ꓦꓻ ꓢꓯꓼ ꓟꓶˍ ꓟ ꓢꓲꓽ ꓫꓬ ꓕꓳꓽ ꓶ ꓝꓲ.
ꓪꓴ‐ꓢ ꓠꓬ ꓣꓳ ꓔꓯ ꓙꓽ ꓫ. ꓔ ꓟ ꓙꓵ, ꓗꓪ ꓬꓲ ꓔꓯ ꓙꓵꓻ ꓠ, ꓟ ꓣꓳ ꓔꓯ ꓐꓯ ꓔ ꓟ ꓥ ꓡꓳ꓿ ꓣꓳ ꓮ ꓙꓵꓽ ꓠꓯꓸꓼ ꓗꓪ ꓮ ꓟꓶ ꓒꓬꓱꓼ ꓔꓬ ꓟ ꓠꓻ ꓫꓵꓽ ꓑꓶ. ꓓꓴ ꓟꓬꓱꓽ ꓬꓰ ꓓꓴ ꓫ. ꓔꓬ ꓟ꓾ ꓶꓻ ꓡꓯꓼ ꓟꓬꓱꓽ ꓚꓱ, ꓫ. ꓔꓬ ꓟ꓾ ꓗꓴꓷꓼ ꓫꓵꓽ ꓪꓴ ꓑꓶ. ꓓꓴ ꓫ. ꓓꓴ ꓔꓳ, ꓜꓳꓽˍ ꓟ꓾ ꓣꓳˍ ꓐꓰ ꓤ ꓠꓱ ꓤ ꓙꓻ ꓫꓱꓽ ꓠ, ꓟ ꓤꓶꓻ꓾ ꓕꓱ ꓡꓱ ꓬꓲ ꓚꓱ, ꓮ ꓟꓬ, ꓫꓵꓽ ꓐꓰ ꓠꓲ, ꓫ. ꓟꓬ ꓫ. ꓔꓳ, ꓜꓳꓽˍ ꓟ ꓔꓯ ꓪꓴ‐ꓢ ꓗꓪ ꓐꓰ ꓔꓱ,ˍ ꓟ ꓠꓲ, ꓟ ꓗꓴ ꓖꓶ ꓓꓴ ꓔꓯ ꓢꓲꓽ ꓫꓬ ꓕꓳꓽ ꓶ ꓝꓲ. ꓗꓪ ꓐꓰ ꓧꓪ ꓟꓶ ꓠ, ꓟ ꓥꓳ꓿
ꓣꓳ ꓙꓽ ꓫ. ꓓꓴ ꓔꓯ ꓧꓪ. ꓡꓰ ꓠ, ꓟ ꓐꓱ ꓶ ꓪꓴ‐ꓢ ꓠꓯꓸꓼ ꓗꓪ ꓶꓼ ꓓꓰꓽ ꓠ, ꓟ ꓥꓳ꓿ ꓟ‐ꓕꓲ 11ꓽ 28‐30 ꓗꓪ “ꓢꓯꓼ ꓕꓵꓼ ꓪꓴꓽ ꓧꓶ ꓢꓲ ꓶꓻ ꓡꓲꓽ ꓓꓻ ꓟ ꓟꓯꓻ ꓢꓴ ꓐꓴꓳ꓾ ꓥꓪ ꓔꓯ ꓡꓯ꓿ ꓖꓳ ꓡꓱ ꓠꓬ ꓠꓴ ꓪ ꓔꓯ ꓥꓪ ꓡꓰ ꓪꓴꓽ ꓧꓶ ꓠꓽ ꓝꓲˍ ꓥꓳ꓿ ꓥꓪ ꓡꓽ ꓡꓰ ꓟꓯꓻ ꓢꓲ ꓥꓪ ꓔꓯ ꓢꓳ ꓡꓯ꓿ ꓮ ꓡꓲꓳ ꓐꓯ ꓠꓬ ꓥꓪ ꓠꓲ, ꓟ ꓠꓽ ꓠꓴꓽ ꓢꓲ ꓙꓽ ꓣꓳˍ ꓡꓳ꓿ ꓖꓳ ꓡꓱ ꓠꓬ ꓠꓴ ꓪ ꓶꓼ ꓟꓬ ꓐꓱ ꓶ ꓪꓴꓽ ꓧꓶ ꓠꓽ ꓖꓴ ꓧꓪ ꓟꓶˍ ꓥꓳ꓿ ꓮ ꓡꓲꓳ ꓐꓯ ꓠꓬ ꓥꓪ ꓡꓽ ꓡꓰ ꓠꓽ ꓟꓯꓻ ꓢꓻˍ ꓡꓳ꓿ ꓥꓪ ꓶꓻˍ ꓟꓲ ꓡꓳꓻˍ ꓡꓳ꓾ ꓐꓯ ꓡꓳ꓿”
ꓬꓳ‐ꓦ 14ꓽ 27 ꓗꓪ “ꓠꓴ ꓪ ꓔꓯ ꓥꓪ ꓢꓲ ꓡꓲ ꓟ ꓖꓶ ꓔ ꓬꓰˍ ꓥꓳ꓿ ꓥꓪ ꓢꓲ ꓡꓲ ꓟ ꓠꓴ ꓪ ꓔꓯ ꓖꓶˍ ꓥꓳ꓿ ꓠꓴ ꓪ ꓔꓯ ꓥꓪ ꓖꓶˍ ꓟ ꓢꓲ ꓡꓲ ꓟ ꓠꓬ ꓟꓲ ꓠꓯ ꓡꓰ ꓖꓶˍ ꓟ ꓢꓲ ꓡꓲ ꓟ ꓡꓰ ꓐꓰ ꓟꓽ ꓗ,꓿ ꓠꓴ ꓪ ꓠꓲ, ꓟ ꓕꓽ ꓙꓽ ꓫ.꓿ ꓙꓳꓺˍ ꓟꓲ ꓕꓽ ꓙꓳꓺ꓿”
1 ꓒꓲ‐ꓕꓱ 5ꓽ7 ꓗꓪ “ꓠꓴ ꓪ ꓙꓽ ꓫ. ꓟ ꓮ ꓙꓵꓽ ꓪꓴ‐ꓢ ꓔꓯ ꓡꓯꓼ ꓙꓱ ꓗꓷ꓿ ꓮ ꓡꓲꓳ ꓐꓯ ꓠꓬ ꓬꓲ ꓠꓽ ꓠꓴ ꓪ ꓔꓯ ꓙꓽ ꓗꓳ,ˍ ꓡꓳ꓿”
ꓣꓳ‐ꓟ 1ꓽ38 ꓗꓪ꓾ “ꓖꓳ ꓡꓱ ꓥ ꓠꓬ ꓠꓴ ꓪ ꓮ ꓫꓵꓽ ꓐꓯ ꓠꓯ, ꓡ꓿ ꓪꓴ‐ꓢ ꓣꓳꓽ ꓔꓯ ꓙꓻ ꓢꓴ ꓥ ꓕꓯ ꓠꓽ ꓣꓳ ꓔꓯ ꓔꓳ, ꓢꓴ ꓮꓽ ꓟ ꓥ ꓡ꓿”
ꓡꓴ‐ꓘ 4ꓽ37 ꓗꓪ꓾ “ꓮ ꓡꓲꓳ ꓐꓯ ꓠꓬ ꓪꓴ‐ꓢ ꓬꓰ ꓟꓽ ꓐ ꓡ ꓟ ꓕꓲ ꓫꓵꓽˍ ꓟꓲ ꓟꓽ ꓙꓳ꓾ ꓐꓯ ꓡꓳ꓿”
ꓡꓴ‐ꓘ 12ꓽ25 ꓗꓪ꓾ “ꓠꓴ ꓪ ꓮ ꓡꓲ ꓕꓲ ꓣꓳ ꓙꓽ ꓫ. ꓟ ꓗꓪ ꓐꓰ ꓚꓲ. ꓛꓬ ꓤꓶꓻ ꓔꓯ ꓕꓲ ꓙꓵ, ꓫꓵ ꓡ ꓝꓲ ꓗꓴ.ˍ ꓡ꓿”
ꓦꓲ‐ꓐꓱ‐ꓣꓴ 11ꓽ1 ꓗꓪ꓾ “ꓙꓵꓻ ꓠꓲ, ꓠꓬ ꓥꓳ ꓡꓳ.ˍ ꓟ ꓬꓲ ꓦ ꓡꓱ ꓐꓳ ꓖꓴ ꓥ ꓢꓲ꓾ ꓟꓽ ꓟꓳ ꓢꓰꓽ ꓟ ꓬꓲ ꓗ. ꓚꓵ ꓥ ꓡꓳ꓿” ꓠ ꓠ, ꓘꓳ ꓣꓴ ꓢꓴ ꓮ ꓙꓵꓽ ꓔꓯ ꓮ ꓘꓶ. ꓫ. ꓟꓳ꓿ ꓐꓯ ꓡꓳ, ꓬꓰ ꓟ ꓢꓲꓽ ꓫꓬ ꓕꓳꓽ ꓶ ꓝꓲ. ꓗꓪ ꓐꓰ ꓦꓻ ꓢꓯꓼ ꓪ ꓣꓴ ꓓꓴ ꓬꓰ ꓡꓯ꓿ ꓮ ꓙꓵꓽ ꓢꓴ ꓧꓪ. ꓧꓪ.꓿
