ꓟꓲ-ꓚꓲ-ꓠ ꓢ-ꓢꓶ-ꓠ ꓟꓬꓳ-ꓔꓧꓲꓔ-ꓖꓬꓲ ꓔꓲꓺ ꓒ ꓙꓵ: ꓔꓶ. ꓗꓪ ꓢꓔ. ꓟꓲꓚꓧꓮꓰꓡ ꓑꓮꓲ ꓬꓰˍ ꓟ
9 ꓦ ꓟ 29 ꓠꓬꓲ 2016 ꓘꓳꓼ ꓟꓶꓼ ꓘꓶꓼ 3 ꓙꓵꓹ ꓕꓯ ꓟꓲ-ꓚꓲ-ꓠ ꓢ-ꓢꓶ-ꓠ ꓟꓬꓳ-ꓔꓧꓲꓔ-ꓖꓬꓲ ꓔꓲꓺ ꓒ ꓙꓵ: ꓔꓶ. ꓗꓪ ꓢꓔ. ꓟꓲꓚꓧꓮꓰꓡ ꓑꓮꓲ: ꓔꓯ ꓟꓲ-ꓚꓲ-ꓠ ꓔꓲꓺ ꓒ ꓓ: ꓙꓳꓧꓠ-ꓟꓴꓠꓖ-ꓠꓖꓮꓪꓠ-ꓡꓮ-ꓢꓮꓟ ꓡꓰ ꓧꓳ: ꓪꓴ. ꓟꓴ ꓢꓲ ꓠꓬꓲ ꓟꓲ-ꓢ ꓔꓲ ꓖꓶ ꓗꓷꓳ=
St. Michael ꓑꓮꓲꓽ ꓗꓪ ꓡ ꓢꓴ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ ꓗꓪ ꓐꓰ ꓟ. ꓟꓲꓽ ꓚꓺ ꓟ. ꓖꓶ ꓟ ꓙꓵ, ꓕꓯ ꓔꓲꓺ ꓒ ꓙꓳꓧꓠ ꓠꓬ ꓣꓳ ꓔꓯ ꓪꓴ‐ꓢ ꓡꓰ ꓡꓳ. ꓙ ꓠꓬꓲ ꓙ ꓠ, ꓟ ꓐꓱ ꓶ ꓟꓴ ꓗꓪ ꓝꓲ ꓓꓴ ꓕꓲ ꓣꓳ ꓕꓲ ꓣꓳ ꓔꓯ ꓝꓲ. ꓖꓶ ꓢꓲ ꓠꓬꓲ ꓙꓲ ꓟ ꓚꓱ, ꓗꓪ ꓧꓳꓽ ꓣꓱ ꓖꓶ ꓠ, ꓟ ꓟꓬꓱꓽ ꓬꓰ ꓖꓶ ꓝꓲ ꓡꓳ ꓐꓰ ꓐꓯ ꓖꓶ ꓔ ꓡꓳ꓿
ꓝꓮꓲ ꓣꓳ ꓔꓯ ꓡꓳ. ꓙ ꓟ ꓟꓴ ꓗꓪ ꓝꓲ ꓓꓴ ꓠꓬ ꓙꓲ ꓟ ꓔꓯ ꓡꓰ ꓟꓬꓱꓽ ꓬꓰ ꓖꓶ ꓠ, ꓟ ꓙꓲ ꓟ ꓚꓱ, ꓔꓯ ꓓꓴ ꓙ ꓠ, ꓟ ꓪꓴ‐ꓢ ꓔꓯ ꓞꓳ ꓒꓵꓽ ꓓꓳ ꓟꓴ ꓖꓶ ꓠ, ꓟ ꓢꓷ. ꓠꓲ, ꓓꓴ ꓙ ꓚꓱ, ꓗꓪ ꓐꓰ ꓣꓳ ꓔꓯ ꓧꓳꓽ ꓣꓱ ꓔꓬ ꓢꓴ ꓐꓴ ꓥ ꓡꓳ ꓐꓰ ꓐꓯ ꓖꓶ ꓔ ꓡꓳ꓿
ꓢꓔ.ꓟꓲꓚꓧꓮꓰꓡ ꓑꓮꓲ ꓗꓪ ꓙꓲ-ꓢꓴ ꓢꓲꓺ ꓤ ꓐꓴ (1000) ꓣꓳ ꓛꓲ ꓡ ꓗꓷ ꓢꓲ ꓠꓬꓲ ꓟꓲ-ꓢ ꓪ: ꓘꓴ ꓙꓵꓹ ꓗꓪ ꓬꓰ ꓗꓷ ꓟ ꓥ ꓡꓳ=
ꓮ ꓟꓶ ꓟ ꓙꓵꓹ ꓗꓪ ꓢꓔ.ꓟꓲꓚꓧꓰꓮꓡ ꓔꓲꓺ ꓒ ꓙꓵ: ꓔꓶ. ꓔꓯ ꓧꓳ: ꓣꓱ: ꓔꓬ ꓢꓴ ꓠꓬ ꓔꓲꓺ ꓒ ꓟꓲꓚꓧꓮꓰꓡ-ꓔꓴ-ꓡꓲꓠꓖ ꓥ ꓡꓳ=
ꓢꓔ.ꓟꓲꓚꓧꓰꓮꓡ ꓔꓲꓺ ꓒ ꓙꓵ: ꓔꓶ. ꓗꓪ ꓞꓳ ꓘꓹ (6) ꓘꓹ ꓥ ꓢꓲ ꓠꓬꓲ ꓙꓲ-ꓢꓴ ꓢꓲꓺ ꓤ ꓮ ꓙꓵ: ꓠꓬ (1621) ꓣꓳ ꓥ ꓡꓳ=
