺ ꓓꓵˍ ꓡꓳ ꓐꓰ ꓢꓷ. ꓪ ꓡꓳ꓿

ꓑꓳꓔꓮꓢꓢꓲꓴꓟ ꓠꓬ ꓫꓵꓽ ꓐꓰ ꓫꓵꓽ ꓢꓯꓼ ꓔꓯ ꓔꓲ ꓟꓴ.ˍ ꓗꓷ ꓡꓰ ꓠ ꓬꓰˍ ꓟ ꓗꓪ ꓬꓰ ꓙ ꓖꓶˍ ꓟ ꓥ ꓢꓲ ꓠꓬꓲ꓾ ꓟ‐ꓡꓰ‐ꓗ ꓢꓶꓽ ꓬꓲ ꓠꓲ, ꓟ ꓠꓬ ꓮꓠꓔꓲꓳꓫꓲꓓꓮꓠꓔ ꓢꓯꓼ ꓐꓰ ꓐꓲꓳꓮꓚꓔꓲꓦꓰ ꓚꓳꓟꓑꓳꓴꓠꓓ ꓢꓯꓼ ꓮ ꓟꓬ, ꓓꓵˍ ꓟ ꓑꓶ. ꓓꓴ ꓠꓲ, ꓟ ꓫꓵꓽ ꓙꓴꓽ ꓣꓳˍ ꓟ ꓠꓻ ꓔꓯ ꓥˍ ꓟꓲ ꓗꓽ ꓕ. ꓙ ꓖꓶ ꓐ ꓡˍ ꓡꓳ꓿ ꓖꓳ ꓟ ꓪꓴ. ꓠꓬꓲ ꓟ‐ꓡꓰ‐ꓗ ꓢꓶꓽ ꓔꓯ ꓜꓽ ꓖꓶˍ ꓟ ꓠꓬ ꓫꓵꓽ ꓓꓯꓻˍ ꓟ ꓬꓯꓼ ꓡꓰ ꓞꓰꓻ ꓡꓰ ꓝꓲˍ ꓟ ꓡꓰꓽ ꓟꓽ ꓞꓲ꓾ ꓫꓵꓽ ꓓꓯꓻ ꓠꓻ ꓐꓰ ꓗꓴ. ꓙꓲꓽ ꓙꓳˍ ꓟ ꓠꓻ ꓒꓬꓱꓼ ꓡˍ ꓟ ꓚꓱ, ꓔꓯ ꓥˍ ꓟꓲ ꓠꓲ. ꓡꓰ ꓝꓲ ꓐ ꓡˍ ꓡꓳ꓾ ꓐꓰ ꓢꓷ. ꓪ ꓡꓳ꓿

• ꓧꓪꓽ ꓗꓴ, ꓙꓲ ꓔꓯ ꓐꓲꓻ ꓡ ꓝꓲˍ ꓟ

ꓟ‐ꓡꓰ‐ꓗ ꓢꓶꓽ ꓗꓪ ꓦꓲꓔꓮꓟꓲꓠ ꓐꓰ ꓮꓠꓔꓲꓳꓫꓲꓓꓮꓠꓔ ꓢꓯꓼ ꓮ ꓟꓬ, ꓓꓵˍ ꓟ ꓑꓶ. ꓓꓴ ꓧꓪꓽ ꓗꓴ, ꓙꓲ ꓔꓯ ꓐꓲꓻ ꓡ ꓝꓲ ꓢꓲ ꓠꓬꓲ꓾ ꓧꓪꓽ ꓗꓴ, ꓙꓲ ꓟꓳꓽ ꓡꓰ ꓢꓻˍ ꓟ ꓔꓯ ꓥˍ ꓟꓲ ꓗꓽ ꓕ. ꓙ ꓖꓶ ꓐ ꓡˍ ꓡꓳ꓿ ꓟ‐ꓡꓰ‐ꓗ ꓢꓶꓽ ꓗꓪ ꓓꓵˍ ꓟ ꓮꓠꓔꓲꓳꓫꓲꓓꓮꓠꓔ ꓢꓯꓼ ꓐꓴ ꓠꓬ ꓧꓪꓽ ꓗꓴ, ꓙꓲ ꓐꓬ ꓡꓰˍ ꓟ ꓔꓯ ꓗꓽ ꓕ. ꓙ ꓖꓶ ꓢꓲ꓾ ꓧꓪꓽ ꓗꓴ, ꓙꓲ ꓡꓯ. ꓡꓰ ꓝꓲˍ ꓟ ꓬꓲ ꓢꓯꓼ ꓙꓳˍ ꓡꓳ꓾ ꓐꓰˍ ꓟꓲ ꓢꓷ. ꓪ ꓡꓳ꓿

• ꓫꓵꓽ ꓘꓴꓽ ꓗꓪ ꓟ ꓞꓼ ꓛꓵ ꓢꓯꓼ ꓔꓯ ꓞꓰꓻ ꓡꓰ ꓝꓲˍ ꓟ

ꓟ‐ꓡꓰ‐ꓗ ꓢꓶꓽ ꓬꓲ ꓗꓴ, ꓙꓲ ꓠꓬ ꓫꓵꓽ ꓘꓴꓽ ꓗꓪ ꓓꓯ,ˍ ꓟ ꓞꓼ ꓛꓵ ꓢꓯꓼ ꓔꓯ ꓟꓴ ꓓꓯꓻ ꓡ ꓝꓲˍ ꓥ ꓟꓲ꓾ ꓬꓲ ꓢꓶꓽ ꓗꓪ ꓟ ꓬꓲ ꓧꓪꓽ ꓐꓰ ꓬꓲ ꓠꓲ, ꓟ ꓠꓽ ꓫꓵꓽ ꓘꓴꓽ ꓗꓪ ꓟ ꓞꓼ ꓛꓵ ꓢꓯꓼ ꓔꓯ ꓬꓯꓼ ꓡꓰ ꓞꓰꓻ ꓡꓰ ꓝꓲ ꓐ ꓡˍ ꓡꓳ꓾ ꓐꓰ ꓢꓷ. ꓪ ꓡꓳ꓿ ꓖꓳ ꓟ ꓑꓶ. ꓓꓴ ꓢꓰ,‐ꓛꓬꓳ ꓠꓻ ꓙꓳ ꓢꓴ ꓐꓴ ꓠꓬ ꓟ‐ꓡꓰ‐ꓗ ꓢꓶꓽ ꓜꓽˍ ꓕꓯ ꓬꓲ ꓗꓴ, ꓙꓲ ꓔꓯ ꓣꓴ ꓦ ꓗꓷ ꓢꓲ ꓬꓲ ꓢꓶꓽ ꓜꓽˍ ꓟ ꓗꓪ ꓐꓰ ꓢꓰ,‐ꓛꓬꓳ ꓠꓻ ꓔꓯ ꓓꓻ ꓡꓰ ꓝꓲˍ ꓡꓳ꓾ ꓐꓰ ꓢꓷ. ꓪ ꓡꓳ꓿

• ꓖꓳ ꓓꓱꓽ ꓔꓯ ꓦꓯ. ꓡꓰ ꓚꓱ ꓡꓰ ꓝꓲˍ ꓟ

ꓟ‐ꓡꓰ‐ꓗ ꓢꓶꓽ ꓕꓲ ꓢꓶꓽ ꓗꓪ 37 ꓚꓮꓡꓳꓣꓲꓰ ꓡꓰꓽ ꓓꓵˍ ꓟ ꓥ ꓢꓲ꓾ ꓝꓲꓐꓰꓣ ꓢꓯꓼ ꓮ ꓟꓬ, ꓓꓵˍ ꓟ ꓥ ꓡꓳ꓿ ꓟ‐ꓡꓰ‐ꓗ ꓢꓶꓽ ꓜꓽ ꓗꓷ ꓗ ꓠꓯ. ꓠꓬ ꓦꓰꓽ ꓛꓲ ꓐꓳ ꓝꓲˍ ꓟ ꓑꓶ. ꓓꓴ ꓚꓮꓡꓳꓣꓲꓰ ꓟꓬꓽˍ ꓟ ꓜꓽ ꓓꓴ ꓔꓯ ꓝ. ꓢꓲ ꓟꓽ ꓜ ꓪ ꓡꓰ ꓠ, ꓟ ꓐꓱ ꓶ ꓗꓽ ꓕ. ꓙ ꓖꓶˍ ꓟ ꓥ ꓡꓳ꓿ ꓝꓲꓐꓰꓣ ꓢꓯꓼ ꓮ ꓟꓬ, ꓙꓳ ꓢꓲ꓾ ꓚꓧꓳꓡꓳꓢꓔꓰꓣꓳꓡ ꓮ ꓔꓲ. ꓤˍ ꓟꓲ ꓟꓽ ꓓꓯ,ˍ ꓟ꓾ ꓬꓲ ꓞꓵ ꓢꓯꓼ ꓙꓳˍ ꓟ ꓢꓲ, ꓢꓶꓽ ꓕꓲ ꓙꓰꓽ ꓥ ꓡꓳ꓿

• ꓖꓳ ꓓꓱꓽ ꓗꓪ ꓢꓯꓼ ꓙꓳ ꓝꓲˍ ꓟ

ꓟ‐ꓡꓰ‐ꓗ ꓢꓶꓽ ꓗꓪ ꓦꓲꓔꓮꓟꓲꓠ ꓟꓬꓽ ꓠꓬꓲ ꓓꓵˍ ꓟ ꓑꓶ. ꓓꓴ ꓠꓻ ꓤ ꓒꓬꓽ ꓤ ꓔꓯ ꓖꓼ ꓓꓳ ꓐ ꓡˍ ꓟ ꓬꓲ ꓢꓯꓼ ꓔꓯ ꓪꓽ ꓠꓬꓲ ꓡ ꓝꓲˍ ꓡꓳ꓿

• ꓚꓲ. ꓟꓶ ꓓꓴ ꓢꓯꓼ ꓪꓽ ꓠꓬꓲ ꓡ ꓝꓲˍ ꓟ

ꓟ‐ꓡꓰ‐ꓗ ꓢꓶꓽ ꓗꓪ (ꓦꓲꓔꓮꓟꓲꓠ ꓐ6) ꓐꓰ (ꓦꓲꓔꓮꓟꓲꓠ ꓐ3) ꓢꓯꓼ ꓓꓯ,ˍ ꓟ ꓪꓴ. ꓠꓬꓲ ꓫꓵꓽ ꓬꓲꓻ ꓚꓳˍ ꓟ ꓗꓪ ꓢꓯꓼ ꓙꓳ ꓡꓰ ꓝꓲ ꓢꓲ ꓠꓬꓲ꓾ ꓪꓴ. ꓠꓶ. ꓟꓬꓱꓽ ꓬꓰ ꓚꓱ, ꓔꓯ ꓟꓬꓽ ꓠꓬꓲ ꓬꓰ ꓙ ꓔꓳ, ꓙ ꓖꓶˍ ꓡꓳ꓿ ꓖꓳ ꓟ ꓑꓶ. ꓓꓴ ꓟ‐ꓡꓰ‐ꓗ ꓢꓶꓽ ꓜꓽ ꓖꓶˍ ꓟ ꓠꓬ ꓚꓲ. ꓟꓶ ꓓꓴ ꓢꓯꓼ ꓔꓯ ꓪꓽ ꓠꓬꓲ ꓡ ꓝꓲ ꓠ, ꓟ ꓐꓱ ꓶ ꓬꓰ ꓙ ꓖꓶˍ ꓡꓳ꓿

• ꓦꓰꓼ ꓟ ꓐꓰ ꓬꓲ ꓪꓴꓻ ꓚꓱ, ꓐꓱ ꓶ ꓙꓲꓻˍ ꓟ

ꓟ‐ꓡꓰ‐ꓗ ꓢꓶꓽ ꓬꓲ ꓧꓪꓽ ꓗꓪ ꓝꓲꓐꓰꓣꓣ ꓢꓯꓼ ꓮ ꓟꓬ, ꓓꓵˍ ꓟ ꓑꓶ. ꓓꓴ ꓦꓰꓼ ꓟ ꓐꓰ ꓬꓲ ꓪꓴꓻ ꓚꓱ, ꓐꓰ ꓶ ꓮ ꓘꓶ. ꓙꓲꓻˍ ꓟ ꓥ ꓡꓳ꓿ ꓟ‐ꓡꓰ‐ꓗ ꓢꓶꓽ ꓕꓲ ꓢꓶꓽ ꓗꓪ ꓕꓲ ꓠꓬꓲ ꓐꓱ ꓶ ꓣꓱꓽ ꓞ, ꓟ ꓝꓲꓐꓰꓣ ꓢꓯꓼ 12% ꓓꓵˍ ꓟ ꓥ ꓢꓲ ꓠꓬꓲ꓾ ꓜꓽ ꓔ ꓟ ꓓꓳ ꓙꓰ ꓟꓽ ꓓꓻ ꓟ ꓔꓯ ꓥˍ ꓟꓲ ꓓꓻ ꓡꓰ ꓝꓲˍ ꓡꓳ꓿ ꓦꓰꓼ ꓟ ꓙꓲꓺ ꓚꓱ, ꓔꓯ ꓪꓽ ꓠꓬꓲ ꓡ ꓝꓲ ꓢꓲ ꓠꓬꓲ ꓦꓰꓼ ꓟ ꓐꓱ ꓶ ꓙꓲꓻˍ ꓟ ꓥ ꓡꓳ꓿ ꓬꓲ ꓪꓴꓻ ꓘꓴꓽ ꓗꓪ ꓙꓳˍ ꓟ ꓟꓽ ꓙꓲꓻ ꓟ ꓐꓶꓽ ꓓꓲꓻ ꓐꓴ ꓔꓯ ꓫꓵꓻ ꓡꓰ ꓝꓲ ꓐ ꓡ ꓢꓲ꓾ ꓠꓻ ꓐꓶꓽ ꓓꓲꓻ ꓤ ꓤ ꓐꓴ ꓪꓴꓽ ꓡ ꓟꓬꓽ ꓡˍ ꓟ ꓗꓪ ꓐꓰ ꓗꓽ ꓕ. ꓙ ꓖꓶ ꓐ ꓡ ꓢꓲ ꓠꓬꓲ꓾ ꓬꓲ ꓪꓴꓻ ꓗꓪ ꓓꓵˍ ꓟ ꓟꓽ ꓙꓲꓻ ꓟ ꓬꓲ ꓬꓲꓻ ꓐꓴ ꓔꓯ ꓫꓬ ꓡꓰ ꓝꓲ ꓐ ꓡˍ ꓟ ꓑꓶ. ꓓꓴ ꓦꓰꓽ ꓛꓲꓽ ꓧꓳ,ˍ ꓟ꓾ ꓦꓰꓽ ꓛꓲꓽ ꓠꓻˍ ꓟ ꓔꓯ ꓓꓻ ꓡꓰ ꓝꓲ ꓐ ꓡˍ ꓡꓳ ꓐꓰ ꓢꓷ. ꓪ ꓡꓳ꓿

• ꓟꓬꓽ ꓢꓶ ꓐꓱ ꓶ ꓙꓲꓻˍ ꓟ

ꓟ‐ꓡꓰ‐ꓗ ꓢꓶꓽ ꓗꓪ (ꓦꓲꓔꓮꓟꓲꓠ ꓮ) ꓢꓯꓼ ꓮ ꓟꓬ, ꓓꓯ,ˍ ꓟ ꓑꓶ. ꓓꓴ ꓟꓬ ꓢꓶꓽ ꓐꓱ ꓶ ꓮ ꓘꓶ. ꓙꓲꓻˍ ꓡꓳ ꓐꓰ ꓢꓷ. ꓪ ꓡꓳ꓿

• ꓠꓲ, ꓟ ꓓꓵꓽ ꓙꓽ ꓪꓴꓽ ꓧꓶˍ ꓟ ꓔꓯ ꓓꓻ ꓡꓰ ꓝꓲˍ ꓟ

ꓟꓮꓖꓠꓰꓢꓲꓴꓟ ꓠꓬ ꓞꓳ ꓤ ꓐꓴ ꓓꓵꓽ ꓙꓽ ꓟꓬꓽ ꓓꓵꓽ ꓙꓽ ꓪꓴꓽ ꓧꓶˍ ꓟ ꓔꓯ ꓓꓻ ꓡꓰ ꓝꓲˍ ꓡꓳ ꓐꓰ ꓠꓯꓻ ꓞꓲꓼ ꓔꓯ ꓟꓳ. ꓧꓪ ꓟꓰ, ꓠꓬꓲ ꓔ ꓟ ꓕꓲ ꓐꓱ ꓗꓪ ꓐꓯ ꓔ ꓡꓳ꓿ ꓬꓲ ꓢꓯꓼ ꓕꓱ ꓟ ꓠꓬ ꓮ‐ꓬꓳꓠ‐ꓗꓬꓮꓪ ꓐꓰ ꓧꓪꓽ ꓘꓴ. ꓗꓬꓪꓮꓔ‐ꓔ, ꓐꓴ ꓔꓯ ꓡꓳꓻ ꓡꓰ ꓝꓲ ꓠꓬꓲ꓾ ꓠꓲ, ꓟ ꓓꓵꓽ ꓙꓽ ꓟꓬꓽ ꓓꓵꓽ ꓙꓽ ꓪꓴꓽ ꓧꓶˍ ꓟ ꓔꓯ ꓠꓲ. ꓡꓰ ꓝꓲ ꓐ ꓡˍ ꓡꓳ꓿ ꓟ‐ꓡꓰ‐ꓗ ꓢꓶꓽ ꓗꓪ ꓟꓮꓖꓠꓰꓢꓲꓴꓟ ꓢꓯꓼ ꓮ ꓟꓬ, ꓓꓵˍ ꓟ ꓪꓴ. ꓠꓬꓲ ꓠꓲ, ꓟ ꓓꓵꓽ ꓙꓽ ꓟꓬꓽ ꓓꓵꓽ ꓙꓽ ꓪꓴꓽ ꓧꓶ ꓡˍ ꓕꓯ ꓟ‐ꓡꓰ‐ꓗ ꓢꓶꓽ ꓜꓽ ꓗꓷ ꓠꓬ ꓓꓻ ꓡꓰ ꓢꓻ ꓡꓰ ꓝꓲ ꓐ ꓡˍ ꓡꓳ꓾ ꓐꓰ ꓢꓷ. ꓪ ꓡꓳ꓿

ꓝꓮꓲ ꓟ‐ꓡꓰ‐ꓗ ꓒꓬꓽ ꓔꓯ ꓥˍ ꓟꓲ ꓬꓲ ꓙꓴ ꓡꓱ. ꓗꓷ ꓢꓲ ꓡꓽ ꓚꓬ. (ꓛꓽ ꓬꓰ,) ꓡꓰ ꓐꓰ ꓬꓲꓻ ꓞ ꓧꓳꓽ ꓢꓲ ꓓꓳꓻ ꓔꓬ ꓖꓴˍ ꓡꓳ꓿ ꓬꓲ ꓒꓬꓽ ꓗꓪ ꓥˍ ꓟꓲ ꓬꓲ ꓢꓯꓼ ꓮ ꓟꓬ, ꓓꓵˍ ꓟ ꓥ ꓡꓳ꓿

ꓟꓷꓽ ꓠꓷ, ꓘꓴꓽ ꓗꓪ ꓬꓲ ꓑꓻ ꓓꓲꓻˍ ꓟ꓾ ꓠꓲꓽ ꓠꓲ ꓳʼˍ ꓟ ꓐꓰ ꓢꓶꓽ ꓛꓲ ꓠꓻˍ ꓟ ꓒꓬꓱꓼ ꓡˍ ꓕꓯ ꓟ‐ꓡꓰ‐ꓗ ꓒꓬꓽ ꓔꓯ ꓚꓬ. ꓗꓷ ꓢꓲ ꓬꓲ ꓬꓲꓻ ꓔꓯ ꓟꓷꓽ ꓠꓷ, ꓡꓯ, ꓖꓶˍ ꓠꓬ ꓓꓻ ꓡꓰˍ ꓡꓳ ꓐꓰ ꓢꓷ. ꓪ ꓡꓳ꓿