ꓘꓴ ꓜꓲꓼ ꓞꓳ
ꓘꓴ ꓜꓲꓼ ꓞꓳ ꓐꓯ_ ꓟ ꓠꓬ ꓢꓲ ꓒ ꓬꓰ‐ꓢꓴ ꓬꓲ. ꓖꓳ ꓓꓱ ꓔꓯ ꓐꓯ_ ꓟ ꓥ ꓡꓳ꓾ ꓖꓳ ꓟ ꓑꓶ ꓓꓴ ꓘꓴ ꓜꓲꓼ ꓞꓳ ꓬꓲ. ꓪꓴ. ꓓꓴ ꓠꓬ ꓢꓲ ꓒ ꓬꓰ‐ꓢꓴ ꓥ ꓡꓳ꓾ ꓠꓬꓲ. ꓠꓬꓲ ꓟꓲ ꓠꓯ ꓗꓪ ꓢꓲ ꓒ ꓬꓰ‐ꓢꓴ ꓬꓲ. ꓖꓳ ꓓꓱ ꓠꓬ ꓮ ꓡꓲ ꓢꓯ. ꓔꓬ ꓡ? ꓐꓯ_ ꓟ ꓔꓯ ꓢꓷ. ꓠꓲ, ꓫꓵ ꓠꓬ ꓘꓴ ꓜꓲꓼ ꓞꓳ ꓔꓯ ꓡꓳ. ꓠꓬꓲ ꓠꓬ ꓢꓷ. ꓓ ꓡꓳ꓿ ꓘꓴ ꓜꓲꓼ ꓞꓳ ꓮ ꓙꓵ ꓠꓬ ꓢꓲ ꓒ ꓬꓰ‐ꓢꓴ ꓖꓳ ꓓꓱ ꓠꓯꓼ ꓗꓪ ꓟ ꓥ ꓡꓳ꓿ ꓣꓳ ꓪꓴ. ꓓꓴ ꓠꓬ ꓢꓲ ꓒ ꓬꓰ‐ꓢꓴ ꓥ ꓡꓳ꓿ ꓖꓳ ꓟ ꓑꓶ ꓓꓴ ꓘꓴ ꓜꓲꓼ ꓞꓳ ꓐꓯ_ ꓟ ꓠꓬ ꓢꓲ ꓒ ꓬꓰ‐ꓢꓴ ꓫꓬ, ꓔꓶꓻ ꓔ ꓟ ꓢꓲ ꓒ ꓬꓰ‐ꓢꓴ ꓬꓲ ꓖꓳ ꓓꓱ ꓟꓲ ꓠꓯ ꓗꓪ ꓟ ꓥ ꓡꓳ꓿
ꓐꓲ ꓜꓲꓼ ꓟ ꓘꓴ ꓜꓲꓼ ꓞꓳ ꓕꓲꓽ ꓟ ꓢꓲ ꓒ ꓬꓰ‐ꓢꓴ ꓫꓬ, ꓔꓶꓻ ꓔ ꓟ ꓘꓴ ꓜꓲꓼ ꓞꓳ ꓕꓲꓽ ꓟ ꓠꓬ ꓮ ꓡꓲ ꓐꓲ ꓜꓲꓼ ꓓꓴ ꓥ ꓡ? 4 ꓫꓵꓽ ꓗꓪ ꓐꓰ ꓣꓳ ꓢꓷ. ꓓ_ ꓡꓳ꓾ ꓕꓱ 4 ꓫꓵꓽ ꓠꓬ ꓳꓠꓰ, ꓧꓳꓡꓬ, ꓚꓮꓔꓧꓳꓡꓲꓚ ꓮꓠꓓ ꓮꓑꓳꓢꓔꓳꓡꓲꓚ ꓐꓰ ꓥ ꓡꓳ꓾ ꓕꓱ ꓟ ꓔꓯ ꓐꓯ ꓠꓬ ꓳꓠꓰ ꓐꓯ_ ꓟ ꓠꓬ ꓕꓲꓽ ꓟꓵꓽ ꓕꓲ ꓫꓵ ꓕꓲ ꓟꓲ ꓠꓯ ꓡꓱꓼ ꓙꓳ_ ꓟ ꓮ ꓙꓵ ꓠꓬ ꓕꓲ ꓠꓲ, ꓕꓲ ꓪ ꓘꓴ ꓜꓲꓼ ꓞꓳ ꓕꓲꓽ ꓟ ꓟ ꓥ ꓡꓳ꓿ ꓧꓳꓡꓬ ꓐꓯ_ ꓟ ꓠꓬ ꓢꓲ ꓫꓬ_ ꓟ꓾ ꓘꓴ ꓜꓲꓼ ꓞꓳ ꓠꓬ ꓢꓲ ꓫꓬ, ꓟ ꓥ ꓡꓳ꓾ ꓮ ꓫꓵ ꓑꓶ ꓓꓴ ꓐꓯ ꓠꓬ ꓘꓴ ꓜꓲꓼ ꓞꓳ ꓠꓬ ꓢꓲ ꓒ ꓬꓰ‐ꓢꓴ ꓧꓪ ꓖꓳ ꓓꓱ ꓬꓲ. ꓚꓲ. ꓛꓬ ꓥ ꓟ ꓑꓶ ꓓꓴ ꓢꓲ ꓒ ꓬꓰ‐ꓢꓴ ꓢꓲ ꓫꓬ ꓟ ꓡꓰ ꓐꓰ ꓘꓴ ꓜꓲꓼ ꓞꓳ ꓥ ꓟꓲ ꓢꓲ ꓫꓬ ꓟ ꓥ ꓡꓳ꓿ ꓚꓮꓔꓧꓳꓡꓲꓚ ꓐꓯ_ ꓟ ꓠꓬ ꓣꓳ ꓢꓪ. ꓔ ꓟ ꓣꓳ ꓓꓵꓽ ꓙ ꓔ ꓟ ꓡꓰ ꓟꓽ ꓥ꓾ ꓕꓲ ꓟꓵꓽ ꓕꓲ ꓫꓵ ꓐꓰ ꓗꓴ. ꓙꓰ ꓙꓳ_ ꓟ ꓥ ꓡꓳ꓿
ꓖꓳ ꓟ ꓑꓶ ꓓꓴ ꓟꓲ ꓠꓯ ꓗꓪ ꓙꓳ_ ꓟ ꓮ ꓙꓵ ꓪꓴ‐ꓢ ꓦ ꓡꓱ ꓢꓴ ꓠꓬ ꓮ ꓡꓰ ꓫꓵ ꓕꓲꓽ ꓣꓳ ꓥ ꓟꓲ ꓮ ꓙꓵ ꓐꓰ ꓗꓴ. ꓙꓰ ꓙꓳ_ ꓟ ꓥ ꓡꓳ꓿ ꓖꓳ ꓟ ꓑꓶ ꓓꓴ ꓠꓴ ꓠꓬ ꓧꓪ ꓒꓴ_ ꓡꓳ꓾ ꓧꓪ ꓠꓯ. ꓡꓳ꓾ ꓠꓴ ꓠꓬ ꓞꓳ ꓫꓵ ꓕꓱ ꓡꓱ ꓥ꓾ ꓠꓴ ꓠꓬ ꓞꓳ ꓫꓵ ꓕꓱ ꓡꓱ ꓥ ꓐꓰ ꓟꓽ ꓥ꓾ ꓟꓲ ꓠꓯ ꓡ ꓞꓳ ꓮ ꓙꓵ ꓠꓬ ꓗꓴ. ꓙꓰ ꓙꓳ_ ꓟ ꓮ ꓙꓵ ꓠꓬ ꓚꓮꓔꓧꓳꓡꓲꓚ ꓐꓰ ꓥ ꓡꓳ꓿ ꓖꓳ ꓟ ꓑꓶ ꓓꓴ ꓕꓲ ꓟꓵꓽ ꓕꓲ ꓫꓵ ꓐꓰ ꓫꓱ, ꓟ꓾ ꓘꓴ ꓜꓲꓼ ꓞꓳ ꓕꓱ ꓟ ꓔꓯ ꓐꓯ_ ꓟ ꓥ ꓡꓳ꓿
ꓮꓑꓳꓢꓔꓳꓡꓲꓚ ꓐꓯ_ ꓟ ꓠꓬ꓾ ꓢꓲ ꓒ ꓬꓰ‐ꓢꓴ ꓬꓲ ꓝꓲ ꓓꓴ ꓐꓴ ꓞꓲ ꓠꓬꓲꓽ ꓣꓳ ꓗꓪ ꓐꓰ ꓟ. ꓖꓶ ꓐꓱ ꓖꓶ ꓕꓱ ꓡꓱ ꓝ. ꓩꓴ ꓡ ꓟ ꓮ ꓟꓶ ꓗꓪ ꓛꓲ ꓥ ꓡꓳ꓿ ꓖꓳ ꓟ ꓑꓶ ꓓꓴ ꓢꓲ ꓒ ꓬꓰ‐ꓢꓴ ꓗꓪ ꓐꓰ ꓬꓲ ꓝꓲ ꓓꓴ ꓐꓴ ꓗꓪ ꓐꓰ ꓠꓬꓲ. ꓠꓬꓲ ꓗꓪ ꓛꓲ ꓬꓲ. ꓑꓶ. ꓟꓽ ꓞꓶ ꓞꓶ ꓝ. ꓩꓴ ꓡ ꓟ ꓑꓶ ꓓꓴ ꓕꓱ 4 ꓫꓵꓽ ꓐꓲ ꓜꓲꓼ ꓡ ꓟ ꓥ ꓡꓳ꓿ ꓕꓱ ꓟ ꓠꓬ ꓢꓲ ꓒ ꓬꓰ‐ꓢꓴ ꓬꓲ. ꓚꓲ. ꓛꓬ ꓫ, ꓔꓶꓻ ꓡ ꓟ ꓘꓴ ꓜꓲꓼ ꓞꓳ ꓥ ꓡꓳ꓿
