ꓢꓲ ꓒ ꓠꓯꓸꓼ ꓗꓪ ꓠꓲ, ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓕꓱ ꓕꓲ ꓠꓽ ꓪꓴ‐ꓢ ꓟ. ꓟꓲꓽ ꓟ. ꓖꓶˍ ꓟ ꓗꓪ ꓠꓬ ꓢꓲ ꓒ ꓬꓰ‐ꓢꓴ ꓝꓮꓲ ꓕꓲ ꓧꓪ, ꓡˍ ꓟ ꓮ ꓡꓲ ꓫꓵꓽ ꓥ ꓡ꓾ ꓮ ꓡꓲ ꓦꓬꓼ ꓠꓬꓲ ꓗꓪ ꓛꓲ ꓡˍ ꓡ꓾ ꓐꓯ ꓟ ꓣꓳ ꓠ ꓠ, ꓓꓴ ꓬꓰ ꓡꓯ꓿
ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓢꓲ ꓒ ꓬꓰ‐ꓢꓴ ꓠꓬ ꓡꓯꓼ ꓐꓳ ꓔꓶ. ꓓꓴ ꓕꓯꓽ ꓢꓲ ꓗꓪ ꓕꓯꓼ ꓔꓶ. ꓟꓶ ꓗ ꓠꓯ.꓾ ꓢ ꓦꓬꓽ ꓢ ꓠꓬꓲ ꓗ ꓠꓯ. ꓢꓯ. ꓬꓲꓼ ꓡˍ ꓡꓳ꓿ ꓬꓲ ꓠꓬ ꓝꓮꓲ ꓢꓯ. ꓬꓲꓼ ꓡ ꓗꓷ ꓗ ꓠꓯ. ꓬꓲ ꓝꓲ ꓓꓴ ꓐꓴ ꓐꓰ 40 ꓦꓬꓽ 40 ꓠꓬꓲ ꓔꓬ ꓗꓷ ꓢꓲ ꓠꓬꓲ꓾ ꓬꓲ ꓪ ꓐꓴ ꓐꓰ ꓕꓲ ꓡꓰ, ꓜꓽ ꓕꓲ ꓡꓰ, ꓓꓳꓻ ꓬꓲ ꓪ ꓔꓯ ꓡꓯꓼ ꓫꓵ ꓟ. ꓖꓶ ꓑꓱ ꓖꓶˍ ꓡꓳ꓿ ꓦꓬꓼ ꓠꓬꓲ ꓬꓲ ꓙꓵ, ꓛꓲ ꓡ ꓕꓯ ꓬꓲ ꓠꓬ ꓟꓴꓽ ꓗꓪ ꓗꓴꓷꓼ ꓗꓪ ꓓꓯꓻ ꓙꓰˍ ꓡꓳ꓿
ꓬꓲ ꓝꓲ ꓓꓴ ꓐꓴ ꓔꓯ ꓕꓱ ꓡꓯ ꓐꓯ ꓗꓶꓽ ꓡꓯꓼ ꓘꓪ ꓔꓲ. ꓬꓰˍ ꓡꓳ꓿ “ꓥꓪ ꓠꓬ ꓠꓴ ꓪ ꓐꓰ ꓮ ꓕꓯ ꓟꓲ ꓔꓬ ꓥꓳ꓿ ꓠꓴ ꓪ ꓔꓯ ꓠ ꓠ, ꓢꓴ ꓠꓬ ꓥꓪ ꓔꓯˍ ꓟꓲ ꓠ ꓠ, ꓥꓳ꓿” ꓝꓮꓲ ꓬꓲ ꓟ. ꓖꓶ ꓘꓶꓽ ꓗꓪ꓾ ꓬꓲ ꓠꓬ ꓕꓲ ꓠꓬꓲ ꓙꓳˍ ꓠꓬ ꓝꓮꓲ ꓛꓲ ꓡˍ ꓥꓳ꓿ ꓬꓲ ꓛꓲ ꓡˍ ꓟ ꓦꓬꓼ ꓠꓬꓲ ꓗꓪ ꓬꓲ ꓠꓬ ꓮ ꓙꓵꓽ ꓔꓯ ꓐꓯ ꓟꓳ ꓘꓶˍ ꓥꓳ꓿ ꓟꓲ ꓠꓯ ꓕꓱ ꓟ ꓗꓪ ꓐꓰ ꓟꓴꓽ ꓗꓪ ꓗꓪ ꓕꓲ ꓣꓳˍ ꓟ ꓐꓯ ꓟꓳ ꓘꓶꓽ ꓢꓴ ꓠꓬ ꓢꓲ ꓒ ꓬꓰ‐ꓢꓴ ꓥꓳ꓿
