ꓔꓲꓺ ꓒ ꓪ ꓔꓲ ꓡꓰꓳ ꓠꓬ ꓣꓳ‐ꓟ ꓡꓳ ꓒꓱ ꓗꓪ ꓙꓳ ꓟ ꓡꓲꓽ ꓒꓰꓼ ꓐꓰ ꓢꓷ. ꓠꓲ, ꓢꓳꓻ ꓦꓲꓻ ꓗꓪ ꓙꓰ ꓗꓷ ꓟ

9 ꓦ ꓟ 21 ꓠꓬꓲ 2026 ꓘꓳꓼ ꓠꓽ ꓕꓲꓽ ꓠꓬꓲ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓣꓳ‐ꓟ ꓗꓴꓷꓼ ꓗꓪ ꓙꓳ ꓟ ꓡꓲꓽ ꓒꓰꓼ ꓐꓰ ꓢꓷ. ꓠꓲ, ꓢꓳꓻ ꓦꓲꓻ ꓗꓪ ꓙꓰ  ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓣꓳ‐ꓟ ꓡꓳ ꓒꓱ ꓗꓪ ꓙꓳ ꓟ ꓡꓲꓽ ꓒꓰꓼ ꓐꓰ ꓢꓷ. ꓠꓲ, ꓢꓳꓻ ꓦꓲꓻ ꓗꓪ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓔꓯ ꓝ. ꓢꓲ ꓠꓬꓲ ꓢꓯꓼ ꓕꓵꓼ ꓠ, ꓟ ꓐꓱ ꓶ ꓢꓯꓼ ꓖꓶ ꓗꓷ ꓟ ꓥ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ  ꓠꓬ ꓟꓲ ꓠꓯ ꓗꓪ ꓡꓳ ꓖꓪ ꓓꓴ ꓑꓮꓲꓽ ꓗꓪ ꓐꓰ ꓡ ꓞꓳ ꓕꓲ ꓣꓳ ꓐꓰ ꓕꓲ ꓣꓳ ꓙꓽ ꓡꓯꓽ ꓘꓳ, ꓠ, ꓟ ꓐꓱ ꓶ ꓬꓰ ꓙ ꓐ ꓡ ꓟ ꓚꓱ ꓔꓯ ꓥ ꓟꓲ ꓐꓯ ꓖꓶ ꓟ  ꓥ ꓡꓳ꓿ ꓡꓳ ꓖꓪ ꓓꓴ ꓑꓮꓲꓽ ꓠꓬ ꓟꓲ ꓠꓯ ꓡ ꓞꓳ ꓐꓴ ꓓꓴ ꓙ ꓚꓱ, ꓝꓮꓲ ꓠꓲ, ꓟ ꓘꓴꓽ ꓗꓪ ꓮ ꓫꓵꓽ ꓓꓴ ꓙ ꓔꓬ ꓟ ꓔꓯ ꓡꓳ ꓖꓪ ꓓꓴ ꓗꓪ ꓢꓷ. ꓪ ꓓ ꓟ ꓥ ꓟ ꓚꓱ, ꓔꓯ ꓥ ꓟꓲ ꓐꓯ ꓖꓶ ꓗꓷꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓪꓴ‐ꓢ ꓟꓬꓱꓽ ꓟꓯ ꓔꓬ ꓢꓴ ꓐꓴ ꓝꓮꓲ ꓬꓲ ꓒꓳ, ꓒꓳ, ꓗꓪ ꓟꓲ ꓠꓯ ꓡ ꓞꓳ ꓐꓴ ꓐꓱ ꓶ ꓙꓲ ꓖꓴ ꓙꓳ ꓟ ꓚꓱ, ꓗꓪ ꓐꓰ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓮ ꓙꓵꓽ ꓔꓯ ꓝ. ꓢꓲ ꓠꓬꓲ ꓟꓬꓱꓽ ꓬꓰ ꓠ, ꓟ ꓐꓯ ꓖꓶ ꓡꓳ꓿ ꓣꓳ‐ꓟ ꓞꓳ ꓫꓵꓽ ꓟꓶ ꓢꓯꓼ ꓥ ꓟ (Rome Curia) ꓠꓬ ꓙꓵꓻ ꓠꓲ, ꓐꓱ ꓶ ꓮ ꓙꓵꓽ ꓛꓲ ꓙꓲ  ꓖꓴ ꓙꓳ ꓟ ꓥ ꓡꓳ ꓐꓰ ꓫ. ꓕꓱ ꓗꓷꓳ꓿