ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓗꓪ ꓪꓽ ꓘꓴ ꓑꓮꓲ ꓬꓰˍ ꓟ ꓗꓪ ꓕꓲ: ꓟꓶ: ꓣꓳ ꓟꓽ ꓞꓲ ꓡ ꓟ
9 ꓦ14 ꓠꓬꓲ 2026 ꓘꓳꓼ ꓕꓯ ꓟꓲ‐ꓚꓲ‐ꓠ ꓡꓳ ꓒꓱ ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓗꓪ ꓪꓽ ꓘꓴ ꓡ ꓢꓴ ꓙꓲ‐ꓢꓴ ꓢꓲꓺ ꓤ ꓕꓲꓽ ꓟꓶꓽ ꓣꓳ ꓟꓽ ꓞꓲ ꓡ ꓗꓷꓳ꓾ ꓐꓰ ꓢꓷ. ꓪ ꓡꓳ꓿ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓐꓴ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ (43) ꓧꓪ, ꓟ ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓗꓪ ꓪꓽ ꓘꓴ ꓑꓮꓲ ꓓꓽ ꓔꓯ ꓬꓰ ꓓꓳ ꓡꓰꓳ꓾ ꓐꓰ ꓢꓷ. ꓪ ꓡꓳ꓿ ꓟꓲ‐ꓢ ꓪꓽ ꓘꓴ ꓙꓵ, ꓗꓪ ꓔꓲꓺ ꓒ ꓓꓽ Cardinal Charles Bo ꓡꓰ ꓟꓲ-ꓢ ꓪꓽ ꓘꓴ ꓙꓵꓹ ꓔꓯ ꓬꓰ ꓖꓶ ꓗꓷ ꓟ ꓥ ꓡꓳ=
ꓝꓮꓲ Cardinal ꓡꓰ ꓡꓯꓼ ꓐꓳ ꓔꓶꓸ ꓓꓴ ꓠꓬ ꓣꓳ ꓙꓲ-ꓢꓴ ꓢꓲꓺ ꓤ ꓐꓴ ꓐꓱ ꓶ ꓧꓪꓸ ꓡꓰ ꓓꓴ ꓥ ꓡꓳ= ꓣꓳ ꓚꓬꓴ. ꓢꓲꓺ ꓒ ꓬꓰ-ꓢꓴ ꓠꓯꓸꓼ ꓗꓪ ꓮ ꓕꓯ ꓥ ꓟꓲ ꓪꓽ ꓘꓴ ꓢꓲ ꓠꓬꓲ ꓛꓳ ꓫꓱ: ꓠꓹ ꓟ ꓟꓸ ꓟꓲ ꓚꓺ ꓖꓶ ꓗꓷ ꓟ ꓥ ꓡꓳ=ꓔꓲꓺ ꓒ ꓪ ꓔꓲ ꓝꓲ ꓓꓴ ꓗꓪ ꓐꓰ ꓥ ꓟꓲ ꓙꓲ-ꓢꓴ ꓢꓲꓺ ꓤ ꓐꓴ ꓔꓯ ꓢꓯꓼ ꓖꓶ ꓘꓶ ꓫꓸ ꓕꓱ ꓗꓷꓳ=
ꓝꓮꓲ Cardinal ꓡꓰ ꓢꓲꓺ ꓒ ꓬꓰ‐ꓢꓴ ꓠꓬ ꓣꓳ ꓟꓲ ꓠꓯ ꓡ ꓞꓳ ꓐꓴ ꓔꓯ ꓮ ꓡꓲ ꓐꓰ ꓞꓳ ꓙꓳ ꓠ, ꓟ ꓡꓯꓼ ꓐꓳ ꓔꓶ. ꓓꓴ ꓗꓪ ꓐꓰ ꓟ. ꓖꓶ ꓗꓷ ꓟ ꓐꓰ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓠꓲ, ꓫ. ꓟꓬ ꓫ. ꓓꓴ ꓓꓴ ꓔꓳ, ꓜꓳ ꓡ ꓟ ꓙꓵ, ꓕꓯ ꓡꓯꓼ ꓐꓳ ꓔꓶ. ꓓꓴ ꓠꓯ, ꓗꓪ ꓙꓰ ꓢꓲ ꓠꓬꓲ ꓪꓽ ꓘꓴ ꓠ, ꓟ ꓐꓱ ꓶ ꓥ ꓡꓳ꓿ ꓡꓯꓼ ꓐꓳ ꓔꓶ. ꓓꓴ ꓠꓬ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓐꓱ ꓶ ꓧꓪ. ꓡꓰ ꓟ ꓥ ꓡꓳ ꓐꓰ ꓟ. ꓟꓲꓽ ꓚꓺ ꓖꓶ ꓗꓷꓳ꓿
ꓞꓲ ꓠꓲ, ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓘꓴꓽ ꓑꓮꓲꓽ ꓗꓪ ꓡ ꓢꓲ ꓠꓬꓲ ꓪꓽ ꓘꓴ ꓡ ꓢꓴ ꓮ ꓙꓵꓽ ꓠꓬ ꓕꓲꓽ ꓟꓶꓽ ꓣꓳ ꓟꓽ ꓞꓲ ꓔꓬ ꓡꓳ ꓐꓰ ꓐꓯ ꓔ ꓡꓳ꓿
ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓗꓪ ꓬꓲ. ꓪꓴ. ꓪꓽ ꓘꓴˍ ꓟ ꓑꓮꓲꓽ ꓔꓯ 1983 ꓘꓳꓼ ꓕꓯ ꓬꓰ ꓗꓷꓳ꓿ ꓮ‐ꓡꓮꓟ ꓡꓯꓼ ꓐꓳ ꓔꓶ. ꓓꓴ ꓪꓽ ꓙꓵꓽ ꓠꓬ ꓟꓲ‐ꓚꓲ‐ꓠ ꓡꓳ ꓒꓱ ꓗꓪ ꓐꓰ ꓡꓳ‐ꓔ 15 ꓕꓷ, ꓶˍ ꓟ ꓥ ꓡꓳ꓾ ꓐꓰ ꓢꓷ. ꓪ ꓡꓳ꓿
